Të dashur lexues, besojmë se keni dëgjuar në korrespondencat e kaluara se u krijua në fund të vitit 2005 klubi i parë zyrtar i dëgjuesve të emisioneve në gjuhën shqipe të Radios së Jashtme të Kinës "Miqësia". Me përpjekje të mëdha të përgjegjësit të këtij klubi, z. Daut Kryemadhi, u u organizua gjithasthtu në Tiranë, një takim mjaft i suksesshëm të dëgjuesve tanë.

Fill pas organizimit të takimit, përgjegjësi dhe nismëtari i këtij klubi, z. Daut Kryemadhi, na shkroi disa letra, në të cilat shpreh gëzimin e tij për këtë takim të paharrueshëm. Në njërën prej këtyre letrave, ai na pyet për mundësinë e çeljes së një hapësire në rubrikën tonë për t'ju paraqitur juve më shumë anëtarë të klubit dhe më vonë na dërgoi materiale lidhur me këtë.

Pasi lexuam me gëzim të madh letrat e tij, morëm pa ngurruar vendim që ta vëmë këtë ide në praktikë që nga rubrika e sotme, sepse ky na duket një propozim interesant në të mirë të forcimit të marrëdhënieve ndërmjet dëgjuesve të nderuar dhe redaksisë sonë. Dhe në këtë artikull, le të vazhdojmë të njihemi së bashku me dëgjuesin tonë të rregullt dhe anëtarin e klubit "Miqësia", z. Niko Zherdi:

z. Niko Zherdi është një njeri i përgatitur dhe me kulturë. Kishte mbaruar dy fakultete, atë ekonomike dhe juridik. Ndjenjat dhe respekti i tij për Kinën e madhe e popullin kinez ishin të larta. Gjatë punës së tij në takimet e ndryshme me specialistë kinezë e të fushave të ndryshme ruante një respekt të veçantë. Ruante fotot e bëra me specialistët kinezë në kohë të ndryshme.

Në letrën e tij, z. Daut Kryemadhi shkruan kështu: "Në kohën që po jepej emisioni i dt. 16 Janar 2006 ku u dha dhe fjala që mbajta unënë këtë takim, më bie telefoni dhe prezantohet folësi: 'Jam Niko Zherdi më tha. Po dëgjoj emisionin në shqip të Radios së Jashtme të Kinës.Jam një dëgjues i rregullt i saj. Nuk kam dëgjuar më parë për takimin se do të merrja pjesë me kënaqësi."

Ata morën vendim në bisedë telefonike të takohen me njëri tjetrin ndonjë ditë. Dhe në takimin e zhvilluar më vonë, shkëmbyen mendimet lidhur me përmbajtjet e emisioneve të transmetuara më parë. Gjatë bisedës që po zhvillonin erdhën edhe katër kuadro të tjerë të cilët pasi u njohën me z. Kryemadhin dhe temën e bisedës që po bënin shprehën dëshirën për t'u inkuadruar edhe ata në klubin tonë të dëgjuesve "Miqësia".

Tani, nën drejtimin e organizatorit të klubit të dëjuesve "Miqësia", z. Kryemadhi, numri i klubit po shtohet dita ditës dhe kemi besim të plotë që nëpërmjet përpjekjeve të përbashkëta, ky klub do të luajë një rol gjithnjë e më të rëndësishëm për forcimin e miqësisë midis dy popujve.