Në qarqet gjimnastikore të Kinës, ka 3 gjimnastë të njohur Li Ning, Li Xiaoshuang dhe Li Xiaopeng, të cilët kanë fituar gjithsej 7 medalje të arta gjimnastikore në Lojërat Olimpike. Ata ka nëpërjetuar kulmin në gjimnastikën e Kinës. Sot do t'ju flasim për Li Xiaoshuang.

Li Xiaoshuang ka lindur në vitin 1973 në një familje të varfër në provincën Hubei të Kinës jugore. Kur ishte 6 vjeçar, prindërit e tij dërguan atë dhe të vëllain në një ekip gjimnastikor për stërvitje profesioniste. Në fakt, synimi kryesor i prindërve ishte për t'u krijuar atyre një jetë më të mirë, por nuk kishin menduar kurrë hyrjen në kombëtare kineze dhe fitimin e medaljes së artë olimpike. Duke kujtuar atë kohë, Li Xiaoshuang tha: "Në ekipin gjimnastikor të kohës së atëherëshme, çdo lojtar mund të merrte falas rroba dhe bukë, gjë që ishte diçka shumë e mirë për ne dhe shkaku kryesor për stërvitje në gjimnastikë.

Trajneri i parë i Li Xiaoshuang-ut Ting Xiapeng tha se ndër lojtarët e shumtë, Li Xiaoshuang dhe vëllai i tij stërviteshin gjithmonë me zell dhe për fëmijët në atë moshë kjo ishte shumë e rrallë.

Viti 1983 është një pikë kthese për Li Xiaoshuang dhe vëllain e tij, ata u pranuan nga ekipi gjimnastikor i provincës Hubei. Pas hyrjes në ekipin e provincës, ata zbuluan që krahas atyre kishte edhe shumë gjimnastë të tjerë të dalluar. Ata i premtuan vetës të stërviteshin më me shumë zell për të qëndruar në ekipin e provincën. Atë kohë, ëndrra e tyre më e madhe ishte të qëndronin në ekip dhe të jepnin ndihmës. Pas disa muajsh, Li Xiaoshuang dhe vëllai i tij realizuan që si një anëtar i ekipit të gjimnastikës jo vetëm mund të mearrnin falas rroba dhe bukë por edhe mund të jepnin kontribut për atdheun.

Talenti i Li Xiaoshuang-ut u tregua plotësisht në ekipin e provincës dhe ai hyri në kombëtaren kineze të gjimnastikës. Megjithëse ai ka hyrë dhe dalë disa herë nga kombëtarja, rezultatet e tij në gara dhe paraqitja në stërvitje fituan pëlqimin dhe përkrahjen e trajnerit dhe shikuesve. Në vitin 1990 në Lojërat Aziatike të Pekinit, Li Xiaoshuang fitoi një medalje të artë në gjimnastikën aerobike për meshkuj dhe një medalje të artë në garat gjimnastikore si ekip. Pas këtyre fitoreve, Li Xiaoshuang u bë i njohur në mbarë botën. Në vitin 1992 në Lojërat Olimpike të Barcelonës, Li Xiaoshuang kaloi vështirësi të mëdha dhe kreu me sukses një soltra në ajër shumë të vështirë dhe në fund fitoi me epërsi të madhe një medalje të artë në gjimnastikën aerobike për meshkuj, duke u bërë sportisti kryesor i kombëtares kineze. Vlen të përmendet se kjo është medalja e vetme e artë që fitoi kombëtarja kineze e gjimnastikës në Barcelonë.

Në vitin 1995, Li Xiaoshuang mori pjesë në Kampionatin botëror të gjimnastikës, ku mori titullin kampion në gjimnastikën omnipotente, duke u bërë gjmnasti i parë që e fiton këtë titull në një kampionat. Në vitin 1996, në Lojërat Olimpike të Atlantës, Li Xiaoshuang fitoi për Kinën një medalje të artë në garën omnipotente. Kjo është medalja e vetme e kombëtares kineze e gjimnastikës në Atlantë dhe është medalja më e rëndësishme në gjimnastikë në historinë olimpike të Kinës.

Në vitin 1997, për shkak të dëmtimit në kyç, Li Xiaoshuang e mbylli karrierën e tij sportive, por shpirti i tij këmbëngulës nxit gjithmonë shokët e tij të ekipit. Motoja e tij është "Besim do të thotë fitore".

Duke kujtuar kohët pas largimit nga gjimnastika, Li Xiaoshuang tha: "Përafro 3 vjet, unë s'mund ta mësohesha me jetën pa gjimnastikë, e ndieja se më duhet të kthehesha sërish në palestër. Tani, unë e ndiej që jam si një puntor i mbetur pa punë dhe nuk e di se çfarë duhet të bëj."

Pas largimit nga gjimnastika, Li Xiaoshuang dhe i vëllai i hynë fushës tregtare. Në vitin 2000, ata hapën një kompani të shitjes së mallrave sportive me emrin "Li Xiaoshuang". Li Xiaoshuang punon si president, i vëllai si kryemenaxher dhe e shoqja e të vëllait punon si zv/menaxhere. Me një bashëpunim harmonik, kompania e tyre administrohet mirë.

Në vitin 2003, Li Xiaoshuang u martua me një gjimnaste të njohur kineze Zhang Beining dhe filloi me të një jetë të lumtur. (Jiang Lei)