Më 14 mars u mbyll sesioni vjetor i Asamblesë Kombëtare Popullore të Kinës, organ suprem i pushtetit shtetëror të Kinës. Li Denghai ishte një nga 2900 deputetët që morën pjesë në këtë sesion, i cili mori me vete kallinj misri. Ai ka përgatitur dhe mbjellë farëra të misrit hibrid dhe ka vendosur rekord botëror në prodhimin e misrit.

Li Denghai, një 57 vjeçar me fytyrë zeshkane, është shumë i çiltër dhe modest. Kur hyri në dhomën e tij korrespodentit i ranë në sy disa kallinj misri dhe farëra misri në tryezë. Li Denghai tha se këto ai i solli nga baza eksperimentale në ishullin Hainan mbi 2300 kilometra larg dhe do të çonte si farëra në vendlindjen e tij në provincën Shandong në lindje të Kinës.

Përse kudo që shkon Li Denghai merr me vete misër ? Li Denghai tha se brenda 30 vjetëve ai është shndërruar nga një fshatar i thjeshtë që mbillte misër, e që mendonte se si ta mbillte sa më mirë atë në një krijues të rekordit botëror në prodhimin e misrit, duke ia kushtuar të gjitha forcat dhe energjinë e tij studimit të misrit. Ndërsa në fillim ai mendonte vetëm që sa më shumë njerëz të ngopeshin, sepse fëmijërinë e tij e kaloi në periudhën e mungesës së tepërt të drithërave në Kinë:

"Në vitin 1972 në Kinë filloi të përhapej minsri hibrid. Dikur prodhimi i misrit ishte i ulët, 15 kuintalë për hektarë, ndërsa pas mbjelljes së misrit hibrid prodhimi arriti në 30 kiuntalë, duke u dyfishuar. Nga kjo vumë re potencialin e madhe të varieteteve hibride."

Për të përgatitur varietete të mira misri, Li Denghai bashkë me punonjës agroteknikë zhvilluan eksperimentime me farëra të mira të mbarë vendit. Ai punonte shpesh herë 5,6 orë papushim në arë për të gjetur filiza të përshtatshme dhe për të vëzhguar rritjen e misrit hibrid. Në vitin 1978, Li Denghai dhe shokët e tij ngritën një bazë eksperimentale në zonën malore të provincës Hainan me klimë subtropikale ku kulturat bujqësore mund të mbillen në të 4 stinat e vitit. Tani baza e tyre eksperimentale ka një sipërfaqe prej mbi 10 hektarësh dhe në të janë zhvilluar për 28 vjet me radhë eksperimentime për përgatitjen e farërave të misrit.

Deri më sot Li Denghai ka përgatitur gati 100 varietete të reja misri. Në tetor të vitit 2005, me mbjelljen e varietetit të ri të misrit të përgatitur prej tij u sigurua një prodhim prej 21 kuintalë për hektar, duke shëuar një rekord botëror.

Li Denghai nuk i ndaloi hapat vetëm në parcelat e misrit, por ai vijoi drejt tregut. Në vitin 1992, ai krijoi një ndërmarrje private që merret me studime shkencore, me përhapjen e teknikës dhe me prodhimin. Sipërfaqja e mbjellë me varietetet e misrit të përgatitura prej kësaj ndërmarrjeje zë 33% të mbarë vendit.

Gjatë zhvillimit të saj ndërmarrja private e Li Denghait, që ka potencial të madh në studimet shkencore, ndodhet përpara një problemi kyç, problemit të mbrojtjes së të drejtës së autorit. Lidhur me këtë problem, shefi i Qendrës së misrit pranë Akademisë së studimeve shkencore të Bujqësisë profesor Zhang Shihuang tha:

"Prodhimi bujqësor nuk është i mbledhur, prandaj sekretet agroteknike nuk mund të mbrohen lehtë. Kështu që nuk mund të mbrohet as e drejta e autorit, e si pasojë kapitalet private nuk do të marrin pjesë në të. Pa pjesëmarrjen e kapitaleve private zhvillimi i teknikës së përparuar do të ketë vështirësi të mëdha."

Farërat e misrit hibrid të përgatitura nga Li Denghai fituan çmimin e parë kombëtar të krijimeve të reja tekniko-shkncore në vitin 2004, fituan patentën shtetërore dhe të drejtat e tyre të autorit mbrohen me ligj. Lidhur me mbrojtjen ligjore në përgatitjen e farërave në Kinë vitet e fundit, Li Denghai tha:

"Vendi ynë ka arritur përparime të mëdha në mbrojtjen e së drejtës së autorit. Në vitin 1997, Këshilli i Shtetit hartoi "Rregulloren e mbrojtjes së varieteteve të reja bimore", në vitin 1999, vendi ynë u pranua në "Konventën botërore të mbrojtjes së varieteteve të reja bimore" dhe në vitin 2000 vendi ynë rishikoi "Ligjin e farërave", duke intensifikuar shumë mbrojtjen e së drejtës së autorit."

Li Denghai që është rritur në fshat tregon kujdes shumë të madh për shtimin e të ardhurave të fshatarëve. Duke folur për përfitimet reale të krijuara nga misri, Li Denghai tha:

"Rritja e derrave, e pulave dhe lopëve nuk mund të ndahet nga misri. Misri është edhe lëndë e parë e industrisë dhe e energjisë. Në shumë vende ku nuk mjafton energjia, përdoret si shtojcë e benzinës alkooli i prodhuar nga misri.

Li Denghai është shkencëtar e sipërmarrës, si edhe deputet i Asamblesë Kombëtare Popullore i ardhur nga fshati, ndaj ai punon për mbrojtjen e interesave të fshatarëve. Ai merr pjesë aktivisht në punën legjislative dhe të kontrollit që ka të bëjë me interesat e fshatarëve, me zhvillimin e bujqësisë dhe të fshatit. Në mbledhjen e shqyrtimit në grupe të "projekt-ligjit mbi sigurimin e cilësisë së produkteve bujqësore" që u mbajt pak kohë më parë në Komitetin e përhershëm të Asamblesë Kombëtare Popullore të Kinës Li Denghai propozoi se duhet të ketë një ligj për hallkat e prodhimit dhe të shitjes, për të siguruar interesat e fshatarëve. (Pina)