"Kompania e ushqimit 'Sen Quan' u krijua në Nan Jing në vitin 1999. Sektorët përkatës të Nan Jing-ut më kanë ndihmuar shumë. Kështu kompania ime është zhvilluar mirë. Pastaj vendosa të investoj 2 milionë dollarë amerikanë duke zgjeruar degët e saj," tha plot me besim, tregtari tajvanez Liao Senchi, që është marrë me biznes për 6 vjet në Ge Shan, një rajon investimi i tregtarëve tajvanezë të Nan Jing-ut të provincës Fu Jian.

Nan Jing-u është afro 100 kilometra larg nga Xia Men-i, që është një nga shtëpitë e të parëve të bashkatdhetarëve tajvanezë. Vitet e fundit, me kushtet e mira gjeologjike dhe klimaterike dhe me mjedisin e mirë të tregtisë, Nan Jing-u është bërë një magnet i fuqishëm i provincës Fu Jian, që tërheq tregtarët tajvanezë.

Në dy muajt e parë të këtij viti, Nan Jing-u ka tërhequr me sukses 12 projekte të investimit të tregtarëve tajvanezë. Sasia e përgjithshme e investimit arriti në më shumë se 40 milionë dollarë amerikanë. Sot në Nan Jing, ka më shumë se 160 ndërmarrje tajvaneze dhe sasia e përgjithshme e investimit i ka kaluar të 300 milionë dollarët amerikanë.

Nan Jing-u është një rajon kryesor i prodhimit të çajit të markës "U Long" dhe një nga zonat e prodhimit të çajit të provincës Fu Jian. Në dhjetor të vitit 2005, u zhvillua Festivali i parë i kulturës së çajit midis dy brigjeve të ngushticës të Tajvanit, i cili u bë me qëllim që të nxiten shkëmbimet tregtare midis tyre nëpërmjet çajit. Dhjetra bashkatdhetarë honkongas dhe të Makaos, emigrantë kinezë, funksionarë industrialo-tregtarë të Nan Jing-ut që punojnë jashtë provincës Fu Jian, specialistë të çajit, agjentë biznesi erdhën këtu për investim.

Gjatë këtij festivali, pati gjithsej 50 projekte që do të fillojnë të zbatohen, me një investim prej 1,9 miliardë yuanë. Sot, në Nan Jing janë mbjellë afro 20 lloje çajërash, si ato të markave "Tie Guanyin", "Dan Gui", "Huang Dan", "Ben Shan" etj, në një sipërfaqe prej 49,8 mijë hektarësh.

Përveç industrisë ushqimore dhe mbjelljes së çajit, investimi i tregtarëve tajvanezë ka nxitur edhe zhvillimin e mbjelljes së luleve në Nan Jing. Në vitin 1999, Wu Yiqing, Xu Jincheng dhe 10 tregtarë të tjerë erdhën këtu për të krijuar ndërmarrjet e mbjelljes së orkideve.

Wu Yiqing zbuloi se toka dhe klima e Nan Jing-ut janë të ngjashme me ato të Tajvanit, që janë të përshtatshme për mbjelljen e orkideve. Pastaj ai investoi më shumë se 2 milionë yuanë për të krijuar ndërmarrjen e parë të mbjelljes së orkideve në Ge Shan, rajon investimi i tregtarëve tajvanezë në Nan Jing. Gjatë disa viteve, orkide të tipit "Hu Die", "Shi Hu", "Wan Dai" etj janë shitur në Shangai, Pekin, Si Chuan, Rajonin Autonom të Sin Kiang-ut etj.

Zhvillimi i këtyre ndërmarrjeve i intereson mjedisit tregtar të rregullt, të krijuar nga sektorët përkatës të Nan Jing-ut. Për të zgjidhur problemin e shfrytëzimit të tokave, bashkia e Nan Jing-ut ka bërë regjistrimin e tokave me një sipërfaqe më të madhe se 2600 hektarë dhe deri tani janë miratuar gjysma e tyre.

Për të zgjidhur problemin financiar të këtyre ndërmarrjeve, bashkia e Nan Jing-ut ka hartuar disa projekte financimesh e kredish. Gjithashtu, bashkia e Nan Jing-ut ka edhe marrë një kredi 220 mijë yuanësh nga Banka e Zhvillimit e Kinës.
Për të zgjidhur problemin e rekrutimit, çdo muaj në Nan Jing zhvillohet një panair i ofertave për punë. Nga viti 2005 e deri më tani, janë rekrutuar më shumë se 3200 nëpunës. (U Sen)