Këtë herë, Zhu Ming ka ekspozuar mbi 60 vepra më të famshme të serisë "Taiji". Megjithëse Zhu Ming vjen për herë të parë në pjesën kontinentale për ekspozitë, emrin e tij e kanë njohur që herët qarqet e arteve të pjesës kontinentale. Drejtori i Galerisë së Arteve Figurative të Kinës Fan Dian tha:

"Para 10 vjetëve, kisha plan ta ftoja Zhu Mingun të vizitojë pjesën kontinentale për të hapur ekspozitën e veprave. Kjo sepse Zhu Ming është një skulptor i shquar që ka përzier kulturën orientale me stilin modern. 'Taiji' është seria më e rëndësishme e veprave të Zhu Mingut që ka shfaqur plotësisht talentin e tij."

"Taiji" është një teori në kulturën tradicionale kineze, kinezët e lashtë e shpjegonin zanafillën e gjithësisë me këtë teori. Zhu Ming krijoi veprat e serisë "Taiji" për të përhapur këtë teori të lashtë nëpërmjet artit modern. Gjatë 20 vjetëve, skulpturat e serisë "Taiji" janë ekspozuar në Angli, Francë, Belgjikë, Luksemburg, Japoni, Tajlandë etj. duke fituar përshëndetje të gjerë.

Zhu Ming lindi në vitin 1938 në Miaoli të Tajvanit. Për shkak të varfërisë së familjes, pas mbarimit të mësimeve të shkollës fillore, Zhu Ming filloi të punojë. Në moshën 15-vjeçare, i ati e dërgoi te një zejtar gdhendjeje që zbukuronte tempujt për të mësuar mjeshtërinë e gdhjendjes. Atje Zhu Ming zotëroi bazat e gdhendjes, por ai nuk donte të bëhej vetëm një zejtar gdhendjeje, ai donte të bëhet një artist.

Për të realizuar idealin e vet, Zhu Ming vendosi të gjejë një mjeshtër për të mësuar skulpturën, por nuk pati rezultat. Gjatë 10 vjetëve, ai mësonte skulpturën moderne sipas librave. Entuziazmi i Zhu Mingut për artin e preku thellë skulptorin e famshëm tajvanez Yang Yingfeng, ai vendosi ta pranojë Zhu Mingun si nxënës. Qysh nga ajo kohë, Zhu Ming ka filluar zyrtarisht jetën e artistit.

Në vitin 1976, Zhu Ming hapi në Tajvan ekspozitën e parë personale të veprave. Në atë kohë në qarqet kulturore të Tajvanit ishte përhapur kultura e fshatit dhe skulpturat e Zhu Mingut me temën e fshatit patën shumë përshëndetje, ai u bë një nga përfaqësuesit e rrymës së kulturës së fshatit. Zhu Ming kujtoi:

"U bëra i famshëm për shkak të kësaj ekspozite. Por pas ekspozitës, nuk krijova më skulptura me temën e fshatit sepse dua të krijoj më shumë skulptura me karakteristika ndërkombëtare për të hyrë në skenën ndërkombëtare."

Në fillim të viteve '80 të shekullit të kaluar, Zhu Ming shkoi në Nju Jork të SHBA-së për të përhapur veprat e tij. Ai shkoi në zonën e famshme të arteve ? zonën Soho dhe ia propozoi çdo galerie të arteve veprat e veta. Më në fund, galeria e famshme Hutchinson i pranoi veprat e Zhu Mingut. Gradualisht qarqet perëndimore të arteve kanë filluar të njohin këtë skulptor nga Tajvani.

Zhu Ming çeli me sukses 4 ekspozita në Nju Jork, pastaj ai shkoi në Evropë. Atje veprat e serisë "Taiji" ngjallën jehonë të madhe. Kritiku anglez i arteve Ian Findlay tha se veprat e Zhu Mingut shfaqin thelbin e kulturës orientale nëpërmjet skulpturave.

Zhu Ming është i mendimit se kultura kombëtare është baza e veprave të tij. Ai tha:

"Jemi kinezë, prandaj duhet të shfaqin kulturën tradicionale kineze në veprat tona. Vetëm vepra të tilla do të tërheqin vëmendjen e Perëndimit. Kultura kineze ka një histori prej mijëra vjetësh, ka shumë trashëgimi të çmuara që mund të përdoren në veprat artistike." (Fani)