Xu Yuhua që lindi në provincën Xhejiang të Kinës jug-lindore, ka karakter të qetë dhe të qëndrueshme. Një karakter i tillë është shumë i përshtatshëm kur merresh me shah. Me ndikimin e të atit, Xu Tao, Xu Yuhua filloi ta mësonte shahun që kur ishte 6 vjeçe dhe shumë shpejt tregoi talent të spikatur. Në moshën 13 vjeçare ajo hyri në ekipin shtetëror të stërvijes së qendrueshme. Xu Yuhua mendon se suksesi i saj ka lidhje të ngushtë me faktin që i ati e la të kontaktonte me tabelën e shahut qysh në fëmijëri. Ajo tha:

"Fillova të mësoj shah që kur isha 6 vjeçe dhe im atë ma mësoi shahun për herë të parë. Mendoj se fëmijët mund të kontaktojnë herët me shahun. Përsa i përket mësimit zyrtar, ai mund të fillojë rreth moshës 6 vjeçare. Në periudhën fillestare është e rëndësishme që fëmijët ta pranojnë dhe ta parapëlqejnë shahun. Pasi atyre t'i hyjnë në zemër zemër këto figura shahu, mund të shtohen edhe disa njohuri mbi shahun. Sigurisht, për ngritjen e mëtejshme, duhen sa më shumë punë e thellë."

Personat që e njohin Xu Yuhua, e dinë se ajo i është dhënë në mënyrë fanatike shahut. Pikërisht për këtë arsye, ajo nguli këmbë të merrte pjesë në Kampionatin Botëror pavarësisht nga shtatzania. Për këtë vendim me një farë rreziku, familja i dha asaj përkrahje të fortë në çastet kyçe. Burri i Xu-së, Liu Jing kujton:

"Në radhë të parë, ajo vet kishte shumë dëshirë për pjesëmarrje në këtë kampionat dhe pastaj ne dëgjuam këshillat e mjekëve, të cilët ishin të mendimit se nuk ka shumë problem në muajin e 4-t të shtatzënisë. Prandaj, ne vendosëm të zgjedhnim rrugën me përpjekje."

Xu Yuhua karakterizohet nga qetësia dhe kjo përbën ndryshimin nga dy mbretëreshat e para botërore të Kinës në fushën e shahut, Xie Jun dhe Zhu Chen. Princesha e parë botërore e Kinës në shah, Xie Jun e preku zemrën e kinezëve me sjelljne e fjalët e hijshme; kurse e dyta Zhu Chen preferohet shumë nga mediat për mendimin e shkathët dhe për gojëtarinë. Në krahasim me to, Xu Yuhua duket e urtë dhe nuk është e aftë në të folur. Në fakt, Xu-ja kanë ngulur këmbë në të shkruar dhe i ka shënuar "fjalët" e veta në letër. Ajo ka hapur rubrika personale në gazeta dhe revista. Trajneri i përgjithshëm i Ekipit të Shahut të Kinës, Ye Jiangchuan, që ka bashkëpunuar për shumë vjet me Xu-në, e vlerësoi atë kështu:

"Xu Yuhua lindi në një familje intelektuale dhe i ati është pedagog. Në përshtypjet e mia, ajo nuk shfaq ndonjë prirje të spikatur në të folur, por është e dalluar në të shkruar. Ajo i përket grupit të shahisteve të urta."

Në fakt, megjithse në të kaluarën Xu Yuhua nuk ishte aq e njohur sa dy mbretëreshat e para botërore të shahut të Kines, Xie Jun dhe Zhu Chen, sukseset e saj mund të krahasohen plotësisht me to. Pas shpalljes kampione në këtë kampionat, Xu Yuhua është bërë e para shahiste që është shpallur kampione në të gjitha garat kryesore të shahut për femra. Edhe më herët, në vitin 2000, Xu Yuhua u shpall kampione në Kupën Botërore të Shahut për Femra. Dy vjet më vonë, ajo e mbrojti këtë titull. Së bashku me anëtarët e tjera, Xu Yuhua e ka ndihmuar ekipin shtetëror të shahut të Kinës për femra të shpallej 3 herë me radhë kampion i Garës Botërore Olimpike të Shahut si Ekip.

Ndoshta me ndikimin e të atit, në kohën e stërvitjes në shah, Xu Yuhua i është përmbajtur edhe studimeve. Aktualisht, ajo mbaroi kursin universitar të specialitetit të drejtësisë në Universitetin e Pekinit dhe është gati të vazhdojë studimet pasuniversitare në specialitetin e letërsisë së gjuhës kineze. Në trajtimin e raportit midis studimit dhe marrjes me shah, Xu Yuhua duket se ka shumë përvojë. Ajo nuk mendon se të dyja fushat janë në kontradiktë, por përkundrazi thotë se studimi në shkollë i ka sjellë jetës përmbajtje më të pasura. Ajo tha:

"Mendoj se midis studimit dhe marrjes me shah ekzistojnë jo vetëm kontradikta, por edhe gjera plotësuese ndaj njera-tjetrës dhe kjo varet nga vetë shahistja, se si do ta shfrytëzojë kohën dhe si do t'i trajtojë marrëdhëniet midis tyre. Vitet në Universitetin e Pekinit studiova me shumë zor, sepse mbarimi i kurseve në këtë universitet është një punë shumë e lodhme dhe pothuajse nuk kisha rast të pakësimit të kurseve. Unë duhet të mbaroja studimet ashtu si studentët e tjerë të thjeshtë. Shpenzova 5 vjet për mbarimin e të gjitha kurseve. Në qoftë se këto vite unë nuk do ti përdorja në studim, ndoshta do të iknin kot. Kështu, nëpërmjet studimeve, mësova shfrytëzimin si duhet të kohës dhe shtimin e aftësisë sime.

Për arsye të shtatzanisë, Xu Yuhua nuk do të anëtarësohet në ekipin e shahut të Kinës për femra për pjesëmarrjen në Garën Ekipore Olimpike të Shahut. Por si mbretëreshë e re botërore e shahut, ajo do të tërheqë gjithënjë e më shumë vëmendje në të ardhmen. Përballë sukseseve dhe nderit, kjo shahiste tregohet shumë e qetë:

"Mendoj se më mirë të mbetem siç kam qenë. S'ka nevojë që të ndryshoj jetën time për arsye se u shpalla kampion. Ashtu si në të kaluarën, do të vazhdoj të gëzoj interesat që më vinë nga shahu. Nuk shpresoj se do të ndikohem nga gjëra të jashtme. Një shpirt i qetë është më i çmuar për mua dhe jeta duhet të vazhdojë në mënyrë të natyrshme."  (Wang Lei)