Në vitin 1987, kur ai botoi albumin e parë "Një lojë dhe një ëndërr ", teperamenti i pafrenur dhe shikimi i melaknolik i tij kanë krijuar në gjirin e adhuruesve figurën e endacakut. Gjatë 17 vjetëve të fundit, Wan Jie ka pësuar disfata në martesë, tatëpjeta në karierë dhe dhembje fizike nga garat me makina. Por të gjitha këto nuk e kanë ndryshuar figurën e tij, përkundrazi, i kanë shtuar më tej ndjenjën e paqendrushmërisë në mes admiruesve.

Pas divorcit, ai jeton së bashku me të bijën. Në syrin e vajzës, Wan Jie është një baba i butë. Duke parë rritjen e saj, Wan Jie tha se, ai përpiqet që njerëzit të ndjejnë ngrohtësinë e natyrës njerëzore nëpërmjet këngëve të tij. Në këtë album, ai ka shkruar një këngë të veçantë për vajzën. Tani, ju ftojmë ta dëgjoni këtë këngë që titullohet "Dashuri pa fjalë".

Në krahasim me albumet e këngëtarëve të tjerë, kopertina e këtij albumi të Wan Jie-s është një fotografi mjaft e thjeshtë ku ai paraqitet i qetë dhe pa ndonjë shprehje të veçantë. Në fytyrën e tij shkëlqen shikimi i sigurt që përputhet me stilin e këtij albumi. Më poshtë , do të shijoni këngën me titull "Vetmia", në të cilën janë ndërthurur tingujt e çuditshëm të hapave të njerëzve, lehjeve të qeneve dhe të rënies së shiut. Lidhur me këtë këngë, Wang Jie tha se në një mbrëmje, kur shëtiste rreth e përqark shtëpisë së tij në bregdet, dëgjoi ca lehje të pafuqishme të qenve të egër. Ai i incizoi me një herë dhe pas kthimit në shtëpi, filloi të krijojë këngë në piano këtë këngë. Tani, le të dëgjojmë këngën "Vetmia". 

Në fund të këtij programi, le të shijojmë këngën e parë të këtij albumi "Nuk jam i vetmuar". Në këtë këngë të shkurtër dhe të thjeshtë përshkruhet gjendja shpirtërore e një të riu pas disfatës në jetë. Wang Jie tha se nëpërmjet procesit të rritjes, ai di mirë ç'është dhembjea nga ndryshimet. Prandaj, ai do të inkurajojë brezin e ri me këngët e tij duke i mëshuar idesë se po të këmbëngulesh në idealin tënd nuk do të ndjesh vetmi.     (Çan Yean)