dëgjoni

Më 25 masr u mbyll Maratona Ndërkombëtare e Qytetit Xiamen në vitin 2006. Megjithse kjo është një garë e re, ajo ka patur përparime të mëdha gjatë 3 vjetëve pas nisjes në vitin 2003 dhe bile ajo po ecën drejtë garës ndërkombëtare me cilësi të lartë.

Qyteti Xiamen ndodhet në provincën Fujian të Kinës juglindore dhe në bregun tjetër të ngushticës përballë ishullit Tajvan. Në këtë qytet pranvera qëndron gjithë vitin dhe temperatura mesatare në vit është rreth 20 gradë. Këto kushte natyre përshtaten shumë për organizimin e maratonave. Në vitin 2003, qyteti Xiamen organizoi Maratona e Parë Ndërkombëtare dhe pati sukses. Sivjet u zhvillua për herë të 4-t Maratonën Ndërkombëtare e Qytetit Xiamen.

Për të garantuar zhvillimin normal të garës, komisioni organizativ i kësaj maratone ka hartuar një projekt të saktë në drejtimin mjekësor, të trafikut, të shërbimeve, etj. P.sh., gjatë rrugës ku zhvillohet gara janë vendosur 18 pika mjekësore urgjente e 23 pika për të pirë ujë si dhe mbi 800 persona mjekësorë e 20 ambulanca ishin gati të jepnin ndihma urgjente. Pala policore e këtij qyteti hartoi mbi 10 projekte përballimit të gjendjeve urgjente dhe dërgoi mbi 3 mijë policë të gatshëm buzë rrugës së garës për mbrojtjen e rendit publik. Krahas këtyre, edhe 15 mijë vullnetarë kanë vepruar aktivisht branda e jashtë fushës së garës dhe ishin kurdoherë gati t'u shërbenin sportistëve.

Përveç këtyre kushteve të domosdoshme, nëse ftesa e sportistëve të nivelit të lartë për të marrë pjesë në garë është një tregues i rëndësishëm për vlerësimin e aftësisë ndikuese të një maratone. Në këtë drejtim, komisioni organizativ i Maratonës së Qytetit Xiamen ka ftuar çdo vit maratonistë të nivelit botëror për pjesëmarrjen në garë. Sivjet, pjesëmarrës ishin dy atletë të njohur të Kenias, Çebunei Munji e Rajmond Kipkoek dhe vrapuesi kinez Zhou Xiuchun, etj.

Munji, që është shpallur kampion në një sërë garash ndërkombëtare kryesore, ka marrë pjesë të gjitha garat që nga fillimi i Maratonës Xiamen. Gjatë intervistës për korrespondentin e radios sonë, ai tha:

"Dua t'i shpreh falënderime komisionit organizativ që më ftoi të marr pjesë në Maratonën Ndërkombëtare Xiamen. Pjesëmarrja në këtë garë të rëndësishme është një nder për mua. Më pëlqen qyteti Xiamen, sepse banorët këtu janë mirëpritës. Kam gjithëmonë qejf të bëj gara në këtë qytet."

Maratona Ndërkombëtare e Qytetit Xiamen ka gjetur jehonë positive edhe në publikun e Tajvanit, gjë që përbën një karakteristikë e veçantë e kësaj maratone. Qysh nga viti i parë, anëtari i Komitetit Olimpik Ndërkombëtar dhe kryetari i Komitetit Olimpik të Tajpeit, z. Wu Jingguo ka kryesuar nga afër një ekip pjesëmarrës në këtë maratonë. Nga ky fakt nuk përjashtohet edhe maratona e sivjetshme. Zoti Wu është i mendimit se nga ana e sferës së pjesëmarrësve, Maratona Ndërkombëtare e Qytetit Xiamen jo vetëm ka patur sukses të madh, por krijon edhe një platformë të gjerë për shkëmbimet sportive dhe kulturore midis dy brigjeve të ngushticës së Tajvanit.

"Maratona Ndërkombëtare e Qytetit Xiamen është zhvilluar në përmasa gjithënjë e më të mëdha, me gjithënjë e më shumë pjesëmarrës, me vlerë gjithënjë e më të lartë dhe është ngritur edhe prestigji ndërkombëtar i saj është ngritur më shumë. Ky rezultat nuk ka ardhur lehtë për një garë ndërkombëtare vetëm 4 vjeçare. Mendoj se ajo do të organizohet gjithënjë e më mirë. Maratona karakterizohet nga pjesëmarrja masive, dhe këndvështrimi i shkëmbimeve, sporti me pjesëmarrje masive ka efekt të gjerë. Kësaj here, mbi 300 pjesëmarrës janë nga Tajvani. Edhe më shumë njerëz ma kanë shprehur më së një herë shpresën që për të marrë pjesë në këtë maratonë të përvitshme në mënyrë që sa më shumë tajvanezë të përfaqësohen në të."

Sivjet, komisioni organizativ i Maratonës Ndërkombëtare të Qytetit Xiamen nënshkroi edhe një marrëveshje me homologun e Maratonës Ndërkombëtare të Qytetit Taipei, për të shtuar shkëmbimet, për të mësuar nga njera-tjetrës dhe për organizimin e garave me cilësi të lartë.

Me zhvillimin disavjeçar, komisioni organizativ i Maratonës Ndërkombëtare të Qytetit Xiamen ka fituar përvojë të pasur dhe, mbi këtë bazë, kjo garë po zhvillohet në mënyrë gjithënjë e më të pjekur dhe me aftësi më të madhe ndikuese.

Nënkryetari i Shoqatës së Atletikës së Kinës, z. Wang Da Wei është i mendimit se maratona e Xiamenit mund të krahasohet me Maratonën Ndërkombëtare të Pekinit, që zhvillohet çdo vit vjeshtë dhe, të dyja së bashku mund të konsiderohen si dy maratonat më të famshme të Kinës. Z. Wang tha:

"Maratona e Qytetit Xiamen ka patur përparime shumë të shpejta gjatë vetëm 4 vjetëve. Pavarësisht se është e reja, në sajë të përkujdesit bashkia e qytetit dhe të pjesëmarrjes aktive të qytetarëve, kjo maratonë është zhvilluar në mënyrë të vrullshme dhe është bërë një garë e rëndësishme dhe me famë."

Sigurisht, qyteti i Xiamenit ka fituar më shumë nga organizimi i suksesshëm i maratonës ndërkombëtare, që do të thotë se gjatë zhvillimit të maratonës, janë shfaqur plotësisht panorama e bukur natyrore dhe mjedisi harmonik shoqëror. Maratona është bërë kartëvizitë e bukur e këtij qyteti.(Wang Lei)