Ndërtimi i fshatit të ri ka qenë tema kryesore e sesioneve të Asamblesë Kombëtare Popullore të Kinës dhe të Konferencës Konsultative Politike të Popullit kinez që u mbajt pak kohë më parë. Në këto sesione problemi i ndërtimit të fshatit të ri u tërhoqi vëmendjen më të madhe deputetëve dhe anëtarëve të Komitetit Kombëtar të Konferencës Konsultative Poplitike të popullit kinez.

Ata vunë në dukje se më parë ky problem u paraqit si e ardhmja e synimit dhe orientimi i zhvillimit, ndërsa kësaj here e konsiderojnë atë jo vetëm si orientimi i zhvillimit afatgjatë, por edhe si një nga detyrat e ngutshme reale.

Anëtari i Komitetit Kombëtar të Konferencës Konsultative politike, ekonomisti i njohur kinez z. Lin Yifu u shpreh se duhet të studiojmë problemin se si ndërtimi i fshatit të ri do t'u sjell fshatarëve interesa materiale. Ai ishte i mendimit se fshati i ri duhet të ndërtohet mbi bazën e fshatit natyror.

Sekretari i PK të Kinës për qytetit Nanjing, deputeti Luo Zhijun tha: "Ndërtimi i fshatit të ri duhet të nisë nga problemi më i ngutshëm i prodhimit dhe i jetës së fshatarëve, të hapen kanale të shumta për të shtuar të ardhurat e tyre." Ai vuri në dukje se hallkat e dobta të infrastrukturës në fshat përqendrohen kryesisht në komunikacion, veprat hidraulike, në lëndët djegëse, ujin e pijshëm dhe në mjedis, ndër të cilat ndërtimi i rrugëve i favorizon më shumë fshatarët në punësim dhe në shtimin e të ardhurave."

Ai tha se qeveria duhet të ketë vendosmëri më të madhe për rregullimin e shpërndarjes së të ardhurave kombëtare, sidomos ajo duhet të mbështetë më shumë ndërtimin e fshatit me fondet e shtetit.

Në ndërtimin e fshatit të ri socialist pëfshihet jo vetëm zhvillimi ekonomik, por edhe ngritja e cilësisë së fshatarëve dhe përgatitja e fshatarëve të kulturuar dhe të qytetëruar që zotërojnë agroteknikën, që dinë të administrojnë dhe që respektojnë ligjet. Ky është mendimi i përbashkët i deputetëve dhe anëtarëve të Komitetit Kombëtar të Konferencës Konsultative Politike të Popullit kinez, që morën pjesë në dy sesionet e fundit.

Sekretari i PK të Kinës për qytetin Vuxi, deputeti Yang Veize tha: "Ne zhvillojmë bujqësinë moderne, prandaj fshatarët tanë duhet të jenë fshatarë të kohës sonë, fshati duhet të jetë fshat modern."

Anëtari i Komitetit Kombëtar të Konferencës Konsultative Politike të Popullit kinez z. Huang Xiaolang vuri në dukje se më kryesorja është që fshatarët të pajisen me njohuri tekniko-shkencore. Dikur organizuam disa kurse për kualifikimin e fshatarëve që do të punonin në qytete. Tani duhet t'i pajisim fshatarët qindramilionësh me njohuri të ndryshme, që ata të bëhen fshatarë të kohës së re dhe forca kryesore në ndërtimin e fshatit të ri. (Pina)