Të dashur lexues, ju përshëndes përsëri në rubrikën "Fakte nga jeta". Në programin e sotëm, do t'ju paraqes zonën e re bregdetare në Tien Jin.

Kohët e fundit, zona e re bregdetare në Tien Jin është renditur në zonat kyç të eksplorimit të planit të 11-të 5 vjeçar të Kinës. Kjo gjë ka tërhequr vëmendjen e tregtarëve tajvanezë.

Korrespondenti ka njoftuar nga zyra e çështjeve të Tajvanit e Tien Jin-it se, kohët e fundit, shoqata e përgjithshme industriale e Tajvanit, Lidhja Punëtore e Tajvanit dhe disa ndërmarrje të famshme tajvaneze kanë vizituar Tien Jin-in. Ata kanë treguar interesim të madh për investime në Tien Jin.

Sot, fondet e Tajvanit janë bërë elemente të reja të investimeve në këtë zonë. Investimet e Tajvanit me kontratë dhe ato të përdorura zënë përkatësisht 70% të investimeve të tregtarëve tajvanezë në Tien Jin.

Deri në fund të vitit 2005, në Tien Jin u miratua krijimi i 1821 ndërmarrjeve tajvaneze. Sasia e investimeve me kontratë arriti në 4,355 miliardë dollarë amerikanë ndërsa investimet e tregtarëve tajvanezë të përdorura arritën në 2,27 miliardë dollarë amerikanë. Investimi i tregtarëve tajvanezë në Tien Jin po shtohet vazhdimisht dhe përqindja e rritjes mesatare vjetore është 20%.

Korrespondenti njoftoi se investimet e tregtarëve tajvanezë kanë 4 karakteristika. Së pari, këto investime po shtohen me një shpejtësi të madhe. Një kontingjent i madh ndërmarrjesh kanë ardhur në Tien Jin për të investuar, si Yuan Dong, Hong Hai, Tong Yi, Guang Bao, Ding Xin etj. Së dyti, niveli i investimeve të tregtarëve tajvanezë nxitet vazhdimisht. Sasia mesatare në projektet me investime tajvaneze është shtuar nga 1 milion dollarë amerikanë në 5 milionë dollarë amerikanë. Së treti, janë shtuar ndërmarrjet me investime dhe teknologji të zhvilluar. Industria e informacionit elektronik e Tajvanit ka investuar 1,25 miliardë dollarë amerikanë, që zë 30 përqind të investimeve me kontratë të Tajvanit. Së katërti, industria e prodhimit është bërë fusha kryesore e investimeve të tregtarëve tajvanezë në Tien Jin, duke zënë më shumë se 80 për qind të investimeve tajvaneze me kontratë.

"Mjedisi i investimeve i zonave rreth detit Bo Hai ka aftësi të tërheqë investimet tajvaneze. Për shkak që zona e re bregdetare në Tien Jin ndodhet në zonën kryesore rreth detit Bo Hai, ajo është mirëpritur shumë," tha drejtori i Shoqatës së Tregtarëve Tajvanezë të Tien Jin-it, Ding Kunhua.

Gjithashtu, ai është i mendimit se zonat rreth detit Bo Hai kanë epërsi rajonale të dukshme, kanë furnizim të bollshëm me lëndë të papërpunuara, kanë porte të mira dhe epërsi në logjistikë. Këto zona ndodhen në frontin e konkurrimit ndërkombëtar të Azisë veri-lindore dhe kanë baza zhvillimi të mira në industri.

Ding Kunhua tha se në të ardhmen do të ketë shumë shanse zhvillimi në biznes, logjistikë, pasuri të paluajtshme, bujqësi dhe turizëm.

Sipas "Anketës së rrezikut dhe të mjedisit të investimeve në krahinat e brendshme", në vitin 2005, Tien Jin-i u rendit në vendin e 10-të, me krahasim me vendin e 32-të në vitin 2003. Në listën e qyteteve, në të cilat ndërmarrjet tajvaneze kanë marrë fitime të shumta, Tien Jin renditet në vendin e 7-të. (U Sen)