dëgjoni

Gjatë 3 vjetëve të fundit, Kina ka nxitur fuqimisht reformën në fushën e kinematografisë dhe ka arritur suksese të dukshme në sasinë e prodhimit të filmave, në të ardhurat nga shitja e biletave dhe në shfaqje publike të filmave artistikë.

Në janar të vitit 2004, Drejtoria e Përgjithshme Shtetërore e Radio-Film-Televizionit e Kinës përpiloi dokumentin " Disa mendime lidhur me shpejtimin e industrisë kinematografike" të Kinës duke përcaktuar se thelbi i reformës kinematografike është prodhimi i filmave për publikun e tregun dhe kthesa e madhe në prodhimin e filmave nga tipi administrativ në tipin industrial.

Pikat kryesore të suksesit të e reformës kinematografike shihen kryesisht në 3 drejtimet e poshtme:

Së pari, zbutja e censurës për shfaqjen e filmave, zgjerimi i sferës së investimeve dhe përgatitja e forcave prodhuese të filmave e kanë nxitur lulëzimin e krijimtarisë kinematografike. Në vitin 2002, u prodhuan l00 filma artistikë, në vitin 2005, prodhimi i filmave arriti në 260. Gjatë vitit 2005, të ardhurat e përgjithshme nga shitja e biletave në kinema arritën në më se 2 miliardë yuanë duke u rritur 122% në krahasim me vitin 2002. Filmat e prodhimit të vendit jo vetëm zunë për 3 vjet me radhë kryet e vendit në të ardhurat nga shitja e biletave në kinema, por zunë edhe 50% të të ardhurave të përgjithshme të kinemave, duke i kaluar ato të filmave të huaj të importuar.

Krahas kësaj, po forcohet një strukturë e re e investimeve për prodhimin e filmave me pjesëmarrjen e sektorëve të pronës së përbashkët dhe të pronës private. Sipas statistikave, në vitin 2005, investimet nga sektorët private dhe nga vendet e huaja në prodhimin e filmave përbënin 75% të investimeve të përgjithshme në prodhimin e filmave. Numri i kompanive private që merren me prodhimin e filmave ka arritur në l40.

Së dyti, thellimi i reformës së ndërmarrjeve shtetërore për prodhimin e filmave është një pikë kryesore e reformës kinematografike. Sektorët shtetërore kinematografike u kthyen në ndërmarrje aksionere duke prodhuar një numër filmash të bukur, që mishërojnë frymën kombëtare dhe bashkëkohore. Krahas fitimeve shoqërore, këta filma kanë arritur edhe fitime të mira ekonomike.

Grupi i kinematografisë kineze duke bërë transformime, krijoi 6 kompani aksionere të varur prej tij. Pas ndryshimit të sistemit të pronësisë, u tërhoqën një pjesë investimesh nga shoqëria dhe nga jashtë, gjë që e shtoi shumë aftësinë prodhuese të filmave. Gjatë 3 vjetëve të fundit, Grupi i Kinematografisë Kineze prodhoi mesatarisht 30 filma në vit.

Edhe Grupi i kinematografisë së Chanchunit me anën e reformës së sistemit të rrogave dhe të mekanizmave të punësimit, ka ngjallur lulëzimin e filmave. Gjatë dy vjetëve të fundit, prodhimi vjetor i filmave në këtë grup arriti në l0, nga më pak se 5 që ishte më parë.

Edhe Grupi i Kinematografisë së Shangait ka bërë reformë duke forcuar makrokontrollin ekonomik. Si rezultat, ky grup arriti efikasitet të mirë në prodhimin e filmave dhe fitimet e nxjerra nga prodhimi i filmave në vitin 2005 arritën në 85 milionë e 470 mijë yuanë nga 20 milionë e 90 mijë yuanë që ishin në vitin 2003.

Praktika e reformave trevjeçare tregon se thellimi i reformës së mekanizmave është e vetmja rrugë e zhvillimit të kinematografisë, kurse mbështetja tek progresi tekniko-shkencore, shpejtimi i krijimeve të reja tekniko-shkencor, respektimi i rregullave artistike dhe të tregut janë forcë nxitëse e zhvillimit të kinematografisë. ( Zhai)