Shkrimtari Dritëro Agolli dhe bashkëshortja e tij e pritën ngrohtësisht grupin në dhomën e pritjes të tyre karakteristike shqiptare, që ishte e stolisur shumë bukur me piktura dhe gdhendje artistike në mur. Grupi kinez e intervistoi z. Dritëro në bibliotekën e tij me shumë libra të çmuara. 

Gjatë intervistës për korrespondenten e RJK-së të Kinës të emisioneve të gjuhës shqipe dhe për grupin realizues televiziv të rubrikës "Magjia e filmave artistikë", shkrimtari i madh shqiptar Dritëro Agolli rrëfeu rreth filmave artistikë me skenar të shkruar prej tij si "I teti në Bronz" dhe " Horizonte të hapura", foli edhe për zgjedhjen e aktorëve të këtyre filmave, për heronjtë e këtyre filmave dhe për miqtë e tij kinezë.

Duke folur për zgjedhjen e aktorëve bashkë me regjisotin Viktor Gjika , z. Dritëro Agolli tha :"I kemi zgjedhur bashkë aktorët. Meqë ngjarja zhvillohet në krahinën e Korçës e të Devollit, e kemi marrë pjesën më të madhe të aktorëve nga rrethi i Korçës dhe i Devollit dhe me një fizionomi të përbashkët me heronjtë, se janë të një krahine. Disa i kemi zgjedhur edhe nga Tirana, se janë artistë të mëdhenj, si Sandër Prosi që luan rolin e doktorit. Bashkë i kemi zgjedhur, me Viktorin, por ai si regjisor ka bërë një punë më të madhe. 

Kurse në Durrës, për " Horizonte të hapura", një pjesë janë aktorë të Durrësit dhe një pjesë të Tiranës. Po bashkërisht i kemi zgjedhur dhe janë aktorë mjaft të mirë, si Piro Mani në "I teti në bronz", Sandër Prosi, që është edhe në "Horizonte të hapura", i cili ka vdekur, Dhimitër Orgocka që luan heroin kryesor, Adem Rekën. Ai është nga Korça dhe është tani në Korçë, ka luajtur shumë mirë këtë rol." (Zhai)