Në mëngjes herët, kur porsa gdhin dita, në sheshin e lagjes Haite të Pekinit perëndimor mblidhen qindra të moshuar që kërcejnë plot patos, të shoqëruar nga muzika e bukur. Megjithëse këtyre të moshuarve u janë thinjur flokët, ata janë plot energji dhe gjallëri tek lëvizin me dorë freskueset dhe shiritat shumëngjyrësh. Këta janë anëtarë të grupit të valltarëve fiskulturorë të lagjes së banimit Haite.

Zonja Ye Daoxia është themeluese e këtij grupi valltarësh, Asaj i pëlqente të kërcente që para se të dilte në pension. Në vitin 2000, zonja Ye organizoi këtë grup valltarësh me miq të vjetër të lagjes duke u mësuar atyre falas mjeshtërinë e kërcimit. Ajo krijoi në bazë të karakteristikave të të moshuarve lëvizjet e valleve për shëndetin dhe tani çdo mëngjes shumë të moshuarë vijnë për të mësuar vallet e saj. Gjithnjë e më shumë njerëz nisën tëhyjnë në radhët e këtij grupi dhe tani numri i anëtarëve të tij është shtuar në afro një qind veta, nga rreth dhjetë veta që ishte në fillim.

Zonja Ye tha se kërcimet e valleve preferohen shumë nga të moshuarit në lagjet e banimit. Ajo tha : ..

" Njerëzit si ne, mbi 50 vjeçare, do të sëmuren po të mos lëvizin shumë. Sepse këmbët plaken më shpejt se i gjithë trupi, prandaj, duhen lëvizje të shumta për të ruajtur shëndetin. "

Në këtë lagje banimi vepron jo vetëm grupi i valltarëve, por edhe grupi i operës së Pekinit. Pjesa që po dëgjoni është interpretuar nga banorja e kësaj lagjeje Wang Lianfen. Kjo grua 62 vjeçare është anëtare e grupit të Operës së Pekinit të lagjes, që është krijuar me nismën më se 20 të moshuarve. Ata interpretojnë të shtunave 2 a 3 orë në sallën e aktiviteteve të lagjes, duke mësuar nga njëri tjetri mjeshtrinë e interpretimit të operës, e nganjëherë ata ftojnë për mësimdhënie edhe artistë të operës së Pekinit.

Zonja Wang ka përvetësuar tani shumë fragmente klasike të operës së Pekinit dhe tha se ka përfituar shumë nga pjesëmarrja në aktivitetet e grupit të operës së Pekinit.

" Megjithëse nuk jemi artistë, interpretimet janë një kënaqësi shpirtërore për ne " .

Muzika që po dëgjoni është interpretuar nga ekipi i muzikës rrok " Kulmi Dianzu". Ky është një interpretim në një nga shfaqjet e posaçme të muzikës rrok të organizuara në lagjen Xiluo në pjesën jugore të Pekinit. Shumë të rinj këndojnë së bashku nën ritmet e muzikës duke krijuar një atmosferë të nxehtë në këtë shfaqje. Ekipi "Kulmi dianzu" përbëhet nga 4 të rinj të lagjes. Ata punojnë në profesione të ndryshme, por i ka bashkuar muzika rrok. Këta të rinj marrin pjesë me entuziazëm në aktivitetet e lagjes, duke dhënë shfaqje të mrekullueshme për banorët e lagjes.

Përveç këtyre, lagja e banimit Xiluo ka hapur edhe kurs për studimin e anglishtes. Mësuesit e këtij kursi janë ftuar nga shkollat përreth lagjes, ata u japin mësim falas banorëve të lagjes dhe janë pritur shumë mirë nga banorët e kësaj lagjeje. Numri i pjesëmarrësve në këtë kurs ka arritur në më se 600 veta.

Përveç aktiviteteve artistike të organizuara në lagjet e banimit, zhvillohen edhe aktivitete të tjera, Lagjja Qingqing në pjesën lindore të Pekinit ka 27 apartamente me afro 2000 familje. Në këtë lagje është ngritur një qendër kulturore me bibliotekë dhe me një shesh kulturor. Këtu është ngritur edhe një kurs karigrafish, ku marrin pjesë shumë të moshuar, të rinj dhe fëmijë.

Edhe kaligrafia është një stërvitje e mirë për shëndetin, ajo është një nga mënyrat më të mira të pushimeve dhe të kalitjes fizike.(Zhai)