Ai e mori titullin kampion i Kinës në moshën 13 vjeçare, titullin kampion i Azisë në moshën 14 vjeçare dhe kur ishte 15 vjeç fitoi titullin kampioni i botës. Për një sportist, një titull kampioni olimpik është kulmi i karrierës sportive. Kur arriti në këtë kulm, ai ishte vetëm 16 vjeçar. Kjo gjë ndodhi në Lojërat Olimpike të Barcelonës. Në provën e fundit të sportit të kërcimit në ujë nga platforma për meshkuj, ai mori 99.9 pikë, i cili është një rezultat i rrallë në historinë e sportit të kërcimit në ujë.

Ky notar i dalluar quhet Sun Shuwei dhe tani punon si trajner i kombëtares së kërcimit në ujë të Kinës. Si një sportist, Sun Shuwei u la njërëzve përshtypje të thella, mirëpo tani si trajneri i kombëtares kineze të kërcimit në ujë, ai ka përgjegjësi të madhe për të vazhduar ëndrrën e Kinës në kërcimin në ujë për tituj kampionë olimpikë.

Në vitin 1976, Sun Shuwei lindi në provincën Guangdong të Kinës jugore dhe në vitin 1984, ai filloi stërvitjen e kërcimit në ujë dhe më pas hyri në ekipin e kërcimit në ujë të provincës. Në vitin 1989, Sun Shuwei fitoi titullin kampion në kërcimin në ujë nga platforma në spartakiadën e dytë kombëtare për të rinj dhe më pas ai u pranua në kombëtaren kineze të kërcimit në ujë. Në vitin 1990, ai fitoi titullin kampion në kampionatin ndërkombëtar të kërcimit në ujë të Kanadasë dhe në Lojërat e 11-ta Aziatike, ai fitoi një medalje të artë në sportin e kërcimit në ujë nga platforma. Në vitin 1991, Sun Shuwei fitoi tituj kampion në kampionatin e 6-të botëror të notit dhe në kupën e 7-të botërore.

Në vitin 1992, si një anëtar i delegacionit olimpik kinez, Sun Shuwei mori pjesë në Lojërat Olimpike të Barcelonës. Njerëzit mendonin se notari rus Saudini ishte rivali i tij kryesor, por në fakt, shoku i tij i ekipit Xiong Ni ishte rivali më i fortë. Në garën eliminatore, Xiong Ni dhe Sun Shuwei u radhitën përkatësisht në dy vende të para. Para finales, ata ndanin të njëjtën dhomë dhe pothuaj nuk i zuri gjumi fare.

Në finalen, Xiong Ni nuk u paraqit mirë dhe ra në vendin e 7-të renditjes së pikëve, ndërsa Sun Shuwei vendosi të bëjë një lëvizje të vështirësisë së lartë. Kur ai kërceu nga platforma, të gjithë shkuesit u habitën nga lëvizja e tij e bukur. Kjo lëvizje e mrekullueshme fitoi zemrat e të gjithë anëtarëve të jurisë dhe Sun Shuwei fitoi 99.9 pikë. Këtë herë, ai u ngjit në kulmin e botës. Kjo është paraqitja e tij më e bukur. Duke kujtuar ceremoninë e dhënies së medaljeve, Sun Shuwei tha: "Në ceremoni, unë kisha ulur kokën për të parë më mirë medaljen e artë që kisha në qafë, pasi doja të shihja çfarë vizatimesh kishte atje. Por ndoshta nga emocionet e shumta, nuk mbaj mend asgjë nga pamja e vizatimit në atë medalje."

Me t'u larguar nga podi i medaljeve, Sun Shuwei filloi të përgatitet për Olimpiadën e vitit 1996. Por vetëm një vit më pas, Sun Shuwei u diagnostikua me një sëmundje të rëndë në syrin e majtë dhe duhet të bëhet operacioni. Pas operacionit, ai qëndroi në shtëpi për një pushim të zgjatur. Në vitin 1995, Sun Shuwei u kthye në arrenën sportive dhe menjëherë fitoi titullin kampion në kupën botërore të notit për vitin 1995 me 50 pikë më shumë se i dyti. Megjithatë për shkak të sëmundjes në syrin e djathtë, ai duhet ta ndërprejë stërvitjen. Dy muaj përpara Lojërave Olimpike, ai mori pjesë në garat eliminatore në Kinë dhe u radhit në vendin e 3-të, duke e humbur rastin për pjesëmarrje në Lojërat Olimpike.

Për të kaluar vështirësitë shëndetsore, Sun Shuwei bëri shumë përpjekje dhe u bë disa herë operacion. Por sëmundja ishte aq e rëndë, saqë e mposhti këtë princ të kërcimit në ujë duke e detyruar të largohet nga fusha sportive. Në vitin 2001, pas spartakiadës së 9-të kombëtare, Sun Shuwei mbylli karrierën sportive.

Në vitin 2002, Sun Shuwei u kthye përsëri në kombëtaren kineze, por këtë rradhë si trajner. "Pas përfundimit të karrierës sportive, trajnerja e përgjithshme e kombëtares kineze Zhou Jihong më ka ftuar disa herë të punoj si trajner në kombëtaren kineze." lidhur me këtë Sun Shuwei tha: "Mora vendim që të kthehem në kombëtaren dhe ky kthim është jo vetëm një vazhdim i ëndrrës sime në kërcimin në ujë, por edhe një sfidë e re për mua." (Jiang Lei)