Në vitin 2004, Kompania Aksionare Bioteknike Kineze Kexing filloi e para eksperimentimin e këtyre vaksinave. Kjo kompani, që është një ndërmarrje e famshme e shkencës dhe teknikës së lartë, ka potencial të madh të eksperimetimit dhe të prodhimit dhe ka përvojë të pasur në prodhimin e vaksinave. Ajo dikur prodhoi me sukses vaksinën kundër hepatitit të tipit A dhe vaksinave të tjera dhe po vazhdonte aso kohe eksperimentimin për prodhimin e vaksinës kundër sëmundjes Sars.

Vaksina e përdorshme për njeriun kundër gripit të shpendëve, që kjo kompani merr përsipër të eksperimentojë dhe të prodhojë, është një lloj vaksine e inaktivizimit të virusit. Punonjësit e kësaj komponie, me ndihmën e Organizatës Botërore të Shëndetësisë, gjetën një lloj virus, që përdoret për prodhimin e vaksinave, dhe filluan përgatitjen dhe shumëzimin e farërave të virusit, gjë që është puna më e ndërlikuar gjatë procesit të eksperimentimit. Përgjegjësi i kësaj kompanie, zoti Yin Veidong tha se kjo punë është një problem i vështirë në procesin e eksperimentimit të kësaj vaksine. Ata kishin për të injektuar farërat e virusit në vezë dhe, pas tri ditë përgatitjesh, merrnin virusin e formuar. Pas pasurimit të mëtejshëm, ata merrnin lëngun origjinal të vaksinave nga virusi i formuar. Kamiona plot për plot me vezë u çuan në laboratorin e kësaj kompanie dhe shkencëtarët tanë punuan ditë e natë në laborator për të përgatitur virusin e formuaur nga vezët.

"Puna në laboratorin pa mikrobe është e vështirë, por punonjësit tanë punuan atje me shumë zell. Ata gjurmuan me mënyra të ndryshme dhe grumbulluan një numër të madh të dhënash. Ata morën lëngun origjinal të vaksinave pasi përdorën afro 1 milion vezë."

Pasi arritën sukseset e para, shkencëtarët bënë prova në trupin e 2000 minjve të bardhë dhe patën efekt të mirë. Deri në nëntor të vitit 2005, ata përfunduan procesin e eksperimentimit para provës klinike. Pikërish pas asaj, Ministria e Shëndetësisë e Kinës publikoi lajmin për çështjen e parë mjekësore të infektimit të njeriut nga gripi i shpendëve në Kinë. Në këto rrethana, Kompania Aksionare Bioteknike Kineze Kexing mori masa për të filluar sa më parë provën klinike në trupin e njeriut. Përgjegjësi i përgjithshëm i provës klinike dhe drejtori i repartit të patologjisë së frymëmarrjes të sptalit të miqësisë Kinë-Japoni, zoti Lin Jiangtao tha:

"Për provën e vaksinave në trupin e njeriut, erdhën shumë vullnetarë me profesione të ndryshme, punonjës të mjekësisë, kuadro, nëpunës dhe punëtorë të ardhur nga fshati. Ardhja e tyre për t'u regjistruar është një gjë kuptimplote."

Përgjegjësi i Ministrisë së Shkencës dhe Teknikës të Kinës, Zoti Guo Jingdun tha se ai ka besim të plotë në eksperimentimin dhe prodhimin me sukses të kësaj vaksine, megjithëse provat klinike të fazës së parë do të përfundojnë në maj ose në qershor dhe do të bëhen edhe provat e fazës së 2-të, të fazës së 3-të, bile të fazës së 4-t. (Zheng)