Më 21 mars të këtij viti, liderët kinezë dhe rusë morën pjesë së bashku në ceremoninë e nisjes së " Vitit të Rusisë " në Kinë. Gjatë " Vitit të Rusisë", Kina do të organizojë aktivitete të formave të ndryshme të shkëmbimeve dhe kontakteve midis Kinës dhe Rusisë.

Si përmbajtje kryesore e këtij "Viti të Rusisë", "Festivali i Kulturës Ruse" do t'i demonstrojë publikut kinez bazat e forta kulturore dhe gjallërinë bashkëkohore të Rusisë.... Muzika që po dëgjoni është "Preludi i Festës" i kompozitorit rus Dimitri Dimitrievitch Shostakovitchit, interpretuar nga Filarmonia Simfonike e Teatrit të njohur shtetëror shembullor rus që hapi " Festivalin e kulturës ruse".

Ky festival është një nga aktivitetet e rëndësishme të shkëmbimeve kulturore brenda kornizës së " Vitit të Rusisë"që do të zgjatë nga 22 marsi deri në janar të vitit të ardhshëm. 

Nënkryetari i Komitetit organizativ i palës kineze të këtij festivali , ndihmësi i ministrit të Kulturës të Kinës z. Ding Wei tha :"Rusia është një vend i madh kulturor artistik, ai ka ushtruar një ndikim të madh kulturor qoftë mbi botën, qoftë edhe mbi Kinën. Ky "Festivali i Kulturës Ruse" në Kinë

ka përmbajtje dhe formë të pasur të artit klasik si balet, muzikë simfonike, valle folklorike, opera, muzikë zbavitëse, muzikë dhome etj, që demonstrojnë në mënyrë të gjithanshme gjendjen e tanishme të zhvillimit të kulturës dhe artit bashkëkohor të Rusisë.

Krahas kësaj në Pallatin e arteve figurative të Kinës u organizuan edhe: "300 Vjetori i artit rus - Ekspozita e sendeve të çmuara të Galerisë Shtetërore të Arteve Figurative Tretiakovckaya " dhe " Ekspozita artistike e Rusisë së hapur".

Ditë me rradhë, vizitorët vijnë vazhdimisht në Pallatin e Arteve Figurative të Kinës për të vizituar ekspozitën e sendeve të çmuara " 300 Vjetori i artit rus" dhe "Ekspozitën artistike të Rusisë së hapur".

Duke folur për këto dy ekspozita të stileve krejt të ndryshme drejtori i Pallatit të Arteve Figurative të Kinës z.Fan Dian tha:"Duke parë ll0 sende të çmuara të Galerisë së Tretiakovskaja, ne do të kënaqemi nga ana estetike me historinë 300 - vjeçare të Rusisë.

Përveç aktiviteteve të shkëmbimeve qeveritare, janë gjallëruar edhe shkëmbimet kulturore popullore kino-ruse.

Pjesa që po dëgjoni është këngë popullore interpretuar nga studentët rusë.

Ju flet Radio e Jashtme të Kinës, ju njohëm shkurtimisht me aktivitetet e pasura të "Festivalit të Kulturës Ruse". ( Zhai)