Sot në Kinë, 76 mijë fëmijë kanë mbetur jetimë për shkak se u kanë vdekur prindërit nga sëmundja e Sidës. Meqenëse mjaft njerëz nuk kanë njohuri elementare për Sidën, këta fëmijë të shëndetshëm pësojnë diskriminim në shoqëri dhe në shkollë. Sektorët arsimorë dhe organizatat popullore të Kinës po marrin masa për ta ndryshuar këtë gjendje.

Pak kohë më parë, në një teatër të Pekinit, mësuesit dhe nxënësit e mbi 10 shkollave fillore panë një mësim të veçantë të dashurisë për njeriun, në të cilin mësuesit dhe nxënësit e shkollës fillore pranë Universitetit Zhongguo Renmin shfaqën një dramë të shkurtër me titull "Shpresa", të krijuar nga ata vetë në bazë të një tregimi të vërtetë për një jetim që të cilit kanë vdekur prindërit nga Sida. Ky tregim flet për një djalë, që mbeti jetim sepse i vdiqën prindërit nga Sida. Ai deshi të hynte në një shkollë të re, por nxënësit, që kishin keqkuptim për Sidën, u trembën dhe u shprehën kundër pranimit të tij. Me ndihmën e mësuesve, nxënësit morën njohuritë përkatëse për Sidën, prandaj shprehën keqardhje dhe treguan kujdes për djalin.

Kjo shfaqje i preku të gjithë të pranishmit. Nxënësit thanë se, më parë, ata nuk donin të luanin bashkë me këta jetimë. Kurse, pasi panë këtë dramë, e ndryshuan mendimin.

"Ai mbeti i vetmuar, sepse prindërit i vdiqën nga sëmundja e Sidës, kurse ai vetë është i shëndetshëm. Kur ai të ketë ndonjë vështirësi, unë do ta ndihmoj me sa mund."

Në Kinë, shumica e fëmijëve, që kanë mbetur jetimë si pasojë e epidemisë së Sidës, jetojnë në fshat dhe kanë shumë vështirësi, dhe vështirësitë e tyre janë të papërfytyrueshme për shumicën e fëmijëve që jetojnë në qytet.

Përgjegjësi i Fondit të Bamirësisë Huaxia të Pekinit, që është njësi organizuese e këtyre aktiviteteve, zoti Vang Bing vuri në dukje se qeveria dhe qarqet shoqërore po përpiqen t'i ndihmojnë këta fëmijë nga anat materiale dhe edukative, megjithatë nuk mund qetësohen ndjenjat e tyre të vetmisë psikologjike, të shkaktuara nga qëndrimi indiferent dhe diskriminues të moshatarëve të tyre. Prandaj Fondi i Bamirësisë organizon aktivitete të ndryshme për të popullarizuar në gjirin e nxënësve njohuritë për Sidën, siç është kjo orë mësimi, me qëllim që nxënësit ta njohin, ta kuptojnë dhe ta duan këtë fëmijë.

"Aktivitetet, që organizuam sot, patën si qëllim që fëmijët e kryeqytetit tonë të njohin gjendjen e jetesës të fëmijëve që kanë humbur prindërit si pasojë e sëmundjes së Sidës dhe të kuptojnë dëshirat e tyre. Kjo do t'i ndihmojë pionierët tanë të çmojnë të sotmen, të kujdesen për të tjerët, të brumosen me ndjenja dashamirësie dhe të bëhen shtetas me ndjenjën e përgjegjësisë për shoqërinë".

Drejtoresha e shkollës fillore pranë Universitetit Zhonguo Renmin, zonja Zheng Ruifang vuri në dukje se edukimi i dashurisë për njeriun mirëpritet gjithnjë e më shumë nga nxënësit dhe nga prindërit e tyre.

Pas shfaqjes së dramës "Shpresa", u ngjitën në skenë 7 fëmijë të cilëve u kanë vdekur prindërit nga Sida. Njëri prej tyre është djali 12 vjeçar Agjyn që mëson në klasën e 5-të.

"Do të mësoj me të gjitha përpjekjet. Kur të rritem, do të bëhem mjek dhe do të mjekoj njerëzit që vuajnë nga Sida".

Nxënësit, që morën pjesë në shfaqjen e kësaj drame, u bënë nxënësve të pranishëm propozimin që të bëhen miq të atyre fëmijëve fatkeq dhe të kursejnë të hollat për t'i ndihmuar ata. Të gjithë iu përgjigjën me entuziazëm këtij propozimi dhe premtuan se do të kujdesen më shumë për fëmijët që mbetën bënë jetimë si pasojë e epidemisë së Sidës dhe do të përpiqen brenda mundësive për të përmirësuar jetesën e tyre.

(Zheng)