Me ngritjen e nivelit të jetesës së fshatarëve, kanë ndodhur ndryshime të mëdha edhe në fizionominë shpirtërore dhe në zakonet shoqërore. Përgjegjësi i fshatit Çiaodi z. Liu Xin tha:

"Dikur në fshatin tonë disa njerëz merreshin me vjedhje për shkak të varfërisë, dhe të gjithë fshatarët e tjerë ishin të shqetësuar ditën e natën. Ndërsa tani për 4 vjet me radhë në fshatin tonë nuk ka ndodhur asnjë akt penal i shkeljes së sigurisë shqoërore."

Më mars të këtij viti, qeveria kineze publikoi në sesionin vjetor të Asamblesë Kombëtare Popullore të Kinës planin e ekonomisë kombëtare dhe të zhvillimit shoqëror të 5 vjetëve të ardhshëm dhe fondin që do të përdoret në ndërtimin e fshatrave të reja. Fondi i shtuar nga qeveria do të përdoret kryesisht në përmirësimin e kushteve të infrastrukturës të fshatit, në ngritjen e nivelit tekniko-shkencor të bujqësisë dhe në dhënien fshatarëve të shërbimeve publike mjekësore, arsimore, kulturore etj. Tani disa dikastere qeveritare i janë përveshur punës për hartimin e planeve përkatëse për mbështetjen e zhvillimit të fshatit. Kështu p.sh. Ministria e Komunikacionit e Kinës vendosi që në 5 vjetët e ardhshëm të ndërtojë dhe të transformojë 1 milion e 200 mijë kilometra rrugë të fshatrave, Ministria e Shëndetësisë u shpreh se do ta konsiderojë përsosjen e sistemit të higjiennës publike dhe të rrjetit të parandalimit dhe kontrollit të gjendjes epidemike të fshatit si një nga detyrat kryesore të punës së saj gjatë 5 vjetëve të ardhshëm.

Qeveria kineze u bëri thirrje institucioneve financiare, ndërmarrjeve dhe individëve që kanë kushte, të investojnë në ndërtimin e fshatrave të reja për të nxitur barazinë dhe harmoninë shoqërore.

Zv/shefi i Zyrës së Grupit Drejtues Qendror të Financave dhe të Ekonomisë të Kinës z. Çen Xiven bëri të ditur se për përkrahjen e ndërtimit të fshatrave të reja Kina do të shtojë pandërprerë investimet në fshat:

"Do të krijohet një sistem afatgjatë i shtimit të investimeve të qeverisë për bujqësinë dhe fshatin në bazë të kursit "Industria ushqen bujqësinë dhe qyteti përkrah fshatin", e do të shtohen gradualisht si shpenzimet financiare, ashtu edhe investimet e pasurisë së patundshme të shtetit."

Z. Çen u shpreh se pas rritjes së shpejtë mbi 20 vjeçare të ekonomisë, Kina ka siguruar aftësinë fillestare financiare për përkrahjen e zhvillimit të bujqësisë dhe të fshatit, dhe është plotësisht në gjendje të ndihmojë bujqësinë me frytet e arritura në zhvillimin e industrisë. Nga ana tjetër, politika e qeverisë kineze mbi ndërtimin e fshatrave të reja do të shtojë forcën blerëse të 900 milionë fshatarëve, duke nxitur kështu kërkesat e vendit. Kjo do të favorizojë edhe zhvillimin afatgjatë të ekonomisë kineze. (Pina)