dëgjoni

Ditët e fundit, Drejtoria e koordinimit të çështjeve të Ekspozitës Botërore të Shangait 2010 dhe Kompania e Aviacionit të Lindjes e Kinës nënshkruan zyrtarisht një marrëveshje bashkëpunimi. Kjo shënon fillimin e punës për tërheqjen e biznesmenëve në këtë ekspozitë.

Kompania e Aviacionit të Kinës Lindore është ndërmarrja e parë që bashkëpunon me Ekspozitën Botërore të Shangait. Më 14 mars, aeroplani "Ekspozita Botërore" me emblemën dhe temën kryesore të kësaj ekspozite të shkruar në të, nisi të fluturonte për herë të parë. Në këtë ceremoni fluturimi, kryetari i Bashkisë së Shangait Han Zheng tha:

"Fluturimi i këtij aeroplani shënon fillimin e punëve të eksplorimit të tregut të Ekspozitës Botërore të Shangait 2010. Punët përgatitore të kësaj ekspozite janë futur në një periudhë të re. Me përpjekjet tona, kjo ekspozitë do të bëhet një platformë të paraqitjes së rezultateve ekonomike dhe shkencore, një platformë të shkëmbimit të artit e të kulturës dhe një platformë e komunikacionit ndërkombëtar. 

Han Zheng tha se puna përgatitore më e rëndësishme e kësaj ekspozite është tërheqja e biznesmenëve. Sipas planit të përgjithshëm të eksplorimit të tregut të kësaj ekspozite, do të krijohet një platformë e hapur, e drejtë dhe e barabartë. Kështu që ndërmarrjet e Kinës dhe ato të huaja do të marrin pjesë në këtë ekspozitë në fusha dhe nivele të ndryshme.

Sot, projektet e tregut të Ekspozitës Botërore të Shangait po tërheqin biznesmenë kinezë dhe të huaj. Këto projekte përfshijnë sponsorin e markës, shitjen e produkteve me logo të posaçme dhe aktivitetet përkatëse të kësaj ekspozite që u japin ndërmarrjeve më shumë hapësirë për t'u zhvilluar. Për shembull, produktet me logo të posaçme përfshijnë pajisjet shtëpiake, rrobat, lodrat dhe lojërat elektronike etj.

Ekspozita Botërore e Shangait do të zhvillohet nga 1 maji deri më 31 tetor të vitit 2010. Në këtë ekspozitë do të marrin pjesë 200 vende dhe organizata ndërkombëtare. Parashikohet se 70 milionë shikues do ta vizitojnë këtë ekspozitë. Kjo është hera e parë që një vend në zhvillim zhvillon ekspozitën botërore.

Përgjegjësi i Drejtorisë së Koordinimit të Çështjeve të kësaj ekspozite tregon se shumë ndërmarrje të zhvilluara në fusha të ndryshme kanë marrë masa pozitive për këtë ekspozitë. Kompania e Aviacionit të Kinës Lindore, si partner bashkëpunimi i kësaj ekspozite, e ka emërtuar aeroplanin "Airbus A340-600" "Ekspozita Botërore". Menaxheri i kësaj kompanie Luo Chaogeng tha:

"Kemi krijuar grupet e shërbimit të këtij aeroplani, kemi hartuar projektet e shërbimit dhe kemi forcuar standardin e shërbimit. Kompania jonë do t'i japë kësaj ekspozite sigurinë e fluturimit, garancinë e punës efektive dhe një shërbimin të mirë transporti." 

Zv-drejtori i kësaj Drejtorie Huang Yaocheng i tregoi korrespondentit gjendjen kryesore të punëve. Ai tha:

"Fokusi i punëve tona është gjetja e partnerëve të bashkëpunimit dhe e sponsorëve të nivelit të lartë. Me ndihmën e kësaj ekspozite, ndërmarrjet do të propagandojnë veten." 

Siç mësohet, punët përgatitore po zhvillohen mirë. Për shembull, projekt plani i përgjithshëm i kësaj ekspozite do të mbarohet së shpejti. (U Sen)