dëgjoni

"Nëna ime është në moshën 83 vjeçare. Ajo ka 5 stërnipa. Jeton me 3 breza të tjerë të familjes sonë. Meqenëse është e shëndetshme, ajo nuk dëshiron të qëndrojë në Tajvan po të jetojë në Dong Shan të provincës Fu Jian," i tha korrespondentit Ly Bangzhou, drejtori i Shoqatës së Tregtarëve Tajvanezë të Dong Shan-it të provincës Fu Jian.

Tre brezat e familjes së Ly Bangzhou-s janë marrë me biznes në Dong Shan për dhjetëra vjet. Biznesi i familjes së tij është zhvilluar kënaqshëm dhe produktet shiten mirë në botë.

Ly Bangzhou, 55 vjeç, ka lindur në Zhang Hua të Tajvanit. Ai është kryeekzekutuesi i grupit ndërkombëtar "Yuan Huang" dhe zv-drejtor i Shoqatës së Tregtarëve Tajvanezë të Zhang Zhou-s. Në pranverën e vitit 1992, së bashku me gruan dhe nënën e tij, Ly Bangzhou erdhi në Dong Shan. Këtu me investim prej 800 mijë dollarësh amerikanë ai krijoi kompaninë e pajisjes metalike "Fu Huang" për të prodhuar vegla peshkimi. Në atë kohë industria e peshkimit në vendet e huaja ecte mirë. Kështu produktet e kompanisë së tij nisën të shiten mirë dhe kompania e tij u zhvillua shumë shpejt.

Më pas, në vitin 1995, me investim prej 3 milionë dollarësh amerikanë Ly Bangzhou krijoi kompaninë e metaleve "Ou Kai" për të prodhuar vegla peshkimi dhe pajisje fushimi. Kështu ai fitonte përsëri shumë para. Në vitin 2000, me investim prej 3,2 milionë dollarësh amerikanë ai krijoi kompaninë e plastikut dhe e metaleve "He Tai" për të prodhuar çadra etj. Këto shiten në SHBA, Kanada, Japoni, Evropën Perëndimore etj.

Tani familja e tij përpiqet për zhvillimin e biznesit në Dong Shan. Nëna e Ly Bangzhou-t merret me projektimin e punishtes, infrastrukturën, mirëmbajtjen etj, fëmijët e tij me manaxhimin e kompanive në Dong Shan, e shoqja merret kryesisht me eksportin e produkteve të peshkimit, transportin etj, motra e tij me punët financiare, ndërsa kunati është teknik.

Ly Bangzhou e vlerëson lart familjen e tij dhe ka shumë besim për perspektivën e saj.

Ly Bangzhou tha se në fillim të këtij viti, sekretari i përgjithshëm i Partisë Komuniste Hu Jintao erdhi në Xia Men për të vizituar ndërmarrjet tajvaneze dhe bisedoi me përfaqësuesit e tregtarëve tajvanezë. Plani i krijimit të zonës ekonomike të bregut perëndimor të ngushticës së Tajvanit në provincën Fu Jian renditet në "Planin e 11-të pesëvjeçar" të Kinës.

Edhe Zhang Zhou ka hartuar disa projekte për të nxitur investimet e tregtarëve tajvanezë dhe për të forcuar zhvillimin e ndërmarrjeve tajvaneze. Ly Bangzhou tha se tregtarët tajvanezë janë shumë të inkujaruar, kështu që kanë besim të madh për investimin në Kinë.

Përveç se merret me biznesin e tij, Ly Bangzhou, si drejtor i Shoqatës së Tregtarëve Tajvanezë të Dong Shan-it, ndihmon edhe tregtarët tajvanezë të krijojnë biznes në Dong Shan.

Disa ndërmarrje tajvaneze, si "Chun Yi", "Dong Hao" dhe 3 të tjera, janë ndihmuar nga Ly Bangzhou-ja në procesin e zhvillimit të biznesit të tyre. (U Sen)