Në sesionin vjetor të Komitetit Kombëtar të Konferencës Konsultative Politike të Popullit Kinez (KKPP i Kinës) dhe në sesionin vjetor të Asamblesë Kombëtare Popullore të Kinës, që sapo u mbyllën në Pekin, fokusi i parë i diskutimeve ishin "problemet e bujqësisë, të fshatit dhe të fshatarëve". Lidhur me këto probleme, disa anëtarë të Komitetit Kombëtar të KKPP të Kinës propozuan se duhet të forcohet zhvillimi i sportit në fshat dhe të përfshihet ai në çështjet publike të fshatit.

"Prapambetja e sportit në fshat në krahasim me qytetin vjen nga disa faktorë, si mungesa e pajisjeve sportive dhe e fondeve, mungesa e kohës së lirë për fshatarët, shkalla e ulët e organizimit, etj."

Këto fjalë i tha anëtari i Komitetit Kombëtar të KKPP të Kinës, ChengYaobang, që ka qenë ministër i bujqësisë dhe tani punon si kryetar i Shoqatës së Sportit të Fshatarëve. Sipas llogaritjes së kësaj shoqate, në mbarë Kinën vetëm më pak se 1/5 fshatrave kanë të paktën një shesh sportiv të standardit dhe pajisje sportive dhe më tej, këta fshatra gjenden kryesisht në krahinat e Kinës lindore, që janë relativisht të pasura.

Por në anën tjetër, fshatarët kinezë janë të aftë në kapërcimin e vështirësive të krijuara nga mungesa e shesheve e pajisjeve sportive. Z. Chen Yaobang tha se në shumë fshatra janë zhvilluar lëvizje sportive në përputhje me kushtet konkrete vendore, duke i bashkuar pajisjet sportive me vegla e prodhimit. Ai tha:

"P.sh. në provincën Hubei në Kinën qendrore, fshatarët kanë shkrirë fushën e basketbollit me sheshin e tharjes së drithrave. Kështu me një gur kanë vrarë dy zogj."

Në kohën e punëbr bujqësore ai përdoret për tharjen e drithrave, kurse në kohë të lirë përdoret si fushë basketbolli, në këtë mënyrë një shesh i thjeshtë bëhet edhe qendër prodhimi edhe qendër dëfrimi. Kjo metodë reale frymëzon mendimin tjetër të anëtarit të Komitetit Kombëtar të KKPP të Kinës, Zhang Faqing, që ka qenë zv/drejtor i Drejtorisë së Përgjithshme Shtetërore të Sportit në Kinë. Ai tha:

"Pajisjet sportive në fshat nuk ka nevojë për sasi të madhe. Mjafton një fushë me ndriçim dhe një rrugicë me pajisje sportive, duke përfshirë edhe tavolinën e pingpongut. Në kohën e lirë, fusha me ndirçim mund të përdoret në mënyrë komplekse, krahas tharjes së drithrave, atje mund të organizohen edhe mitingje e mbledhje artistike dhe të shfaqen filma. Kështu shkrihen instalimet sportive me ato kulturore. "

Z. Cheng Yaobang është i mendimit se zhvillimi i sportit në fshat është jo vetëm në dobi të fuqizimit të trupit të fshatarëve, por edhe mund të ngrejë aftësinë e prodhimit dhe është në të mirë të pasurimit të jetës së tyre shpirtërore.

Zhvillimi i sportit në fshat nuk ndahet nga përkrahja dhe investimet e qeverisë. Lidhur me këtë, z. Zhang Faqiang propozoi se me fuqizimin e financave qendrore, duhet të shtohen investimet për instalimet sportive në fshat. Më të rëndësishme se investimet shtetërore janë politikat. Në planin e qeverisë kineze për 5 vjetët e ardhshëm, theksohet ndërtimi i infrastrukturës në fshat dhe i çështjes publike në fshat, si arsimi, shëndetësia, kultura, etj. Anëtarët e Komitetit Kombëtar të KKPP të Kinës propozuan të shtohet edhe çështja e "sportit" në çështjen publike të fshatit. (Wang Lei)