Kjo bazë e përgatitjes së qenve për të verbër gjendet në periferinë jugore të qytetit Dalian. Me të hyrë në oborrin e bazës, u dëgjuan lehjet e qenve.

Në zyrën e bazës, studiusja Song Yanan i tha korrespondentit se përgatitja e qenve për të verbër këtu është herë e parë në krahinat e brendshme të Kinës. Qysh nga viti 2005, e ngarkuar nga Bashkia e Qytetit të Pekinit, Qendra Eksperimentare e Kafshëve pranë Universitetit të Mjekësisë të Dalianit filloi përgatitjen e rritjen e qenve për të verbër. Me përpjekjet mbi një-vjeçare, këta qen kanë hyrë në stërvitjen e shkallës së mesme. Gjatë Lojërave Paralimpike të Pekinit, ata do të drejtojnë sportistët e verbër për të hyrë në stadium dhe për ecur në rrugë. Studiuesja e kësaj baze, zonja Song Yanan tha:

"Studiojmë këtë temë për t'u shërbyer sa më mirë të verbërve."

Në bazën përgatore, korrespondenti i radios sonë vëzhgoi 3 qen në stërvitje, ata quhen përkatësisht "Maomao", "Shitou" dhe "Lulu". Ata kanë ngjyrë të përzier verdhë e të bardhë. Ata janë trupgjatë dhe më këmbë, janë më të gjatë se një njeri. Zj. Song tha se qentë për të verbër duhet të jenë trupgjatë, sepse vetëm kështu kanë mundësi të mbrojnë të verbërit me trup dhe të largojnë prej tyre rrezikun. Pra, të gjithë qentë e kontingjentit të parë për Lojërat Paralimpike të Pekinit janë langonj të verdhë anglezë, që janë trupgjatë dhe me karakter të qetë.

Zj. Song tha se cilësia më e rëndësishme e qenve për të verbër është karakteri i tyre i qetë. quhet kështu sepse gjatë punëve të përditshme, qeni për të verbër duhet të ketë të zotin e tij si gjënë më kryesore. Kur zoti nuk lëviz ai duhet të rrijë pranë, kurse kur i zoti ecën ai duhet ta drejtojë. Vetëm ata qen që mund të "drejtojnë" me të gjithë vëmendjen e duhur të zotit dhe që nuk u intereson asgjë tjetër përreth përveç tij, do të zgjidhen për t'u shërbyer të verbërve.

Në bazën përgatitore, korrespondenti i radios sonë vëzhgoi më shumë stërvitjen e qenit "Maomao". Në radhë të parë, zj. Song u përshëndet me të në anglisht, "Hello!", ndërsa "Maomao" ia dha me iniciativë putrën e tij në dorën e zj. Song. Tani ky qen mund të pranojë saktësisht urdhrat në anglishte, si "Ngrihu", "Nisu", "Ndalo", "Ulu", "Djathtas", "Majtas", "Prit" etj. Zj. Song tha:

"Këto fjalë ai i kupton. Ne e stërvitim atë në anglishte, duke marrë parasysh se qentë për të verbër do t'u shërbejnë sportistëve të huaj gjatë Lojërave Paralimpike."

Krahas stërvitjeve në gjuhë, qeni "Maomao" ka edhe shumë disiplina të tjera në ditë, p.sh. shmangia e pengesave, ngjitja dhe zbritja e shkallëve, njohja e shenjave të trafikut, etj.

Studiuesit e bazës shpresojnë se këta qen për të verbër do të "diplomohen" në gjysmën e dytë të këtij viti ose në vitin e ardhshëm. Kjo pasi qentë për të verbër duhet të kalojë një periudhë gjysmëvjetore të përshtatjes me zotërinj e tyre para hyrjes në shërbimin zyrtar. Prandaj, pas përgatitjes me sukses të këtyre qenve, baza përgatitoreë kërkojë rrugët që pjesëmarrësit e verbër në Lojërat Paralimpike të Pekinit të adoptojnë para kohe qen për të verbër. (Wang Lei)