Yang Wenyi, notarja e njohur kineze, ka lindur më 11 janar në vitin 1972. Ajo ka qenë një nga pesë notaret e njohura kineze dhe konsiderohet si sirena e notit në Kinë. Ajo ka arritur rezultate të mira dhe është përcaktuar shumë herë si një nga 10 sportistët më të mirë në Kinë ndërkohë që në vitin 1999, ajo u përcaktua si një nga 50 sportistët më të mirë të Kinës. Familja e saj është një familje sportdashëse. I ati ka qenë një koleksionist sporti, e ëma ka qenë një bejzbolliste ndërsa vëllai i saj skermist i kombëtares kineze.

Në vitin 1978, Yang Wenyi filloi stërvitjen në not me klubin e sportit të Shangait dhe ajo ka thyer 18 herë rekordin kombëtar për të rinj. Ajo stërvitej kryesisht në stilin shpinë 200 metra dhe në stilin e përzier 200 metra. Pastaj në vitin 1984, ajo u pranua në ekpin e notit të Shangait dhe dy vjet më pas, ajo hyri normalisht në kombëtaren kineze të notit. Në vitin 1987 në kampionatin e dytë panpaqësor të notit, Yang Wenyi dhe shoqet e saj të ekipit fituan një medalje të bronztë në stilin e përzier 400 metra. Edhe në Spartakiadën e 6-të Kombëtare të Kinës, Yang Wenyi mori dy tituj kampion në stilin e lirë 50 metra dhe në not shpinë 100 metra, duke vendosur dy rekorde aziatike. Në prill të vitit 1988, në kampionatin e 3-të aziatik të notit, Yang Wenyi 16-vjeçare fitoi titullin kampione në stil të lirë 50 metra, duke vendosur rekordin e ri botëror. Koha e saj ishte 24 sekonda 98 të qindtat. Edhe në stil shpinë 100 metra, Yang Wenyi mori titullin kampione me kohën 1 minutë 3 sekonda dhe 8 të qindtat, ky ishte rezultati më i mirë në Azi. Krahas këtyre fitoreje, ajo mori edhe dy tituj kampion në stafedën e stilit të përzier 400 metra dhe të stilit të lirë 400 metra. Po atë vit në Lojërat Olimpike të Seulit, Yang Wenyi hyri në fianlen e notit të stilit të lirë 50 metra dhe u takua me sfiduesen tjetër të fortë, notaren gjermane Kristina Otto me gjatësi trupore 188 cm. Në fillim të garës, nisja e Yang Wenyi-së kishte qenë e ngadaltë dhe Otto kaloi lehtë në vendin e parë, por pas përpjekjeve të madhe, kinezja e njohur u afrua me gjermanen, por për shkak të shtatit të shkurtër, ajo u radhit në vendin e dytë me vetëm 15 të qindtat më vonë.

Humbja e kësaj gare të rëndësishme e mërziti Yang Wenyi-në shumë dhe gjendja e saj shpirtërore nuk ishte e mirë. Ajo pothuajse largohet nga noti. Me ndihmën e trajnerit dhe familjes së saj, Yang Wenyi gjeti përsëri besim në vetëvetë dhe vendosi të fitojë një medalje të artë olimpike. 4 vjet më pas në Lojërat Olimpike të Barcelonës, Yang Wenyi hyri në finalen e notit të stilit të lirë 50 metra bashkë me shoqen e saj Zhuang Yong. Faulli i Zhuang Yong-së para krismës së parë të pistoletës e krijoi një tension të madh në garë dhe e stresoi shumë Yang Wenyi-në, e cila shpeshherë pati rezultate të mira në stërvitje por nuk u paraqit mirë në garë. Pas krismës së dytë të pistoletës, Yang Wenyi e nisi shumë mirë dhe zuri vendin e parë, duke thyer rekordin botëror, të mbajtur nga ajo vetë. Në vitin 1993, në Lojërat e para të Azisë lindore, Yang Wenji fitoi medaljen e artë në garën e stilit të lirë 50 metra dhe më pas në Spartakiadën e 7-të Kombëtare të Kinës, ajo mori gjithsej 4 tituj kampion në stilin e lirë 50 metra, në flutur 100 metra dhe në stafetën e stilit të lirë 400 metra si dhe në stilin e përzier 400 metra.

Pas këtyre arritjeve të mrekullueshme, Yang Wenyi e mbylli përfundoi karrierën e saj sportive në vitin 1993 dhe shkoi në Amerikë për studime të mëtejshme. Pas kthimit në Kinë, ajo ka luajtur një rol në një reklamë të kompanisë amerikane Pepsi, është bërë drejtuese e një programi sportiv, ka bërë biznes, etj. Tani, Yang Wenyi punon si presidente e një kompanie të Shangait, që merret me përhapjen e sportit. (Jiang Lei)