dëgjoni

Humori i skeceve është një nga shfaqjet artistike tradicionale në Kinë.

Anëtari i Komitetit Kombëtar të Konferencës Konsultative Politike të Popullit Kinez , humoristi i njohur i skeceve Jiang Kun tha : " Sivjet, veprat e zgjedhura të artit të skeceve duhet të futen në lëndët mësimore të shkollave të mesme dhe fillore, në mënyrë që të shtojnë dashurinë e nxënësve të shkollave të mesme dhe fillore për artin tradicional kinez."

Edhe llojet e tjera të arteve folkloristike ndodhen në një gjendje serioze. Shumë artistë të shquar të kukullave, të shfaqjeve me figura hijesh, ndërtimi i figurave artistike prej mielli, pikturat për vitin e ri kinez etj filluan të mos kane interesub e dikurshëm dhe rreziku i ndërprerjes së trashëgimisë së tyre është i dukshëm. Edhe shumë arte folklorike si doket e zakonet popullore, vallet popullore, festat e gjuhët e pakicave kombëtare etj nuk janë ruajtur si duhet.

Anëtari i Komitetit Kombëtar të Konferencës Konsultative Politike të Popullit Kinez Feng Jicai tha se "Nga sulmi i fuqishëm i kulturës argëtuese e zbavitëse, shumë arte të çmuara folkloristike po shkojnë drejt zhdukjes".

Para mëse l0 vjetëve, Kina ka kaluar periudhën e të ashtuquajturës tregti e gjithë popullit, kjo është një theënie e zmadhuar, por fakt është se ruajtja e kulturës tradicionale nuk është përfshirë në rendin e ditës të qeverisë. Në hovin e ndërtimeve të apartamenteve të reja, një numër lagjesh historike humbën, ndër to janë zhdukur edhe shtëpi karakteristike të pekinasve.

Tani njerëzit e kanë kuptuar këtë gjë dhe gjatë ndërtimit të veprave hidraulike Sanxia, u morën masa për ruajtjen e sendeve arkeologjike nën ujë. Komiteti i Përhershëm i Asamblesë Kombëtare Popullore të Kinës rishikoi "Ligjin për mbrojtjen e sendeve arkeologjike" në mënyrë që të administrohet dhe ruhet më mirë trashëgimia kulturore.

Kina filloi të krijojë edhe listën e veprave përfaqësuese të trashëgimisë kulturore që ka lidhje me format kulturore folkloristike të 56 kombësive të Kinës.

Kënga që po dëgjoni është këngë popullore kombësisë Pumi. Kombësia Pumi është një pakicë kombëtare në Kinën jug-perendimore që ka një popullsi vetëm prej 30 mijë banorësh.

Numri i këngëve të tyre popullore po pakësohet dhe për këtë, Ministria e Kulturës dërgoi një grup specialistësh për zbulimin, grumbullimin dhe ruajtjen e tyre.

Z. Cheng Zhe që përgjigjet për mbrojtjen e këtij objekti tha se kënga është interpretuar nga kompleksi i 8 vajzave. Ky komples ka 3 vjet që është krijuar dhe ka arritur suksese të mëdha.

Përveç mbrojtjes së ekologjisë kulturore në zonat e pakicave kombëtare, qeveria kineze u jap përkrahje kryesisht edhe Operën e Pekinit, Operën Kunqu dhe Mjeshtrat akrobatike që janë si trashëgimi kulturore me vlerë të madhe.

Para disa kohës, Këshilli i Shtetit të Kinës vendosi që duke filluar nga ky vit, e shtuna e dytë e qershorit përcaktohet si " Dita e trashëgimisë kulturore "

Tani në disa universitete janë krijuar institute të kulturës së lashtë kombëtare kineze, kostumet tradicionale filluan të shiten mirë në treg, edhe librat e kulturës tradicionale janë në shitje të mirë. Zakonet e doket e preferuara gjatë vitit të ri tradicional kinez rikthehen përsëri tek gjiri i popullit. Edhe forumi i kulturës tradicionale e organizuar nga muzeu i letërsisë moderne të Kinës pritet mirë.

Gjithnjë e më shumë kinezë preferojnë kulturën nacionale, ky është një veprim i ndërgjegjshëm pas arritjes së zhvillimit ekonomik në një fazë të caktuar.

Në fillim të reformës, kinezët nuk i njihnin mirë gjërat perendimore dhe i drejtonin sytë nga bota e jashtme. Pas krahasimeve, rishikimeve, mendimeve të thella, shumë njerëz u shprehën se gjerat tradicionale kineze janë më të përshtatshme për ne. Tani kthimi i kulturës tradicionale është një fenomen i mirë, kjo kulturë do të nxitë zhvillimin e shëndoshë të gjithë shoqërisë. (Zhai)