Ju flet Radio e Jashtme e Kinës, të dashur dëgjues, ju përshëndes përsëri në programin e sotëm muzikor. Zhang Xueyou është një këngëtar nga Hongkongu që është shumë i njohur në qarqet e muzikës pop kineze. Gjatë njëzet vjetëve, shumë këngë të tij janë bërë këngë dashurie klasike dhe Zhang quhet edhe "Zoti i këngës". Në vitin 2004, Zhang Xueyou, që nuk kishte bërë albume të reja për një kohë të gjatë, vuri në qarkullim albumin e ri "Bardhezi", që u prit shumë mirë nga dëgjuesit. Në programin e sotëm, do t'ju prezantoj pikërisht këtë album të ri të tij.

Të dashur dëgjues, kënga që po dëgjoni tani është kënga e parë e këtij albumi, me titull "Piktura bazdhezi".

 dëgjoni

Zhang Xueyou u bë i njohur në vitin 1984 pas një konkursi kënge në Hongkong. Gjatë 20 vjetëve, ai ka vënë në qarkullim më se 10 albume. Zëri me forcë magnetike i tij shoqëroi rritjen e një brezi të tërë. "Puthja e lamtumirës", "Rrjetë e dashurisë" etj janë bërë këngë klasike.

Albumi "Bardhezi" është një përmbledhje e jetës 20 vjeçare artistike të tij. Zgjedhja e titullit "Bardhezi" është bërë për të simbolizuar ndryshimin e pareshtur të rolit të tij gjatë këtyre viteve. Ai tha "Nuk ka rëndësi nëse këndoj, luaj ose jetoj, mendoj që jam një njeri dyfaqësh, unë mund të luaj burrin të thjeshtë, të butë, por mund të luaj edhe burrin e fuqishëm. Unë nuk mendoj që këto dy role janë paradoksale. Ndërthurja e së butës dhe së rreptës ngjan me lidhjen e së zezës dhe të bardhës, ka më shumë domendhënie.

Muzika që po dëgjoni titullohet "Nëse nuk të dua". Ajo është kënga e telenovelës koreanajugore "Të gjithë të dashuruar".

 dëgjoni

Në këtë album, përveç 5 këngëve të reja, ai ka zgjedhur edhe 21 këngë të vjetra të tij, që nuk kanë tërhequr vëmendjen mëpërpara. Ato janë ripërpunuar dhe kanë një ndjenjë të re. Tani, ju ftojmë të dëgjoni këngën me titull "Drapri i hënës", e cila është një këngë e albumit të parë të Zhang Xueyou-t.

 dëgjoni

Thuhet se procesi i zgjedhjes së këngëve për këtë album ishte i vështirë. Në fillim kompania diskografike vendosi të zgjedhë këngët më të mira të të gjitha albumeve të Zhang Xueyou-s, por kjo ede nuk u pranua nga Zhang Xueyou. Ai bisedoi me kompaninë dhe i shprehu dëshirën për të zgjedhur pikërisht këngët e vjetra dhe të bukura, por që kaluan pa bërë jehonë.

Kënga që po dëgjoni tani titullohet "Dashuri me dhembje".  dëgjoni

Në fund të programit, ju ftojmë të dëgjoni këngën me titull "Më shoqëroni në rrugë".

 dëgjoni

(Vei)