Filmi "Mali Brokeback" ishte një nga fituesit më të mëdhenj në çmimet "Oskar" të edicionit të 78-të. Krahas çmimit të regjisorit më të mirë, ai fitoi edhe çmimin e kolonës muzikore më të mirë dhe çmimin më të mirë të ripunimit të skenarit. Në fakt, para dhënies së çmimeve "Oskar", shumë njerëz kishin parashikuar se filmi "Mali Brokeback" do të fitojë disa çmime të mëdha, sepse ky film kishte fituar 48 çmime të regjisorit më të mirë ose të filmit më të mirë në mbarë botën.

Li An lindi në Tajpei në vitin 1954. I ati i tij ishte drejtor i një shkolle të mesme dhe e edukonte djalin në mënyrë tradicionale dhe të rreptë. Si shumë regjisorë të suksesshëm të filmit edhe Li Anit filloi t'i pëlqejë filmi qysh në moshë të njomë. Atij i pëlqen veçanërisht filmi i regjisorit italian Vitorio De Sika "Vjedhësi i biçikletave". Ky film përshkruan jetën e vështirë të një ati të papunë, Li An preket thellë nga ndjenjat e vërteta midis atit dhe birit në film.

Në vitin 1975, pas diplomimit nga Instituti Artistik i Universitetit të Tajvanit, Li An shkoi në SHBA për studime. Ai mori së pari gradën e të diplomuarit në dramë, pastaj mori gradën e aspirantit të filmit në Universitetin e Nju Jorkut. Gjatë studimeve në Universitetin e Nju Jorkut, Li An xhiroi disa filma si "Dua kuzhinën kineze", "Artistët e mirë" etj. ku u shfaq talenti i tij në fushën e filmit. Pas diplomimit, Li An donte të kthehej në Tajvan, por një punonjës i shoqërisë së filmit të SHBA-së e bindi atë të qëndrojë në SHBA.

Në fillim, çështja e Li Anit nuk po ecte mirë. Gjatë 6 vjetëve, ai nuk xhiroi asnjë film dhe nuk kishte të ardhura. Por Li An nuk hoqi dorë nga filmi, ai studionte filmat amerikanë duke krijuar skenarë filmash.

Quke filluar nga viti 1991, Li An xhiroi me radhë 3 filma të gjuhës kineze me investime tajvaneze: "Duart që shtyjnë", "Banketi i dasmës" dhe "Ha, pi, burrë, grua". Këta 3 filma jo vetëm fituan të ardhura të mira, por fituan edhe pohimin e vlerësimin e qarqeve perëndimore të filmit. "Banketi i dasmës" fitoi çmimin "Ariu i artë" të Festivalit të Filmit në Berlin, "Ha, pi, burrë dhe grua" mori pjesë në konkurrim për çmimin "Oskar" të filmave më të mirë në gjuhë të huaja të vitit 1994. Specialistët janë të mendimit se veprat e Li Anit janë plot me kulturë tradicionale kineze, shikuesit e vendeve të ndryshme mund të njohin nëpërmjet tyre ndjenja të veçanta të kinezëve. Duke folur për këta filma, Li An tha:

"Filmat e mi të gjuhës kineze përshkruajnë kryesisht natyrën njerëzore dhe familjen e mund të pranohen nga shikuesit e vendeve të ndryshme."

Në vitin 1995, Li An hyri në radhën e regjisorëve kryesorë të Hollivudit. Këtë vit, ai xhiroi filmin "Ndijim dhe ndjeshmëri" të ripunuar nga novela me të njëjtën emër. Në këtë film, Li An tregon ndjenjat e njerëzve perëndimorë me stil të veçantë dhe real. Ky film fitoi çmimin "Ariu i artë" në Festivalin e Filmit të Berlinit dhe u përcaktua si kandidat për çmimin "Oskar" të filmit më të mirë.

Pas disa filmave me tema perëndimore, në vitin 2001, Li An xhiroi përsëri filmin e gjuhës kineze "Tigri dhe Dragoi". Ky ëshe filmi i parë i gjuhës kineze që fiton çmimin "Oskar" të filmit më të mirë në gjuhë të huaj. Në këtë film, Li An përfshiu kulturën tradicionale kineze Wushu në një tregim të pikëlluar dashurie. Pas shfaqjes, ky film ngjalli një rrymë të Wushusë në mbarë botën.

Pas filmit "Tigri dhe Dragoi", Li An i kushtoi përsëri vëmendje temës amerikane. Ai xhiroi këtë radhë filmin me temën e kaubojëve homoseksualë "Mali Brokeback".

"Mali Brokeback" është një film që tërheq shumë shikues. Anëtarja e parë kineze e komisionit të zgjedhjes së çmimeve "Oskar" Lu Yan tha:

"Ky është një film shumë i mirë dhe shumë prekës. Tregimi është i thjeshtë, por ndjenjat janë të sinqerta. Mendoj se Li An është një mjeshtër që mund të xhirojë me aftësi tema të ndryshme."

Li An është i aftë të përshkruajë me gjuhë të thjeshtë ndjenja të ndërlikuara njerëzore, prandaj filmat e tij mirëpriten nga shikues të vendeve të ndryshme. (Fani)