Kohët e fundit, korrespondenti shkoi në fshatin Qilibao të qytetit Yucheng të provincës Shandong, ku u takua me fshatarin Wang Zhenbei që po grumbullonte koçanë për t'i ngarkuar në kamion. Fshatari Wang i tha korrespondentit:

"Dikur koçanët i përdornim si lëndë djegëse, asnjërit nuk i shkonte ndërmend se prej tyre mund të nxirrej sheqer. Tani vetëm nga shitja e koçanëveve mund të fitoj në vit mbi 800 juanë."

Në të kaluarën, për fshatarët koçanët ishin vetëm lëndë djegëse, kurse tani misri dhe koçanët janë bërë lëndë e parë për prodhimin e sheqerit funksional. Ky sheqer i ushqyeshëm që mund të nxitë dhe të përmirësojë funksionet e trupit të njeriut, përdoret gjerësisht në degët industriale të ushqimeve, të pijeve, farmaceutikës etj. Shoqëria "Futian" e qytetit Yucheng eksporton çdo vit afro 10 milionë dollarë amerikanë produkte ksilitoli të prodhuara me misër dhe koçanë.

Me shtimin e pandërprerë të kërkesës për misër dhe koçanë, ndërmarrjet e prodhimit të sheqerit ka shtuar të ardhurat e fshatarëve vendas. Tani qytetin Yucheng përpunohen në vit 600 mijë tonë misër dhe 200 mijë koçanë, duke nxitur fshatarët përreth të mbjellin misër në 10 mijë hektarë tokë.

Fshatarët janë shumë të gëzuar se koçanët janë shndërruar në para. Siç mësohet, shitja e një toni koçanë fitohen 420 juanë. Edhe fshatarët e provincës fqinje Hebei kanë sjellë koçanë në këtë qytet për të pestin vit me radhë.

Tani mbi bazën e kultivimit të misrit cilësor me një sipërfaqe prej 600 hektarësht, nëpërmjet mbjelljes së varieteteve të reja dhe zbatimit të agroteknikës së re, rendimenti i prodhimit është shtuar me 1500 kilogramë për hektar. Nga të dhënat statistikore të qytetit del se nëpërmjet prodhimit të sheqerit, të ardhurat mesatare vjetore të fshatarëve të Yucheng-it janë shtuar për frymë 260 juanë.

Punëtorët e kaldajës të termocentralit Xinyuan të qytetit Yucheng thanë se mbeturinat industriale të ndërmarrjeve të përpunimit të sheqerit mund të përdoren si lëndë djegëse në prodhimin e energjisë elektrike. Përgjegjësi i këtij termocentrali tha:

"4 tonë mbeturina të nxjerra nga prodhimi i sheqerit janë baras me një ton qymyrgur, kështu çdo ditë kursehen 120 tonë qymyrgur."

Më parë 3 ndërmarrje të prodhimit të sheqerit nxirrin në vit 200 mijë tonë mbeturina, dhe për t'i trajtuar ato duhen 2 milionë juanë. Për fat tani këto mbeturina përdoren në prodhimin e energjisë elektrike.

Jo vetëm kaq, por pas djegies së mbeturinave mbetet edhe hiri që përdoret si pleh në arë.

Mbeturinat enxjerra nga fabrika e prodhimit të sheqerit përdoren edhe si lëndë për kultivimin e kërpudhave. Fshatari Wu Yanjie fiton në vit mbi 200 mijë juanë nëpërmjet përgatitjes së fidanëve të kërpudhave me këto mbeturina.

Pas zhvillimit 10 vjeçar, dega industriale e sheqerit të qytetit Yucheng është bërë degë kryesore të qytetit, vëllimi i prodhimit të 3 ndërmarrjeve të mëdha të sheqerit zë 33% të vëllimit të përgjithshëm të prodhimit industrial të qytetit, dhe të ardhurat nga eksporti kanë arritur në 45 milionë dollarë amerikanë.

Tani produktet prej sheqeri funksional të qytetit Yucheng zënë mbi 80% të pjesës së tregut të vendit dhe vetë qyteti është dekoruar kohët e fundit nga Shoqata Kineze e Industrisë së lehtë me titullin "Qyteti i sheqerit funksional i Kinës". ( Pina )