dëgjoni Zoti Xie është menaxheri i kompanisë së çajit "Tai Pin" në Yong Fu të provincës Fu Jian. Çdo mëngjes pasi ngrihet ai ha një pjatë makarona, pastaj shkon për të parë çajin.

Zoti Xie është marrë me biznesin e çajit në Yong Fu për 10 vjetët, kështu që ai është mësuar me jetesën atje. Tani sipërfaqja e plantacionit të tij të çajit është 500 hektarë, ndërsa çaji i prodhuar në vit është më shumë se 30 mijë kilogramë. Vlera e përgjithshme e prodhimit të çajit në vit shkon më shumë se 6 milionë yuanë.

Ai është i kënaqur sepse pasi filloi të investojë në Yong Fu në vitin 1996, edhe biznesmenë të tjerë tajvanezë nisën të bëjnë biznes këtu. Tani ka 19 ndërmarrje me investime të sipërmarrësve tajvanezë. Zoti Xie tha se këtu është shtëpia e sipërmarrësve tajvanezë.

Yong Fu quhet "Mali A Li i provincës Fu Jian", lartësia mesatare e të cilit është 780 metra. Këtu ka kushte gjeologjike dhe klimaterike të mira, që janë të përshtatshme për zhvillimin e bujqësisë. Vitet e fundit, në Yong Fu është nxitur bashkëpunimi bujqësor midis fshatarëve nga Tajvani dhe Fu Jiani.

Këtu janë zhvilluar aktivitete si "Shërbim për një ndërmarrje tajvaneze, shërbim për një bashkatdhetar tajvanez, të tërheqim një kontingjent tregtarësh tajvanezë dhe një kontingjent ndërmarrjesh".

Në gusht të vitit 2005, Yong Fu u përcaktua si vendi i krijimit të ndërmarrjeve nga fshatarët tajvanezë nga zona eksperimentale e bashkëpunimit bujqësor e qytetit Long Yan.

Sivjet Yong Fu është bërë një nga tri vendeve të krijimit të ndërmarrjeve kryesore në provincën Fu Jian. Tani këtu ka 15 plantacione çaji të llojit "Gao Shan", dy ndërmarrje të mbjelljes së pemëve frutore, një e mbjelljes së luleve dhe një e përpunimit të gurit, me një investim të përgjithshëm prej më shumë se 100 milionë yuanësh.

Zoti Lin, një tregtar tajvanez që ka mbjellë çaj për 28 vjet ka investuar për krijimin e plantacionit "Zhen Fu" të çajit të llojit "Gao Shan". Sipërfaqja e këtij plantacioni është më shumë se 600 hektarë.

Zoti Lin mendon se në Yong Fu ka klimë të mirë dhe kjo është e përshtatshme për mbjelljen e çajit të llojit "Gao Shan". Gjithashtu në krahinat e brendshme ka burime të bollshme. Kjo i jep shumë shanse të zhvillojë biznesin e çajit.

Për t'u shërbyer më mirë ndërmarrjeve tajvaneze, në Yong Fu ka njerëz të posaçëm që ndihmojnë sipërmarrësit tajvanezë të kryejnë regjistrimin. Gjithashtu, bashkia e Yong Fu-së u ka krijuar atyre kushte të favorshme, si në shfrytëzimin e tokës, të ujit dhe të energjisë elektrike, në taksat mbi të ardhurat, në kredi dhe në arsimimin e fëmijëve të tyre etj.

Siç mësohet, sivjet në Yong Fu do të sillet çaj i mirë nga Tajvani për të shtuar sasinë e çajit të llojit "Gao Shan" të mbjellë, për të nxitur nivelin e prodhimit të çajit dhe për të krijuar markën e famshme të provincës Fu Jian "Ruan Zhi U Long".

Gjithashtu në Yong Fu do të zbatohet metoda e zhvillimit të bujqësisë së Tajvanit, duke krijuar një organizatë të fshatarëve për të prodhuar e për të shitur produktet bujqësore. Kjo do të hapë një treg ndërkombëtar më të gjerë për shitjen e produkteve bujqësore të Tajvanit. (U Sen)