dëgjoni Më 5 mars sipas orës së Amerikës u shpallën çmimet " Oskar". Para disa kohësh, filmi i regjisorit kinez Li An "Mali Brokeback" u përcaktua si kandidatë për 8 çmime " Oskar" dhe është bërë qendra e vëmendjes ndër filmat konkurrues për çmimet "Oskar" të këtij viti.

Në ceremoninë e dhënies së çmimeve "Statuja e artë " të edicionit të 78-të "Oskar", regjisori kinez Li An me filmin e tij " Mali Brokeback" fitoi çmimin e regjisorit më të mirë dhe u bë fituesi i parë aziatik i këtij çmimi.

Përveç çmimit të regjisorit më të mirë, filmi " Mali Brokeback" fitoi edhe dy çmime të tjera, si çmimin e ripunimit të skenarit më të mirë dhe çmimin e komozitorit.

Edhe filmi "Kujtimet e një Geishe", ku luajnë 3 aktore kineze fitoi 3 çmime në këtë festival.

Më parë, në ceremoninë e ndarjes së çmimeve "Globi i artë" , ky film ka fituar 4 çmime, si çmimin e filmit më të mirë, regjisorit më të mirë, skenarit më të mirë dhe muzikës më të mirë.

Fragmenti që po dëgjoni është nga filmi " Mali Brokeback ", ku pasqyrohet dashuria ndërmjet dy kaubojëve amerikanë, të cilët nga presioni shoqëror, u martuan dhe lindën fëmijë, por dashuria midis tyre përsëri zgjati më se 20 vjet. Disa media e quajnë këtë film si një filmpoemë për dashurinë homoseksuale perëndimore, kurse regjisori Li An është i mendimit se ky film ka përshkruar një dashuri dhe nga ana e domethënies, dashuria nuk duhet të kufizohet vetëm midis meshkujve dhe femrave.

Li Ani, i lindur në Tajvan, është rritur nën ndikimin e kulturës tradicionale të Kinës, ndërsa në kohën e rinisë shkoi në SHBA për të mësuar mjeshtërinë e shkrimit të skenarëve të pjesëve teatrore dhe kinematografike, duke studiuar me vëmendje të madhe shkrirjen e kulturës së Lindjes me atë të Perëndimit. Në vitin 2001, filmi i drejtuar nga regjisori Li An " Tigri dhe dragoi" fitoi 4 çmime " Oskar": të filmit më të mirë në gjuhë të huaj, të operatorit më të mirë, të regjisë e të drejtimit më të mirë artistik dhe të kompozitorit më të mirë.

Në koment thuhet se filmat e Li Anit krijojnë një urë kulturore midis Lindjes dhe Perendimit. Shumë spektatorë të huaj i njohin filmat kinezë duke filluar nga filmi o arteve marciale "Tigri dhe dragoi" i arteve marciale.

Filmi kinez që ka fituar i pari më herët çmimin "Oskar" është filmi i regjisorit kinez me nënshtetësi amerikane Huang Zongzhan "Vizatimet e trëndafilave në trup ", që fitoi çmimin e operatorit më të mirë në edicionin e 28-të çmimeve "Oskar". Gjatë 30 vjetëve të mëvonshëm, filmat kinezë nuk fituan më asnjë çmim të Oskarit. Në vitin 1998, filmi kinez" Perandori i fundit" fitoi 9 çmime "Oskar", si atë të filmit më të mirë, regjisorit më të mirë, kompozitorit më të mirë, operatorit më të mirë etj. Ky sukses ngjalli përsëri entuziazmin e madh të kineastëve kinezë për të fituar çmime "Oskar".

Regjisori kinez i brezit të 5-të Zhang Yimou sigurisht është një person me potencial për të konkurruar për çmimet e "Oskar". Qysh nga vendosja e filmit të tij " Judou" si kandidat për cmimin e filmit më të mirë në gjuhë të huaja, ai mori pjesë më se një herë në konkurrimet për çmimet " Oskar" me filmat e tij " Varja e fenerëve të kuq", "Heronjtë" dhe "Shtëpia e kamave fluturuese ". Edhe regjisori kinez Chen Kaige në vitin l993 me filmin " Lamtumirë konkubina ime " u përcaktua si kandidat për çmimin e filmit më të mirë në gjuhë të huaj dhe të operatorit më të mirë. Pak kohë më parë, edhe filmi i tij " Premtimet " mori pjesë në konkurrimin për çmimet " Oskar", por nuk fitoi.

Duke vlerësuar ndikimin e filmave kinezë gjatë 20 vjetëve të fundit në botë, kryeredaktori i revistës franceze " Albumi kinematografik " Jean-Michel Frodon tha: "Qysh nga fillimi i viteve '80 të shekullit të kaluar, në Evropë dhe në Francë filluan të shfaqen gjithnjë e më shumë filmat kinezë. Këta filma konsiderohen si dhurata e kinematografisë kineze për botën. Spektatorët e mbarë botës filluan të njohin me anën e filmave kinezë mënyrën e re të jetesës, këndvështrimin e ri, melodi të reja dhe plane të reja të filmave nga Kina. Kjo është një ndihmesë e kontribut i Kinës jo vetëm për kinematografinë botërore, është edhe për mbarë kulturën botërore. "

Megjithëse filmat kinezë kanë fituar çmime të njëpasnjëshme në festivalet ndërkombëtare kinematografike të organizuara në Evropë dhe Azi, ata rrallë kanë fituar çmime "Oskar". Duke analizuar faktin e mossuksesit të filmave kinezë në konkurrimet për çmimet "Oskar", profesori i Universitetit të mediave të Kinës Hu Ke tha : "Ky është kryesisht problem i konceptimit kinematografik. Evropianët inkurajojnë më shumë krijimet e pavarura artistike dhe shumëllojshmërinë kulturore. Karakteret e veçanta do të ngjallin interesimin e evropianëve. "

Hu Ke është i mendimit se kineastët kinezë duhet të punojnë me gjithë shpirt dhe me zell të madh, të ngrenë nivelin kulturor të kinematografisë dhe të ndjekin prirjet e kinematografisë botërore. Ata duhet të punojnë më shumë për krijime të pavarura dhe të veçanta artistike dhe për përsosmërinë kinematografike. Regjisorët më mirë të xhirojnë një film që u pëlqen vetë atyre, duke futur idealin dhe ndjenjat e veta artistike dhe herët apo vonë, çmimet "Oskar" do t'u kushtojnë rëndësi filmave të Lindjes. ( Zhai)