Kina për një kohë të gjatë është konsideruar si një vend i madh i industrisë së fabrikimit, por shumë prodhime kineze që shiteshinn brenda dhe jashtë vendit ishin me marka të shoqërive shumëkombëshe, nd;rsa mallrat kineze që kishin të drejtën e autorit dhe markë autonome ishin pak dhe aftësia e tyre konkurruese ishte e dobët. Tani kjo gjendje ka ndryshuar, sipërmarrësit kinezë po përpiqen që nëpërmjet përvetësimit të teknologjisë esenciale dhe përgatitjes së markave autonome të shtojnë aftësinë konkurruese të produkteve.

Cilësia e prodhimeve të ndërmarrjeve kineze ka qenë relativisht e ulët, prandaj konsumatorët kinezë kanë zgjedhur në përgjithësi prodhimet e markave të huaja. Por vitet e fundit, me shtimin e potencialit të ekonomisë kineze, ndërmarrjet kineze të disa degëve industriale i kanë kaluar ndërmarrjet shumëkombëshe nga ana teknologjike. Para 5 vjetëve, tregun kinez të letrës kopjative e monopolizuan prodhimet gjermane, japoneze dhe amerikane. Ndërmarrjet kineze që ishin në gjendje të prodhonin letër të tillë, nuk e kishin përvetësuar teknikën e prodhimit të ngjyruesve, kësaj lënde kyç, ndaj aftësia e tyre konkurruese ishte e kufizuar. Në vitin 1997, Shoqëria me përgjegjësi të kufizuar e industrisë kimike "Ruifeng" e provincës Henan prodhoi në mënyrë autonome një ngjyrues të ri dhe fitoi patentën e prodhimit. Kryeinxhinieri i kësaj shoqërie, z. Liu Zonglai tha:

"Ngjyruesi prej rrëshire që kemi prodhuar nuk vuan nga të metat e prodhimeve të vendeve të tjera, si ngjyrimi i ngadalshëm, paqëndrueshmësia ndaj dritës, vjetrimi etj."

Ngjyruesi i Shoqërisë "Ruifeng" me cilësi më të mirë dhe me kosto më të ulët në krahasim me prodhimet e shoqërive shumëkombëshe ka zënë shpejt 90% të tregut kinez, me një vëllim vjetor shitjeje që ka arritur në 100 milionë juanë, duke i sjellë ndërmarrjes efektivitet të madh ekonomik, ndërsa prodhimet e shoqërive shumëkombëshe kanë dalë gradualisht nga tregu kinez.

Në të njëjtën kohë, ndërmarrjet kineze filluan të zbatojnë edhe strategjinë e zhvillimit në vende të tjera. Disa ndërmarrje kanë eksportuar në tregun e huaj produket e tyre të shkencës dhe teknikës së lartë me të drejtën autonome të autorit. Njëri prej këtyre produkteve është pajisja e kontrollit të sigurimit të konteinerëve. Para disa vjetëve, këto pajisje i prodhonin vetëm SHBA-ja dhe Gjermania, ndërsa tani këto pajisje të prodhuara nga Shoqëria aksionare Qinghua Tongfang kanë zënë 57% të tregut botëror dhe eksportohen në 38 vende dhe rajone të botës. Drejtori i përgjithshëm i kësaj shoqërie z. Kang Kejun tha se zotërimi i teknikës esenciale është kyçi i suksesit të një ndërmarjeje:

"Në këtë fushë radhitemi në vendin e parë, sepse kemi prodhuar me sukses sistemin e kontrollit të lëvizshëm të konteinerëve, dhe mund të kontrollohen edhe lëngjet, për të përcaktuar në se janë shpërthyese dhe të përflakshme."

Ndërmarrjet kineze kanë filluar të krijojnë markat e veta. Shoqëria kineze e makinave "Qirui" e formuar në vitin 1997 është një ndërmarrje që prodhon makina të markës së vet. Në gjashtëmujorin e parë të vitit 2005, makinat e markës "Qirui" zunë mbi 30% të sasisë së përgjithshme të eksportit të makinave kineze, ndërsa sasia dhe vëllimi i eksportit u dyfishuan në krahasim me të njëjtën periudhë të vitit 2004. Drejtori i përgjithshëm i Shoqërisë së makinave "Qirui" z. Yin Tongyao u shpreh se vetëm po të ketë prodhime të markës autonome, ndërmarrja siguron fitime të mëdha në tregun global. Ai tha:

"Vetëm prodhimet e markës autonome mund të eksportohen në vende të tjera. Makinat tona janë eksportuar në vende të huaja pikërisht se ato kanë markë autonome."

Suksesi i ndërmarrjeve kineze është i pandarë nga përkrahja e qeverisë. Çdo vit sektorët tekniko-shkencorë qeveritarë japin mbështetje financiare për prodhimet tekniko-shkencore të nivelit të përparuar botëror me perspektivë të gjerë tregu. Edhe sektorët e taksave kanë hartuar politikën përkatëse për pakësimin ose heqjen e taksave për të inkurajuar ndërmarrjet të shtojnë investimet në studimin dhe zhvillimin e prodhimeve të reja. Në të njëjtën kohë, administratat qeveritare vendëse kanë hartuar politika të favorshme për nxitjen e ndërmarrjeve në përgatitjen e markave të veta.

Përpjekja për të drejtën autonome të autorit dhe për markat autonome janë bërë tashmë synim i përbashkët i ndërmarrjeve kineze, si të industriveve tradicionale ashtu edhe të industriveve të reja. Çmimi më i lartë i eksportit të një malli kinez është ngritur në 3 milionë dollarë amerikanë nga 20 mijë që ishte 5 vjet më parë. Gjatë integrimit të ekonomisë globale ka mundësi që prodhimet kineze të ndikojnë thellësisht mbi jetën e popujve të botës. ( Pina )