dëgjoni

Ditët e fundit, në Shou Guang të provincës Shan Dong u zhvillua "Forumi i industrisë së prodhimit dhe rezervimit të frutave të Kinës", ku korrespondenti u takua me zotin Chen Yingjie, menaxher i kompanisë së produkteve bujqësore të Tajvanit "Shi Jixing". Ai tha se është marrë me eksportin e frutave dhe me mbjelljen e produkteve bujqësore në krahinat e brendshme për 16 vjet.

Chen Yingjie ka lindur në Tai Zhong të Tajvanit. Kur ishte i ri ai merrej me biznesin e produkteve bujqësore në Tajvan. Në vitin 1990, me miqtë e tij, ai erdhi në krahinat e brendshme për të bërë biznes. Deri tani kanë kaluar 16 vjet. Megjithëse Chen Yingjie është i zënë me biznesin, çdo vit ai kthehet në Tajvan 5 ose 6 herë për të vizituar prindërit e tij.

Ai i tha korrespondentit se kompania "Shi Jixing" merret kryesisht me eksportin e disa frutave si mollë, rrush, mandarina etj në vendet e Azisë juglindore. Për shkak të kostos së lartë të frutave të Tajvanit, kur i eksportoi frutat në Singapor, atje nuk shiten mirë.

Pastaj Chen Yingjie mendoi se duhej të shfrytëzoheshin teknika e përparuar e mbjelljes e Tajvanit dhe kostoja e ulët e krahut të punës në krahinat e brendshme për të kultivuar fruta, dhe atëherë ato të shiteshin në vendet e Azisë juglindore. Në vitin 1996, ai investoi 1 milion dollarë amerikanë për të krijuar një plantacion dardhësh me një sipërfaqe prej 400 hektarësh. Chen Yingjie u shpreh i gëzuar "Kompania ime është kompania e parë tajvaneze që investoi në industrinë e mbjelljes në provincën Guang Dong. Bashkia vendase më ndihmonte shumë."

Në vitin 2004, Chen Yingjie erdhi në Yun Cheng të provincës Shan Xi, ku investoi 500 mijë dollarë amerikanë për të bashkëpunuar me bashkinë vendase dhe fshatarët vendas, duke mbjellë mandarina në një fushë me sipërfaqe prej 266 hektarësh.

Chen Yingjie tha se kompania e tij ka bërë 3 gjëra në Yun Cheng: së pari, mandarinat e Tajvanit janë përshtatur me klimën dhe mjedisin e provincës Shan Xi; së dyti, kompania "Shi Ji Xing" dhe shoqata e fshatarëve e Yun Cheng-ut ruajnë bashkëpunim dhe shkëmbim teknik të përhershëm; së treti, kompania "Shi Ji Xing" përgjigjet për shitjen e frutave në Azinë jug-lindore dhe në Kanada.

Korrespondenti mësoi se për të pakësuar barrën ekonomike të fshatarëve vendas, kompania "Shi Ji Xing" ka paguar koston e plehut kimik. Në të kaluarën, në pjesën dërrmuese të fushave të Yun Cheng-ut mbillej grurë dhe fshatarët vendasë merrnin 800 yuanë nga mbjellja e frutave në një fushë me sipërfaqe prej 1 hektarësh, ndërsa tani fshatarët vendas marrin 5000 yuanë nga ajo.

Chen Yingjie i tha korrespondentit se tani në krahinat e brendshme ka më shumë se 500 kompani tajvaneze që merren me mbjelljen e dardhëve etj. Dhe më shumë se 1500 nëpunës profesionistë që përgjigjen për drejtimin teknik dhe për shitjen e produkteve bujqësore. Ata kryesisht merren me biznesin në provincat Hai Nan, Fu Jian, Guang Dong, Guang Xi, Shan Dong dhe vitet e fundit kanë filluar të merren me biznesin në provincat Shan Xi, Yun Nan etj.

Chen Yingjie tha me entuziazëm "Në krahinat e brendshme ka një treg të madh që mund të më ofrojë gjërat që dua. Dëshiroj të bëj diçka për fshatarët e krahinave të brendshme. Do të sjell teknikat bujqësore më të mira nga Tajvani, kështu që këta fshatarë do të marrin më shumë fitime nga kjo."

Më pas, Chen Yingjie do të shkojë në zonën malore të kontes Ji në veri të qytetit Tian Jin për të blerë mandarina, të cilat pastaj do të shiten në Kanada. Parashikohet se në vitin 2006 do të shiten mandarina në një sasi prej 150 konteinerësh, me një peshë të përgjithshme prej 3000 tonësh.

Në vitet e ardhshme, Chen Yingjie do të shtojë investimet për të blerë fruta në provincat Guang Xi, Jiang Xi dhe Shan Dong, për t'i shitur pastaj në Azinë juglindore. (U Sen)