dëgjoni

Në Pekin po zhvillohet sesioni vjetor i Asamblesë Kombëtare Popullore të Kinës. Një temë e rëndësishme e këtij sesioni është shqyrtimi dhe miratimi i projektplanit të 11-të pesëvjeçar të zhvillimit të ekonomisë kombëtare dhe të zhvillimit shoqëror. Më 5 mars, gjatë fjalimit të tij mbi "veprimtarinë e qeverisë", kryeministri i Kinës Wen Jiabao vuri në dukje se gjatë 5 vjetëve të ardhshëm, Kina do të punojë për ndryshimin e formës së rritjes ekonomike dhe do t'i japë një vend të rëndësishëm krijimit të shoqërisë së tipit të kursimit të burimeve dhe të tipit të mjedisit të pastër për të synuar zhvillimin e vazhdueshëm të ekonomisë nga kursimi i burimeve dhe nga mbrojtja e mjedisit.

Qysh nga fillimi i reformës dhe i hapjes në vitet 80 të shekullit të kaluar në Kinë, ekonomia ka pasur zhvillim të shpejtë me një ritëm mesatar rritjeje mbi 9%. Por Kina ka paguar shtrenjtë për

këtë rritje, së pari në ndotjen e rëndë të mjedisit, së dyti në shtimin e shpejtë të konsumit të burimeve. Deputeti i Asamblesë Kombëtare Popullore të Kinës dhe profesor i Universitetit të Komunikacionit Xinan, z. Fu Yonglin tha se në qoftë se konsumi i madh i energjisë dhe i burimeve të tjera minierale vazhdon të shtohet, furnizimi me burime do të jetë shumë i vështirë dhe mjedisi do të shkatërrohet.

"Problemet që ndodhen para nesh janë mungesa e burimeve dhe ndotja e mjedisit. Përveç këtyre, toka dhe uji si dhe burimet e tjera strategjike, si nafta, drithërat etj kanë përbërë sfida serioze për zhvillimin tonë të vazhdueshëm në të ardhmen.

Në rrethana të tilla, qeveria kineze ka parashtruar ndryshimin e formës së rritjes ekonomike dhe krijimin e shoqërisë së tipit të kursimit të burimeve dhe të tipit të mjedisit të pastër. Në "raportin mbi veprimtarinë e qeverisë" kryeministri i Kinës Wen Jiabao vuri në dukje se gjatë 5 vjetëve të ardhshëm, konsumi i energjisë për vëllimin e prodhimit të përgjithshëm të Kinës do të ulet rreth 20%, dhe sasia e përgjithshme e shkarkimit të ndotjeve të ndryshme do të pakësohet 10%. Kryeministri Wen Jiabao tha gjithashtu se ky objektiv shpreh dëshirën e njerëzve për krijimin e shoqërisë së tipit të kursimit të burimeve dhe të tipit të mjedisit të pastër, është kërkesë e interesave realë e afatgjatë dhe ka drejtim të qartë të politikës. Megjithëse realizimi i këtij objektivi është shumë i vështirë, ne kemi besim të plotë se do ta arrijmë këtë objektiv.

Ndryshimi i formës së rritjes ekonomike është një rrugë e rëndësishme. Ulja e konsumit të energjisë dhe burimeve duhet të mbështetet te përmirësimi i administrimit dhe forcimi i aftësisë së krijimit autonom, si dhe teknologjia e tipit të ri. Për këtë, deputeti i Asamblesë Kombëtare Popullore dhe profesor i Universitetit Shandong, z. Zhou Hongxing tha: "Ndërmarrjet e krijimit autonom duhet të jenë forca kryesore. Drejtorët e ndërmarrjeve duhet të kenë një plan afatgjatë dhe strategjik. Kjo është më e rëndësishmja. Një ndërmarrje duhet të përdorë një pjesë të të ardhurave nga shitjet për studimin dhe shfrytëzimin e teknologjisë. Sot, shumë ndërmarrje të mëdha me potencial ekonomik kanë marrë parasysh këtë dhe kanë pasur efektivitet të dukshëm.

Plani i 11-të pesëvjeçar ka krijuar një mjedis më të mirë investimesh për ne. Gjatë disa vjetëve të ardhshëm, Kina do të bëhet një bazë shumë e madhe botërore e krijimit. (Sihai)