Kohët e fundit, zonja Peng, që punon në një kompani në Pekin, ka marrë përsipër një detyrë shumë të rëndë dhe është e detyruar të punojë edhe jashtë orarit. Si pasojë, ajo nuk fle rregullisht, prandaj ndien një lodhje të tmerrshme.

"Unë punoj tërë ditën, që nga mëngjesi deri në mbrëmje, pa u çlodhur as në mesditë, madje asnjëherë nuk e ha drekën në kohën e duhur. Gjendja ime shëndetësore mund të quhet gjendje e shëndetit inferior."

Por në fakt zonja Peng, ashtu si shumë njerëz të tjerë, nuk e ka të qartë se çfarë është "shëndeti inferior". Ajo i bëri vetes një "diagnozë të shëndetit inferor", vetëm sepse e ndien veten të lodhur dhe të pafuqishme dhe sepse dikur ka dëgjuar nga mediat diçka për gjendjen e "shëndetit inferior".

Nocionin e "shëndetit inferior" e parashtruan të parët shkencëtarët e ish-Bashkimit Sovjetik rreth 30 vjet më parë. Me gjithëse janë bërë studime të shumta gjatë këtyre vjetëve në arenën ndërkombëtare, ende nuk është përcaktuar ndonjë kriter i saktë për "shëndetin inferior". Ka një përkufizim unanim vetëm në qarqet mjekësore. Drejtori i Qendrës Kineze të ekspertizës mjekësore të gjendjes shëndetësore të kozmonautëve dhe të vlerësimit të shëndetit inferior, Zoti Vu Liuxin tha:

"I ashtuquajturi shëndet inferior është një gjendje midis shëndetit normal dhe sëmundjes, me fjalë të tjera, është gjendja e një njeriu që nuk është as i shëndetshëm, as i sëmurë. Njeriu, që ndodhet në gjendjen e shëndetit inferior, nuk përmbush kërkesat e kritereve të shëndetit të kohës sonë dhe, për një kohë të caktuar, atij i shfaqen të degjeneruara indet e ndryshme, i dobësohen funksionet fizike, i pakësohet forca dinamike, i ulet aftësia ambientuese dhe i humbet ekujlibri psikik, por nga ana tjetër, sipas kritereve të diagnozave klinike të mjekësisë moderne, me gjendjen e tij shëndetësore, ai nuk mund të quhet njeri i sëmurë."

Duke shpjeguar më tej, zoti Vu tha se një njeri, që është në gjendjen e shëndetit inferior, në fillim ndien dhembje koke dhe lodhje të madhe, e ndien veten të dëshpëruar dhe nuk e zë gjumi. Kjo gjendje duhet të vazhdojë 3 deri në 6 muaj, që të quhet gjendje e shëndetit inferior.

Gjendja e shëndetit inferior është e dëmshme, sepse ajo është "shenja paraprake" e shumicës dërmuese të sëmundjeve kronike e jo epidemike. Nga studimet e bëra del se shumica e pacientëve që vuajnë nga tumori femër, nga sëmundjet e enëve të gjakut të zemrës dhe trurit dhe nga sëmundja e sheqerit, vijnë nga radhët e njerëzve që kanë qenë në gjendjen e shëndetit inforior. Është e qartë se shëndeti inferior ndikon negativisht në punën, në jetesën dhe në jetëgjatësinë e popullit, madje mund të shkaktojë vdekjen para kohe.

Siç duket, mjekësia kineze, që ka një histori mijëra vjeçare, parapëlqehet nga njerëzit që janë në gjendjen e shëndetit inferior. Lidhur me këtë, kryetari i Akademisë së Shkencës së Mjekësisë të Kinës, zoti Cao Hongxin tha:

"Terapitë e larmishme natyrore të mjekësisë kineze, si akupunktura, masazhi i muskujve, qigongi e të tjera, janë metoda të efektshme për të ndihmuar njerëzit që janë në gjendjen e shëndetit inferior." (Zheng)