dëgjoni

Në jetën e larmishme dhe të pasur kulturore të Pekinit, Pallati i Arteve figurative luan një rol jashtëzakonisht të rëndësishëm. Në këtë pallat organizohen një numër të madh aktivitetesh të arteve figurative që pasqyrojnë gjendjen e arteve të Kinës dhe të Botës.

Sivjet, Pallati i Arteve Figurative e Kinës do të organizojë ll5 ekspozita me sende të çmuara të Kinës dhe të vendeve të huaja. Tani në këtë pallat po organizohen ekspozita e arteve folkloristike të Kinës, ekspozita e pikturave të vajit dhe një fotoekspozitë. Duke filluar nga marsi i këtij viti, do të organizohen rradhazi "Ekspozita e sendeve të çmuara artistike të Rusisë", "Ekspozita e objekteve prej kristali e Francës" , "Ekspozita e arteve bashkëkohore e Meksikës ", "Ekspozita e arteve arkitekturore bashkëkohore e Austrisë " etj, të cilat do t'u japin vizitorëve një kënaqësi estetike.

Tani në Kinë po ndërtohen njera pas tjetrës muze dhe pallate të reja moderne dhe të shumëllojshme. Kurse pallati i arteve figurative i Kinës ka qenë gjithmonë një qendër për demonstrimin e gjendjes së zhvillimit të arteve të Kinës dhe një dritare e rëndësishme e shkembimeve kulturore midis Kinës dhe botës. Pallati i arteve figurative i Kinës ndodhet në qëndër të qytetit të Pekinit dhe është ngjitur me Pallatin e Dimrit, të njohur në mbarë botën. Duke shkuar në rrugën pranë murit të Pallatit të Dimrit drejt lindjes, mund të shihet ndërtesa e madhe e Pallatit të Arteve Figurative të Kinës me çati të verdhë dhe me stil të lashtë arkitekturor. Kjo është një ndërtesë karakteristike e njohur në Pekin.

Si i vetmi Pallat i Arteve Figurative në rang shtetëror, ai është simbol i nivelit të lartë të ekspozitave. Artistët e artdashësit e quajnë si nder organizimin e ekspozitave me veprat e tyre artistike në këtë pallat. Ky pallat ka pozitë të lartë edhe në qarqet e arteve figurative të Kinës.

Drejtori i Pallatit të Arteve Figurative të Kinës z. Fan Dian tha : " Sipas mendimit tim, në mbarë botën ka vetëm një Kinë, në Kinë është vetëm ky pallat i arteve figurative në rang shteti. Preokupimi i të gjithë artistëve për këtë pallat tregon se qarqet e arteve figurative i kushtojnë një rëndësi të madhe kulturës. "

Nga vitet 80 të shekullit të kaluar deri më sot, në Pallatin e Arteve Figurative të Kinës janë organizuar më se 3000 ekspozita të arteve të ndryshme dhe të veprave të artistëve të njohur kinezë dhe të huaj. Pothuajse të gjitha ekspozitat kombëtare me ndikim të madh janë organizuar në këtë pallat.

Në vitet 80 të shekullit të kaluar, u organizua në këtë pallat " Ekspozita e artit të Rodanit", që ishte si një festë në fushën e arteve dhe gjatë qëndrimit hapur për një muaj të kësaj ekspozite, numri i vizitorëve ka arritur në l00 mijë. Në tetor të vitit 2004, ekspozita e " pikturave të çmuara të shkollës impresioniste franceze" është bërë një fokus i vëmëndjes së vizitorëve kinezë. Gjatë qëndrimit hapur për 38 ditë të kësaj ekspozite, numri i vizitorëve ka kaluar 250 mijë.

Prestigji dhe fama e Pallatit të Arteve Figurative të Kinës janë të pandara nga kolesionimet e tij të pasura. Në këtë pallat janë koleksionuar më se 70 mijë vepra të arteve figurative, ndër to një numër i madh janë piktura të piktorëve me ndikim të shekullit të 20-të, si 410 piktura të piktorit të madh Qi Baishi që konsiderohet si mjeshtër i pikturës kineze, si dhe vepra përfaqësuese të një numër të madh piktorësh të njohur kinezë dhe vepra që kanë fituar çmime të ndryshme në ekspozita të rëndësishme të arteve figurative.

Ndër koleksionet e këtij pallati ka edhe 117 sende artistike ndërkombëtare nga Evropa dhe Amerika si kontribut i koleksionistit gjerman Luveisi dhe bashkëshortja e tij.

Vitin e kaluar, koleksioniti i njohur veteran kinez Liu Xun dhuroi l780 vepra të koleksionuara gjatë gjithë jetës së tij , ndër to ka piktura ruse në vaj, piktura në vaj si imitime të pikturës klasike evropiane, piktura kineze, gravura, figura të prera prej letre, skulptura, sende e punimeve artistike etj. Z.Liu Xun tha :" Pallati i Arteve Figurative i Kinës është i vetmi pallati artesh në rang shteti, dhurimi i të gjitha veprave të koleksioniara prej meje në këtë pallat është një gëzim i madh për mua."

Drejtori i Pallatit të Arteve Figurative të Kinës Fan Dian tha se " Sipas mendimit tim, duke filluar nga viti 2006, numri i ekspozitave të organaizuara në këtë pallat do të pakësohet, por cilësia do të ngrihet më tej. "

Tani ky pallat ka zhvilluar kontakte me muzeun amerikan të arteve Whitney, muzeun Van Gogh të Amsterdamit, muzeun Luvër të Francës, pallatin Versaijes, Qendrën Georges Pompidou, Muzeun e Londrës si dhe me muze të Koresë së Jugut, Sllovakisë, Filandës etj dhe do të krijojë aktivitete shkëmbimi me ta.( Zhai)