Ye Duzheng lindi në qytetin Tiancin të Kinës Lindore në vitin 1915, vit kur u shënua shifra e parë e të dhënave të vrojtimeve klimatike në Kinë. Ndoshta kjo i solli atij fatin që të merret gjithë jetën me studimet meteorologjike. Interesi i tij për këtë shkencë u shtua krahas shtimit të moshës së tij. Pasi u diplomua në Kinë, ai shkoi për studime në Universitetin Çikago të SHBA, ku fitoi titullin e doktorit të meteorologjisë. Ai u kthye në atdhe në vitin 1950 dhe u bë një nga themeluesit e shkencës meteorologjike në Kinën e Re.

Gjatë gjysmë shekulli, Ye Duzheng pati shumë arritje në fushën e eksperimenteve shkencore të dinamikës atmosferike, qarkullimit atmosferik, meteorologjisë dhe të ndryshimeve të mjedisit global. Pasi fitoi çmimin më të lartë të shkencës dhe teknikës, ai tregoi para botës sekretin e suksesit të tij.

"Parimi im i studimeve është: synimi për realitet dhe veprimi me seriozitet. E konsideroj këtë si parimin bazë që duhet të zbatojë një pnonjës i shkencës."

Synimi për realitet dhe veprimi me seriozitet mishërojnë qëndrimin e Ye Duzhengut për punën e tij. Për të grumbulluar të dhënat e dorës së parë, ai shkonte shumë shpesh në zona të vështira të rrafshnaltave dhe të shkretëtirave dhe pastaj studjonte me vëmendje këto të dhëna, si rezultat, ai hapi një fushë të re të hulumtimeve shkencore të meteorologjisë së rrafshnaltave, zbuloi ndikimet e rrafshnaltës Qinghai-Tibet , që quhet "çatia e botës", mbi qarkullimin atmosferik dhe mbi ndryshimin klimatik të Azisë Lindore dhe zbuloi ndikimet e ndryshimit të qarkullimit atmosferik të Azisë Lindore mbi erërat stinore dhe mbi zonat e reshjeve.

Ye Duzheng është një nga pak iniciatorët e shtudimit shkencor të ndryshimeve të klimave në shkallë globale. Duke lidhur ndryshimin klimatik me ndryshimin e sipërfaqes së tokës si pasojë e veprimeve të njerëzimit, ai krijoi teorinë e ndikimit të njeriut mbi klimën. Të gjitha këto kanë dhënë mbështetje të rëndësishme për rritjen e aftësisë së Kinës për ngritjen e nivelit të studimit meteorologjik dhe të sinoptikës.

Për arritjet e tij të shkëlqyeshme, Ye Duzheng u zgjodh akademik i Akademisë së Shkencave të Kinës, akademik me shtetësi të huaj i Akademisë së Filandës, anëtar i nderit i Shoqatës Meteorologjike Mbretërore të Britanisë së Madhe, anëtar i nderit i Shoqatës Meteorologjike Amerikane dhe u vlerësua nga Funksionarët e Organizatës Meteorologjike Botërore si "shkencëtar i respektuar dhe i njohur në botë".

Krahas studimeve shkencore, Ye Duzheng dha kontribut për përgatitjen e kuadrove. Shumë prej studentëve të tij janë bërë forcë kryesore në qarkun e shkencës meteorologjike. Zoti Huang Ronghui, që ka qenë student i Ye Duzhengut dhe që është bërë akademik i Akademisë së Shkencave të Kinës, i dedikon suksesin e tij mësimdhëniës së profesorit të tij.

Zoti Ye Duzheng, që i ka mbushur të 90-tat, gëzon shëndet të mirë. Ai tha se metoda e tij për të ruajtur shëndetin e mirë është kalitja sportive. Ai shkon dhe del nga puna duke ecur me këmbë. Përveç studimeve shkencore, ai lexon romane.

"Kur jam tepër i lodhur, unë lexoj romane, me qëllim që të më çlodhet truri. Kam lexuar mjaft romane të shkrimtarit Jin Yongut për gunfu kineze." (Zheng)