Agjencia kineze e lajmeve Zhongxin njoftoi se më 24 shkurt, filmi kinez "Qyteti Liangzhou" u shfaq në selinë e përgjithshme të OKB-së në Nju Jork. Ky është filmi i parë kinez që shfaqet në selinë e përgjithshme të OKB-së. Pastaj, filmi do të shfaqet edhe në Uashington, Los Anxhelos, Havai dhe San Francisko.

Filmi "Qyteti Liangzhou" trajton bisedimet e Liangzhout që u zhvilluan në vitin 1247 në Liangzhou të Kinës perëndimore. Me ftesën e mbretit të Mongolisë Kuo Duan, drejtuesi i tempullit tibetian Sajia, murgu budist Sajiabanzhidagonggajianzan shkoi në Liangzhou dhe zhvilloi bisedime me Kuo Duan. Si rezultat, Tibeti u pranua në hartën e Kinës.

Ky film jo vetëm trajton një fakt historik, por tregon edhe zakonet popullore të kombësisë tibetiane, kombësisë mongole dhe kombësisë hane, panoramat e bukura të rrafshnaltës, artin e pakicave kombëtare, kulturën budiste etj.

Do të zhvillohet në Xiamen Konkursi i 4-të botëror i koreve

Korrespondentja e Radios së Jashtme të Kinës njoftoi se nga 15 deri më 26 shkurt, do të zhvillohet në qytetin Xiamen të Kinës jug-lindore Konkursi i 4-të botëror i koreve.

Konkursi botëror i koreve organizohet nga Fondacioni i shkëmbimeve kulturore ndërkombëtare i Gjermanisë dhe konsiderohet si konkursi me përmasa më të mëdha dhe me nivelin më të lartë në qarqet ndërkombëtare të korit. Pas vitit 2000, ky konkurs zhvillohet një herë në çdo dy vjet. Në 3 konkurset e kaluara, delegacioni kinez ka arritur rezultate të mira.

Në këtë konkurs do të konkurrohet në 26 seksione. Gjatë konkursit, qyteti Xiamen do të zhvillojë edhe shumë koncerte për t'u shfaqur pjesëmarrësve të vendeve të ndryshme artin muzikor të Kinës.

Parashikohet se në këtë konkurs do të marrin pjesë më se 25 mijë këngëtarë dhe 400 kore të ardhur nga mbi 60 vende e rajone të botës.

Kaifeng do të rindërtojë qytetin e lashtë të dinastisë Song

Agjencia kineze e lajmeve Hsinhua njoftoi se siç bëhet e ditur nga qeveria e qytetit Kaifeng të provincës Henan, në vitin 2006, qyteti Kaifeng do të investojë 380 milionë juanë për rindërtimin e kryeqytetit të lashtë të dinastisë Song.

Qyteti Kaifeng që ndodhet në lindje të provincës Henan, është një nga 7 kryeqytetet e lashta të Kinës dhe ka një histori prej 2700 vjetësh. Në shekullin e 11-të, Kaifeng ishte qendra politike, ekonomike dhe kulturore e dinastisë Song dhe ishte një qytet i madh ndërkombëtar. Piktura e famshme kineze "Qingming" pasqyron pamjen e lulëzuar të Kaifengut në atë kohë.

Sipërfaqja e kryeqytetit të lashtë Kaifeng do të arrijë në 15 kilometra katrorë. (Fani)