Ju flet Radjo e Jashtme e Kinës, të dashur dëgjues, ju përshëndes përsëri në programin tonë muzikor. Li Ming është një këngëtar i njohur i Hong Kongut të Kinës. Qysh nga viti 1986 kur ai hyri në qarqet muzikore, ai ka vënë në qarkullim një seri albumesh. Ditët e fundit, Li Ming vuri në qarkullim albumin e tij të ri, "Një ndodhi", i cili tregon disa ndodhi prekëse dashurish. Në programin e sotëm, do t'ju prezantoj këngët e këtij albumi.

dëgjoni

Kënga që po dëgjoni tani është kënga me titull "Hyrja e lehtë dhe dalja e lehtë", e cila shpreh mendimet e këngëtarit për dashurinë.

dëgjoni

Li Ming ka lindur në vitin 1966 në Pekin dhe ai është shumë i pashëm. Në vitin 1986, Li Ming mori pjesë në konkursin e 5-të të këndimit të Hong Kongut dhe fitoi çmimin e tretë. Pas këtij konkursi, ai hyri në qarqet muzikore. Deri në vitet 90 të shekullit të kaluar, me një sërë albumesh diskografike, që qenë pritur shumë mirë, Li Ming dhe tre këngëtarë të tjerë, Liu Dehua, Zhang Xueyou dhe Guo Fucheng morën së bashku titullin "Katër mbretërit muzikorë të Hong Kongut".
Gjatë më se 20 vjetëve që nga fillimi i hyrjes në qarqet muzikore, Li Ming tashmë shkëlqen, kryesisht nga pamja e mirë e tij, pasi këndimi i tij nuk është në nivelin e interpretimi, në çdo këngë dhe tregon ndjenjat aq mirë sa të rrëmben. Në albumin "Një ndodhi", Li Ming gjithashtu shfrytëzoi karakteristikat e tij në të kënduar dhe pati rezultate të mira. Tani, ju ftojmë të dëgjoni këngën "Lugina e maleve të burrave".

dëgjoni

Albumet e Li Mingut qenë realizuar nga prodhuesi Lei Songde, por këtë herë, për këtë album të ri, Li Ming ftoi muzikantin e njohur tajvanez Li Zongsheng, të realizojë albumin e tij. Li Zongsheng i shfrytëzoi më së miri karakteristikat e Li Mingut, duke krijuar një figurë të re muzikore Li Mingut. Të gjitha këngët e këtij albumi janë këngë lirike me meloditë rrjedhshme. Tani, ju ftojmë të dëgjoni këngën e parë të këtij albumi "Burra të dashuruar".

dëgjoni

Përveç këngëve që sapo dëgjuat, ka edhe një veprimtar në album, "Aroma e verës" që ka fituar një çmim në konkursin e krijimitarisë muzikore të studentëve kinezë, të krijuar nga Hai Lei dhe Li Yijie, një grup i ri.

dëgjoni

Në albumin "Një ndodhi" ka 11 këngë dhe megjithëse këngët kryesore të tij janë lirike, stili e tyre është i ndryshëm, ndërkohë, albumi nuk është ai i llojit tregtar, por muzikë me të vërtetë të pastër.
Në fund të programit të sotëm, ju ftojmë të dëgjoni këngën "Të gjitha të mirat për ju". Me melodi të rrjedhshme dhe tekstin e bukur, kënga tregon brishtësinë e zemrës së njeriut. (Vei)