Para 14 vjetëve, Feng Juni ishte një tregtar i vogël që shiste paisje kompjutri, si mausë, kiborde etj. në tregun e produkteve elektronike. Ndërsa sot ai është bërë drejtor i përgjithshëm i një shoqërie me vëllimin vjetor të shitjes prej 2 miliardë juanësh. Produktet digjitale të markës Aigo të shoqërisë së tij kanë shpartalluar markat e njohura të Koresë së Jugut dhe të Japonisë, që kishin monopolizuar për shumë vjet tregun kinez.

Feng Juni 36 vjeçar me trup të shkurtër ka fytyrë të rrumbullakët dhe zë kumbues. Pas mbarimit të studimeve në Fakultetin e arkitekturës të Universitetit Qinghua në vitin 1992, ai krijoi në "zonën tekniko-shkencore Zhong Guancun të Pekinit", të quajtur "lugina e siliciumit" e Kinës, një shoqëri të vogël, që shiste mausë, kiborde etj. me pak fitime. Duke folur për shkakun e zgjedhjes së këtij profesioni, ai tha:

"Për ne, studentët e diplomuar në vitin 1992, shansi më i mirë i zhvillimit ishte në degët elektronike, sepse zhvillimi i vrullshëm i kompjutrave atëherë na krijoi mundësi për të filluar punë në këtë profesion."

Në vitin 1993, ai krijoi Shoqërinë e shkencës dhe tenologjisë digjitale Huaqi dhe qysh nga fillimi, rritja e vëllimit vjetor të shitjes së kësaj shoqërie e kaloi për disa vjet me radhë 60%-in. Por Feng Juni e kishte të qartë se vetëm me shitjen e produkteve të vogla elektronike si mausë, kiborde etj. Shoqëria Huaqi nuk mund të shtonte aftësinë konkurruese dhe të kishte zhvillim të gjatë.

Në vitin 1999, me zhvillimin e internetit dhe me popullarizimin e kompjutrave, në tregun kinez kërkoheshin shumë produkte digjitale. Pas studimeve serioze, Shoqëria e Feng Junit bëri investime në studimin dhe prodhimin e disqeve U dhe krijoi markën Aigo, produktet e së cilës janë mirëpritur nga dikasterët qeveritarë, institucionet tekniko-shkencore dhe konsumatorët e tjerë. Fill pas kësaj Feng Juni iu përvesh menjëherë punës për studimin dhe prodhimin e disqeve MP3 (media plejer). Ai tha:

"Në vitin 1999, kemi marrë shumë fitime nga prodhimi i disqeve U dhe këto fitime i kemi hedhur në studimin dhe prodhimin e disqeve MP3."

Disqet MP3 të markës Aigo të Shoqërisë Huaqi e thyen monopolin e mbajtur për një kohë të gjatë në tregun kinez nga disqet MP3 të markave të njohura jugkoreane dhe japoneze, dhe në vitin 2004, një vit pas hedhjes në treg, vëllimi i shitjes së tyre zuri vendin e parë në tregun kinez.

Z. Chen Lijun që ka punuar për 3 vjet në Shoqërinë Huaqi dhe që përgjigjet kryesisht për prodhimin dhe përhapjen e disqeve MP3, duke folur për sukseset e arritura me këto produkte në tregun kinez, tha:

"Në krahasim me markat e huaja, disqet MP3 të markës Aigo përputhen më tepër me zakonet e kinezëve për nga struktura, pamja e jashtme dhe manovrimi i tyre."

Z. Chen tha se për të shtuar aftësinë konkurruese të disqeve MP3 në tregun ndërkombëtar, Shoqëria Huaqi ka hapur edhe një faqe elektronike nga ku shkarkohet muzika për MP3. Tani produktet e tyre eksportohen në Angli, Francë, SHBA dhe vende e rajone të tjera të botës.

Në vitin 2005, Shoqëria Huaqi prodhoi disqet e radhës MP4, në të cilat është shtuar funksioni i videofrenkuencës. Me të dalë në treg, këto produkte u mirëpritën ngrohëtësisht si brenda ashtu edhe jashtë vendit.

Z. Pan An punon në një shqoëri të Pekinit dhe gjatë rrugës për të shkuar në punë, ai dëgjon muzikë me MP3 të markës Aigo, muzika e lehtëson shumë. Ai tha se do të blejë edhe një MP4.

"MP4 është një produkt i vogël, i bukur dhe manovrohet lehtë, jo vetëm mund të dëgjoj muzikë pas punës, por edhe mund të shikoj videomuzikën."

Siç mësohet, tani disqet U të markës Aigo kanë zënë 30% të tregut kinez të produkteve të tilla. Sistemi shumë i qartë i inçizimit të markës Aigo u ka rezistuar edhe provave të mjedisit kozmik, duke i shërbyer anijes kozmike me pilotë "Shenzhou 6 ".

Në fund të vitit 2005, Shoqëria Huaqi studioi dhe prodhoi në mënyrë autonome fotoaparatet digjitale me 8 milionë piksel që kanë arritur cilësi të përparuar ndërkombëtare.

Lidhur me zhvillimin në të ardhmen, Feng Juni u shpreh se qëllimi i tij është që produktet digitale të Shoqërisë Huaqi të eksportohen në çdo skaje të botës, në mënyrë që konsumatorët e mbarë botës të njohin produktet e markave kineze, që marka Aigo të bëhet një markë ndërkombëtare për të cilën të krenohet populli kinez. (Pina)