Fshatari 50 vjeçar Ma Huaiyu i qytezës Jialing të provincës Henan mori pjesë në garën e kultivimit të susamit të organizuar nga qyteza dhe mori si dhuratë farëra të susamit dhe plehra kimike. Fshatari Ma tha se në të kaluarën e kishte merak të madh për shitjen e susamit, sepse çmimi ishte i ulët. Ndërsa tani të gjitha punët që nga drejtimi agroteknik e deri në shitjen e susamit, i merr përsipër Shoqëria ushqimore Yisheng.

Fshatari Ma u shpreh se Shoqëria ushqimore Yisheng na ofron falas farëra të mira, administrata qeveritare e qytezës fton specialistë për të drejtuar shërbimet agrotenike, pas korrjes së susamit, fshati nënshkruan me Shoqërinë Yisheng një marrëveshje, sipas së cilës kjo e fundit e blen susamin me çmimin 10% më të lartë se çmimi i tregut. Ai tha se fshatarët falënderojnë nga zemra qeverinë dhe Shoqërinë ushqimore vendase Yisheng.

Gjatë 10 vjetëve, drejtori i Shqoërisë Yisheng, 46 vjeçari Liu Guojun që merrej me kultivimin, me shtjen dhe me përpunimin e thellë të susamit, u shndrrua nga një fshatar i thjeshtë në një investues ndërshtetëror. Para 2 vjetëve, ky fshatar nga qyteti Zhoukou i provincës Henan investoi 2 milionë e 800 mijë juanë për formimin e Shoqërisë tregtare Fenghui në Korenë e Jugut, që merret kryesisht me bisnesin e susamit të verdhë dhe të bardhë dhe me përpunimin e thellë të susamit dhe të produkteve të tjera bujqësore.

Tani Shoqëria ushqimore Yisheng e Liu Guojun-it ka nënshkruar një kontratë afatgjatë të blerjes së susamit me fshatarët, sipas së cilës, kjo shoqëri u ofron falas fshatarëve farëfa të mira të susamit, blen pruduktet sipas çmimit të tregut dhe kualifikon në afatin e caktuar fshatarët nga ana agroteknike. Kjo shoqëri ka ndihmuar mbi 50 mijë familje fshatare në kultivimin e susamit të bardhë dhe i ka ndihmuar ata në realizimin e të ardhurave vjetore prej mbi 100 milionëshe.

Suksesi i Shoqërisë ushqimore Yisheng ka vërtetuar faktin se susami i vogël mund të krijojë një degë të madhe industriale. Zv. Drejtori i Institutit të studimit të pambukut dhe të kulturave bujqësore vajdhënëse, shefi i seksionit të studimit të susamit Zhang Haiyang ka besim të plotë për të ardhmen e zhvillimit të degës industriale të suasmit. Shoqëria ushqimore Yisheng është ndërmarrja e tyre e bashkëpunimit në objektin shtetëror 948 për "importimin dhe shfrytëzimin e teknikës së prodhimit të varieteteve të mira të susamit dhe të përpunimit të tij". Vitin e kaluar, vlera e shtuar e Shoqërisë Yisheng arriti në 80 milionë juanë dhe ajo fitoi 800 mijë dollarë amerikanë nga zgjerimi i eksportit të produkteve të susamit.

Sipas objektit 948, do të aplikohen gjenet e dalluara të importuara në kultivimin e susamit dhe nëpërmjet studimit dhe përmirësimit, do të krijohen dy varietete të reja të susamit që u rezistojnë sëmundjeve dhe që janë të përshtatshme të mbillen në vendin tonë, në mënyrë që përmbajtja e vajit të varietetit të ri vajdhënës të arrijë në mbi 56%, dhe përmbajtja e proteinës të varietetit të ri ushqimor të arrijë në mbi 20%. (Pina)