Në programin e sotëm do t'ju paraqes disa teknologji thelbësore dhe marka të pavarura të Kinës. Për një kohë të gjatë, Kina është konsideruar si një vend i madh industrial. Kudo shiteshin, shumë produkte të prodhuara nga Kina me marka të kompanive shumëkombëshe të huaja. Ndërsa tani kjo gjendje po ndryshon, sepse sipërmarrësit kinezë po përpiqen të nxitin forcën konkurruese të produkteve të tyre me ndihmën e teknologjisë thelbësore dhe markës së pavarur.

Për shkak të dobësisë së fuqisë investuese të ndërmarrjeve kineze, produktet e tyre kishin cilësi të ulët, ndërsa produktet e markave të huaja konsideroheshin si të mira. Kështu që konsumatorët kinezë zgjidhnin produkte të markave të huaja. Para 5 vjetëve, tregu i letrës kopjetive ishte i monopolizuar nga produktet gjermane, japoneze dhe të SHBA-së. Teknologjia e prodhimit të ngjyrosësit merrej nga kompanitë shumëkombëshe, kështu që ndërmarrjet kineze nuk kishin forcë konkurruese të mjaftueshme. Në vitin 1997, kompania kimike "Rui Feng" në Xin Xiang të provincës He Nan kërkoi në mënyrë të pavarur një ngjyrosës të tipit të ri dhe regjistroi patentë për të. Inxhinieri i përgjithshëm i kësaj kompanie, zoti Liu Zonglai, tha:

"Ky ngjyrosës është më i mirë se ata të huaj." Kjo ndërmarrje siguroi fitim të madh nga kjo teknologji. Tani vëllimi i përgjithshëm i shitjes vjetore është afro 100 milionë yuanë.

Sot, disa ndërmarrje kanë filluar të shesin jashtë Kinës produkte me të drejta intelektuale të pavarura. Aparati i vëzhgimit të sigurisë së konteinerit është një prej tyre. Para disa viteve, këto produkte prodhoheshin vetëm në SHBA dhe në Gjermani, ndërsa tani produktet e kompanisë "Tsinghua Tongfang" kanë zënë 57% të tregut ndërkombëtar dhe eksportohen në 38 vende dhe rajone. Kryeekzekutuesi i kësaj kompanie, zoti Kang Kejun, tha se kyçi i suksesit të ndërmarrjes është teknologjia thelbësore e produkteve.

"Për shkak të krijimit me sukses të sistemit të vëzhgimit të konteinerit, ne kemi dalë në krye në këtë fushë." 

Pasi kanë përvetësuar teknologji thelbësore të vetat, ndërmarrjet kineze kanë filluar gjithashtu të krijojnë edhe marka të vetat. Në të kaluarën, shumë ndërmarrje kineze ishin baza të prodhimit të kompanive ndërkombëtare të njohura. Produktet e këtyre ndërmarrjeve shiteshin mirë por duhet të paguanin në vit një sasi të madhe parash për markën. Kështu kompanitë shumëkombëshe kanë marrë pjesën më të madhe të fitimit.

Kompania e makinave "Chery", e krijuar në vitin 1997, ka markë të pavarur. Në gjashtëmujorin e parë të vitit 2005, kjo kompani zuri 30% të eksportit të përgjithshëm të makinave kineze. Kryeekzekutuesi i kompanisë "Chery" zoti Yin Tongyao, tha:

"Vetëm nëse prodhojmë produkte me marka tonat, vetëm atëherë do të sigurojmë më shumë fitime në tregun ndërkombëtar."

Përveç përpjekjeve të vetë atyre, suksesi i ndërmarrjeve kineze ka ardhur edhe nga përkrahja e qeverisë kineze. Çdo vit sektorët shkencorë japin fonde për projektet shkencore të përparuara, ndërsa sektorët e taksave kanë hartuar politika të pakësimit të taksave për të nxitur investimin e ndërmarrjeve në fushën kërkimore. (U Sen)