dëgjoni

Sot në Kinë, industria e kulturës është bërë një nga temat kryesore të diskutimeve të kinezëve.

Në vitin 2005, një i ri kinez tronditi botën. Ai është drejtori i përgjithshëm i kompanisë teknike të internetit "Baidu" Li Hongyen. Aksionet e kompanisë Baidu hynë në tregun "Nasdaq" të SHBA-së dhe brenda një dite, vlera e këtyre aksioni u rrit më shumë se 5 herë dhe po brenda një dite, në kompaninë "Baidu" lindën më se një qind milionerë. Bëmat e Li Honyenit po nxisin shumë të rinj dhe kompani kineze të hyjnë në industrinë e re të kulturës. Edhe qeveria kineze e ka kuptuar se industria e kulturës me industrinë e informacionit, zbavitje dixhitale dhe publikimet audiovizuale si elemente kryesore ka potencial të madh ekonomik dhe ka nxjerrë po vitin e kaluar një sërë direktivash politike. Kështu një nga masat konkrete është inkurajimi i kapitaleve private për investime në këto fusha.

Në " Forumin e tretë të industrisë së kulturës kineze" që u organizua kohët e fundit, përfaqësuesit e qarqeve shkencore dhe qarqeve të biznesmenëve zhvilluan shkëmbime mendimesh dhe diskutime rreth perspektivës së zhvillimit të industrisë së kulturës. Organizatori i këtij forumi dhe drejtori i bazës shtetërore të kërkimeve dhe të zhvillimit të industrisë së kulturës profesori Ye Lang shprehu mendimin se në zhvillimin e industrisë së kulturës ekzistojnë ende shumë probleme.

Ai tha: "Industria e kulturës për vendin tonë ende është diçka e re. Pas vitit 2002, kjo industri ka marrë një zhvillim të madh, por ekzistojnë ende disa probleme për t'u zgjidhur."

Në vitin 2002, qeveria kineze parashtroi qartë zhvillimin e industrisë së kulturës. Më parë, fusha kulturore ka qenë gjithmonë një fushë monopoli shtetëror. Në dhjetor të vitit 2002, Kina u bë zyrtarisht vend anëtar i Organizatës Botërore të Tregtisë. Krahas realizimit të premtimeve të Kinës për hyrjen në Organizatën Botërore të Tregtisë, fusha e kulturës e Kinës po hapet dita ditës dhe po hyjnë në masë ndërmarrje të huaja kulturore. Pra zhvillimi i industrisë së kulturës është një rrugë e domosdoshme që duhet ndjekur nga Kina. Tani shumica e provincave dhe rajoneve autonome të Kinës e kanë përcaktuar industrinë e kulturës si një industri kryesore për zhvillim.

Dan Zen është zv-sekretari i Komitetit të PK të Kinës të provincës Yunan që përgjigjet për planifikimin dhe zhvillimin e industrisë së kulturës të kësaj province. Provinca Yunan ndodhet në Kinën jugperëndimore dhe ka kulturë të pasur të pakicave kombëtare. Qyteti i lashtë Lijiang si trashëgimi botërore ka tërhequr mijëra vizitorë. Ansambli i valleve primitive "Mbresa e Yunanit" të përpunuara dhe të drejtuara nga valltarja e njohur kineze Yang Liping po bën një turne nëpër vende të ndryshme të botës. Dan Zeng tha se Kina ka kulturë të pasur kombëtare dhe folklorike dhe zhvillimi i kulturës rajonale është një rrugë e zhvillimit të vazhdueshëm. Ai është i mndimit se perspektiva e zhvillimit të industrisë së kulturës është e ndritur.

Kjo perspektivë e ndritur ka tërhequr gjithnjë e më shumë kapitale private. Veçanërisht në zhvillimin e industrisë së tanishme të kulturës, ndërmarrjet që merren me zbavitjet dixhitale janë kryesisht ndërmarrje private.

Kompania e filmave vizatimore "Shanmao" është një ndërmarrje private për prodhimin e filmave vizatimore. Drejtori ekzekutiv i kësaj kompanie Wu Hui tha se pas disa vjetësh zhvillimi, industria e kulturës ka hedhur një bazë.

Por lidhur me prodhimin e programeve televizive, ne jemi ende larg SHBA-së. Në krahasim me Japoninë dhe Korenë e Jugut, ne i kemi kaluar ato në nivelin e prodhimit, por anë të tjera, ende nuk e kemi kaluar.

Tani në zhvillimin e industrisë së kulturës mungon edhe përkrahja financiare. Qeveria kineze e ka kuptuar se ky është një problem i ngutshëm dhe ka organizuar mbledhje të posacme për të diskutuar reformën e sistemit kulturor.

Pra, pas reformës, industria e kulturës e Kinës do të marrë një zhvillim më të shpejtë.( Zhai)