Këngëtari Wang Hongwei është si një yll i ri dhe tërheqës në qarqet muzikore të Kinës. Diapazoni i tij është shumë i gjerë dhe zëri është i lartë. E kënduara e tij është mallëngjyese dhe përkatëse. Kohët e fundit Wang Hongwei nxori albumin e tij të stilit muzikor të kombësisë singjian-ujgure, atë me titull "Në perëndim" në të cilin ai përdor elemente të muzikës bashkëkohore në interpretimin e këngëve popullore të kombësisë singjian-ujgure. Tani le të dëgjojmë një këngë të krijuar nga ai, atë me titull: "Talimu". Kjo është një këngë e përhapur gjerësisht në pjesën veri-perëndimore të Kinës, sidomos në rajonin autonom të Singjian-Ujgurit, me gjithatë ajo është ende një vepër e papublikuar, Wang Hongwei e zgjodhi këtë këngë të bukur për ta përfshirë albumin e tij. Kënga është e hidhur dhe me melodi të ulët, në të shprehet malli i banorëve për vendlindjen e tyre. Le ta dëgjojmë tani

Wang Hongwei ka lindur në rajonin e Singjian-Ujgurit. Që në fëmijëri atij i pëlqente shumë muzika. Në moshën 15 vjeçare, ai u bë një ushtar artist me zërin e tij të bukur që e ka qe nga fëmijëria. Në vitin 1991 ai hyri me provim në konservatorin muzikor të ushtrisë çlirimtare. Pas diplomimit ai vazhdoi të shërbejë si ushtar argëtues i thjeshtë. Në vitin 2000 Wang Hongwei fitoi çmimin e artë të këngës popullore në konkursin e këngëtarëve të rinj të zhvilluar nga Televizioni qendror i Kinës. Që nga ajo kohë, emri Wang Hongwei u bë i njohur në tërë Kinën, dhe nisi të pëlqehej shumë nga dëgjuesit. Pastaj Wang Hongwei erdhi në Pekin nga veri-perëndimi, dhe u bë një këngëtar solo i Ansamblit të këngëve dhe të valleve të Drejtorisë së Përgjithshme Politike të ushtrisë ajrore të Kinës.

Me gjithëse u largua nga vendlindja e tij Singjiani i bukur, Wang Hongwei shpreson gjithmonë të përhapë këngët popullore të Singjian-Ujgurit në të gjitha krahinat e Kinës. Në gushtin e këtij viti ai bashkëpunoi me firmën e audio-filmit "Tai Ping Jang" dhe nxori albumin e tij të posaçëm të këngëve popullore të Singjian-Ujgurit, me titull "Në perëndim". Në këtë album përfshihen 12 këngë popullore të përpunuara të Singjian-Ujgurit të kënduara nga Wang Hongwei, të cilat janë të stileve të ndryshme. Tani le të dëgjojmë këngën me titull " Trëndafili i kuq", e cila është një këngë popullore dashurie e Singjian-Ujgurit.

Ju flet Radio e Jashtme të Kinës. Të dashur dëgjues, në programin e sotëm dëgjuam disa këngë popullore të Singjian-Ujgurit të Kinës të kënduara nga këngëtari Wang Hongwei. Mirudëgjofshim herën tjetër!