Sektori i shërbimeve tani është një forcë kryesore nxitëse për zhvillimin ekonomik të vendit. Në disa vende të zhvilluara vlera e shtuar e sektorit të shërbimeve përbën mbi 60% të GDP-së. Vitet e fundit, sektori i shërbimeve, si ai ushqimor, i shitjes me pakicë, turizmit, financave, furnizimit me mallra etj. ka patur zhvillim të shpejtë edhe në Kinë.

Kohët e fundit, zj. Li Hui që punon në qytetin Shenzhen në jug të Kinës është shumë e gëzuar, sepse ajo ka zbuluar se mund ta porositë ushqimin nëpërmjet internetit dhe ta shijojë ate në shtëpi:

"Në ditët e pushimit nuk dua të gatuaj vetë e as të ha jashtë shtëpisë. Kam dëgjuar se mund të porositen gjellë nëpërmjet internetit. Në fillim shkruan direkt emrat e gjellëve, pstaj të dalin menjëherë restorantet përkatëse, është shumë e lehtë."

Zj. Li tha se porositja e gjellëve me telefon në të kaluarën nuk ishte kaq e mirë dhe e lehtë sa në internet. Këtu mund të gjesh adresën e restorantit, listën e gjellëve, çmimet, konsumin mesatar për frymë, ulje çmimesh etj., kështu mund të sigurioni një njohje të përgjithshme dhe të bëni krahasim.

Sot në Kinë ka edhe shumë lloje të tjera shërbimesh që krijojnë lehtësira të mëdha për jetën e njerëzve. Kështu p.sh. porositja e biletave të aeroplanit dhe të trenit me telefon dhe në internet. Biletat do të sillen në vendin e caktuar sipas adresës që jepet. Ka edhe institucione të posaçme që kryejnë shërbime të hollësishme për blerjen e mallrave, për të ftuar mësues shtëpijakë dhe pastruese etj.

Shtimi i kërkesave të njerëzve për shërbimet e ndryshme shoqërore me shtimin e të ardhurave të kinezëve ka nxitur zhvillimin e sektorit të shërbimeve në Kinë.

Zhvillimi i sektorit të shërbimeve jo vetëm ka krijuar lehtësira për jetën e kinezëve, por ka nxitur edhe zhvillimin e prodhimit dhe biznesit të ndërmarrjeve. P.sh. shërbimet e reja që kanë dalë në Kinë si biznesi në zinxhir, furnizimi i planifikuar me mallra, biznesi elektronik etj. kanë luajtur rol të madh aktiv në uljen e kostos së ndërmarrjeve të prodhimit, në ngritjen e efektivitetit të biznesit, në përmirësimin e cilësisë së shërbimeve të ndërmarrjeve financiare etj.

Grupi "Mjellma e vogël", një ndërmarrje e aparateve elektriko- shtëpiake që prodhon kryesisht makina larëse, shet në vit 4 milionë makina larëse. Dikur produktet e saj transportoheshin me automjetet e ndërmarrjes së vet, kostoja e transportit ishte shume e lartë.

Në vitin 2001, ky grup bashkë me një ndërmarrje tjetër të aparateve elektriko-shtëpiake formuan një shoqëri profesionale të furnizimit me mallra, e cila jo vetëm harton planin e transportit dhe transporton produktet e grupit "Mjellma e vogël", por edhe përcakton sasinë dhe kohën më të mirë të magazinimit të produkteve. Kështu është pakësuar kostoja e transportit dhe është ngritur efektiviteti ekonomik.

Sipas të dhënave statistikore, deri në shtator të vitit të kaluar, vlera e shtuar e sektorit të furnizimit me mallra i kaloi të 680 miliardë juanët, duke u shtuar 4% në krahasim me të njëjtën periudhë të vitit 2004.

Pak kohë më parë, në bazë të regjistrimit ekonomik kombëtar, Drejtoria Shtetërore e Statistikave e Kinës e rishikoi shifrën e GDP-së të vitit 2004. Statistikat e reja tregojnë se GDP-ja e vitit 2004 arriti në 16 trilionë juanë, duke u shtuar 23 milionë juanë në krahasim me shifrën e mëparshme. 90% e vlerës së shtuar janë nga sektori i shërbimeve. Tani vlera e shtuar e sektorit të shërbimeve zë 41% të GDP-së nga 32% që ishte më parë.

Drejtori i Drejtorisë Shtetërore të Statistikave të Kinës z. Li Deshui shprehu mendimin se shtimi i peshës specifike të sektorit të shërbimeve tregon nga njëra anë se struktura e rritjes ekonomike të Kinës është bërë më arsyeshme dhe më e shëndetshme.

"Pak kohë më parë në botë qe përhapur thënia se rritja e ekonomisë kineze mbështetet kryesisht tek industria dhe eksporti i fuqishëm. Kjo nuk duhet të gjykohet në mënyrë të thjeshtë. Nga rezultati i regjistrimit ekonomik del se sektori i shërbimeve ka merita të pamohueshme për nxitjen e rritjes së ekonomisë kineze."

Sigurisht gjatë zhvillimit të shpejtë të sektorit të shërbimeve në Kinë, kanë dalë edhe shumë probleme që duken kryesisht në cilësinë e shërbimeve, në nivelin e ulët cilësor të punëtorëve në këtë sektor etj., sidomos në fushat e shërbimeve që kanë lidhje të ngushtë me jetën e banorëve.

Lidhur me problemet që ekzistojnë në zhvillimin e sektorit të shërbimeve, personalitetet përkatëse vunë në dukje se për ngritjen e nivelit të shërbimeve të Kinës, ndërmarrjet duhet të jenë kërkuar më të rreptë ndaj vetes dhe qeveria duhet të hartojë ligjin dhe rregulloren përkatëse për të standartizuar veprimet e tregut. Sektori i shërbimeve ka pasur zhvillim të madh në Kinë, por në krahasim me shumë vende të zhvilluara, pesha e tij specifike në ekonominë kineze është ende e ulët. Prandaj, në Kinë duhet të shpejtohet reforma e sistemit të sektorit të shërbimeve dhe e fushave përkatëse dhe duhet të inkurajohet konkurrenca e tregut. Krahas zhvillimit të sektorit tradicional ushqimor, të shitjes me pakicë, turizmit etj., duhet të shpejtohet edhe zhvillimi i sektorit modern të shërbimeve, si i sektorit financiar, të informacioneve, të furnizimit me mallra etj. (Pina)