Në vitin 1979, pas humbjes së provimeve për pranimin në shkollën e lartë, Fu Zhaoe u kthye në fshatin e vet. Qysh atëherë, ajo e konsideron artin e prerjes së letrës si pjesë të rëndësishme të jetës së saj. Çdo mbrëmje ajo priste me gërsherë në letër pa pushim nën rrezet e llambës elektrike. Pas dy vjetëve, ajo hapi një restorant të stilit fshatar, të cilin ajo e stolisi plot e për plot me veprat e saj të letrës së prerë. Kështu që njerëzit jo vetëm hanë në restorant, por admirojnë edhe figurat e bukura të dala letra e prerë. Në vitin 1983, kur pa rastësisht në gazetë një vepër të letrës së prerë, ajo krijoi me njëherë një vepër të tillë me titull "Fllad pranveror në restorant" dhe e dërgoi në redaksinë e një gazete të provincës Ningxia. Pas pak kohësh, vepra e Fu Zhaoe-s u botua në gazetë dhe kjo e frymëzoi pa masë atë. Qysh atëherë ajo krijoi shumë vepra të tilla në letër si "Kombi kinez qëndron gjigand në botë" etj. që u botuan të gjitha në gazetë.

Arti i prerjes në letër i Fu Zhaoe-s ka tërhequr vëmendjen e gjithnjë e më shumë njerëzve. Viti 1983 ishte viti i korrjeve të bollshme për të, 2 vepra të saj të prerjes në letër fituan përkatësisht çmimin e 2-të dhe të 3-të në ekspozitën e parë kombëtare të pikturave dhe të letrës së prerë të fshatarëve.

Veprat e prerjes në letër të Fu Zhaoe-s janë pjekur për ditë e më shumë, kështu që në vitin 1993, ajo shkoi në Japoni për shkëmbime kulturore si anëtare e një delegacioni të artit popullor të provincës Ningxia. Në vitin 1997, Shoqata e prerjes në letër e provincës Ningxia organizoi posaçërisht në kryeqendrën e provincës Yinchuan "Ekspozitën e veprave të prerjes në letër të Fu Zhaoe-s" dhe kështu njerëzit që u pëlqejnë prerjet në letër e kanë njohur këtë grua fshatare malësore.

Pas pak kohësh, Fu Zhaoe krijoi veprat e prera në letër për filmin artistik "Jeta e një gruaje", të realizuar në qytetin Yinchuan, më vonë ajo ka krijuar vepra të tilla edhe për filmin artistik "Brenga e një të dashuruari në lumin e Verdhë", për telenovelat "Lufta legjendare në shkretëtirë", " Jeta e Tenglit" etj.

Në fund të shekullit të kaluar, e gjithë familja e Fu Zhaoe-s u shpërngul nga fshati në qytetin Yinchuan dhe për këtë ajo do të përballonte me gërsherë të gjitha shpenzimet e familjes, duke përfshirë edhe shkollimin e 4 fëmijëve. Por gjëja që e gëzon shumë Fu Zhaoe-në është se të gjitha veprat e saj të letrës së prerë me karakteristika të theksuara vendoree janë mirëpritur shumë nga turistët.

Në provincën Ningxia Fu Zhaoe është e vetmja artiste popullore që e ka blerë shtëpinë dhe makinën me të ardhurat e fituara nga arti i letrës së prerë. Të gjithë gëzimet, lumturinë, zemërimet dhe hidhërimet ajo i ka pasqyruar në veprat e prerjes së letrës së kuqe.

Që nga viti 2000, ajo filloi të presë figurat e 4 veprave të njohura klasike kineze: "Ëndërr në tendën e kuqe", "Pelegrinazh për në perëndim", "Buzë liqenit" dhe "Histori të romanizuara të 3 mbretërive". Ajo i ka lexuar më se një herë këto vepra, 108 heronjtë e romanit "Buzë liqenit" të prerë prej saj në letër janë të bukur, me karkteristika të ndryshme dhe duken si të gjallë, ndërsa 112 figurat e romanit "Pelegrinazh për në perëndim" u kanë krijuar njerëzve një dritare për t'u lidhur me këtë roman. Për të çuar përpara artin e prerjes në letër, Fu Zhaoe ka shkruar edhe librin me titull: "Si të mësojmë artin e prerjes së letrës". (Pina)