dëgjoni

Dimri i çdo viti është stina e papunësisë në fshat. Gjatë kësaj stine në të kaluarën, fshatarët kinezë shpesh herë qëndronin në shtëpi dhe luanin me letra. Wang Shaogang, një fshatar i fshatit Chen Xinzhuang të distriktit Tong Zhou të Pekinit i tha korrespondentit se sivjet në dimër nuk qëndroi në shtëpi, por punoi në oborrin e shtëpisë së tij.

Ai tha me kënaqësi "Këtu kam mbjellë 1000 kërpudha. Deri tani nuk e kam mbaruar mbledhjen e kontigjentit të dytë të kërpudhave, ndërsa e kam nxjerrë koston e prodhimit me një sasi prej 1700 yuanë."

Korrespondenti njoftoi se vitet e fundit, fshtarët e distriktit Tong Zhou po zhvillojnë ekonominë e oborrit shtëpiak. Me ndihmën e komitetit të partisë komuniste të Kinës, gjatë stinës së papunësisë, fshatarët mbjellin kërpudha në oborret e tyre. Parashikohet se këta fshatarë do të fitojnë më shumë se 1 milionë yuanë.

Edhe në fshatin Da Ying, ekonomia e oborrit shtëpiak u ka sjellë fshatarëve fitime të vazhdueshme. Vitet e fundit, ndërmarrjet e këtij fshati kanë marrë fitime të mëdha ekonomike dhe me ndihmën e këtyre ndërmarrjeve fitim prurëse, fshatarët do të banojnë në vila dykatëshe. Tani ky fshat është i njohur dhe quhet "Një familje, një vilë, një oborr shtëpiak".

Sekretari i partisë komuniste të Kinës për këtë fshat Zhan Baoguang i tha korrespondentit se nuk jemi shumë të kënaqur për gjendjen e tanishme. Kemi dëshirë që këta fshatarë të zhvillojnë industrinë e shërbimeve dhe po i inkurajojmë ata të zhvillojnë turizmin folklorik.

Në shtëpinë e fshatares Guo Chongqin, një fotografi mbi bufe është shumë e dukshme. Guo Chongqin, 54 vjeçare foli me krenari "Kjo fotografi u bë vitin e kaluar kur i shërbyem një delegacioni turistik nga Britania." Sipërfaqja e vilës dykatëshe të saj është 214 metra katërore. Këtu dhomat e pritjes dhe kuzhinat janë të pastra dhe ka pajisje shtëpiake elektrike të ndryshme.

Guo Chongqini i tha korrespondentit se në vitin 2001 ajo filloi të zhvillonte turizmin folklorik dhe e ka harruar sasinë e turistëve nga brenda e jashtë Kinës që kanë bërë vizita këtu. Ajo tha "Në vitin 2000 kur unë fillova të banoj këtu mora borxhe për të zbukuruar shtëpinë time, ndërsa tani i kam larë këto borxhe."

Nga viti 2001 e deri tani, gradualisht 64 familje nga 100 familje të fshatit Da Ying janë miratuar nga sektorët përkatës të Pekinit për të zhvilluar turizmin folklorik. Tani kostoja e përditshme për çdo turist është 70 yuanë. Zhan Baoguang tha se shumë turistë janë të interesuar jo vetëm për ushqime të mira, por edhe për mjedisin e gjelbër në fshat.

Për të përmirësuar turizmin folklorik, fshatarët i zbukurojnë oborret e shtëpieve të tyre. Disa mbjellin zarzavate dhe rritin pula, disa kultivojnë peshq dhe të tjerë lule.

Gjatë Festës së Pranverës së këtij viti Guo Chongqin nuk i ka shërbyer asnjë turisti, megjithatë ajo dhe burri i saj ishin shumë të zënë. Djali i Guo Chongqinit do të martohet, prandaj ajo është e zënë me gjetjen e mobieleve të reja. Guo Chongqini foli duke vënë buzën në gaz "Pas martesës së tim biri në verën e këtij viti, do të filloj të pres përsëri turistë. Atëherë do të nxjerr gjithnjë e më shumë para." (U Sen)