dëgjoni

Më 16 shkurt u mbyll në qytetin Harbin të Kinës veri-lindore takimi midis sektorëve të turizmit të dy brigjeve të ngushticës së Tajvanit. Në këtë takim, pjesëmarrësit u bënë thirrje autoriteteve të Tajvanit të lejojnë sa më parë hapjen e turizmit të banorëve të pjesës kontinentale në Tajvan. Ata janë të mendimit se hapja e turizmit për banorët e pjesës kontinentale në Tajvan do të ushtrojë ndikim pozitiv në forcimin e bisedimeve midis banorëve të dy brigjeve, në zhvillimin e marrëdhënieve midis dy brigjeve dhe në nxitjen e zhvillimit të ekonomisë së Tajvanit.

Hapja e turizmit në Tajvan ka qenë gjithmonë një dëshirë e shumë banorëve të pjesës kontinentale. Zonja Yang Min që banon në qytetin Wuhan të provincës Hubei të Kinës qendrore, është njëra prej tyre.

Zonja Yang i tha gazetarit se ajo dëshiron të shkojë në Tajvan për të vizituar pezazhet e njohura, si liqenin Riyuetan dhe malin Alishan dhe për të provuar frutat e Tajvanit. Ajo mori vesh se kultura tradicionale kineze në Tajvan është mbrojtur mirë.

Tajvani ndodhet në pjesën jug-lindore të Kinës. Pezazhet natyrore të atjeshme janë shumë të bukura dhe pikat turistike janë të veçanta. Përveç këtyre, kultura dhe zakonet e dy brigjeve janë pothuaj të njëjta. Shumë banorë të pjesës kontinentale kanë po atë dëshirë si zonja Yang. Deri tani, autoritetet e Tajvanit nuk kanë hapur portat e turizmit për banorët e pjesës kontinentale në Tajvan dhe ata mund të shkojnë në Tajvan për vizitë vetëm nëpërmjet inspektimit tregtar.

Në fund të viteve 80 të shekullit të kaluar, pjesa kontinentale kineze i lejoi banorët tajvanezë të vijnë në pjesën kontinentale të Kinës për të vizituar të afërmit dhe për turizëm. Qysh atëhere, numri i banorëve tajvanezë për turizëm në pjesën kontinentale ka arritur në mbi 38 milionë. Në majin e vitit të kaluar, pjesa kontinentale kineze shpalli hapjen e turizmit për banorët e saj në Tajvan, duke fitur përshëndetjet e përgjithshme të qarqeve turistike të dy brigjeve të ngushticës. Ata shpresojnë se autoritetet e Tajvanit do të reagojnë pozitivisht dhe do të shfuqizojnë sa më parë kufizimet turistike të banorëve të pjesës kontinentale në Tajvan. Duke iu përgjigjur pyetjeve të gazetarëve, drejtori i përgjithshëm i Agjencisë Turistike Ndërkombëtare Kombëtare të provincës Jiangsu, z. Li Dong tha se "njerëzit e pjesës kontinentale dëshirojnë të shkojnë në Tajvan për turizëm. Deri tani, Tajvani nuk e lejon turizmin e banorëve të pjesës kontinentale. Kjo është një gjë për të cilën na vjen shumë keq. Tani unë kam një shpresë që pala tajvaneze do të shfuqizojë sa më parë kufizimin e turizmit.

Përsa i përket Tajvanit, pjesa kontinentale është vendi më i rëndësishëm turistik. Ne shpresojmë se banorët e pjesës kontinentale do të realizojnë sa më parë dëshirën e turizmit në Tajvan. Sekretari i përgjithshëm i Agjencësë së Turizmit të qytetit Tajpei tha se gjatë vitit 2005, numri i turistëve të pjesës kontinentale për turizëm jashtë vendit i kaloi të 31 milionë vetat. Tajvani dhe pjesa kontinentale ndahet vetëm prej një ngushtice. Unë dëshiroj të prit sa më parë banorët e pjesës kontinentale në Tajvan. (Sihai)