dëgjoni   Në fund të janarit u zhvillua në Guangzhou, qytetin jugor i Kinës Turneu i Futbollit për Femra i 4 Vendeve, veprimtari tradicionale ndërkombëtare e futbollit për femra. Ekipi amerikan u shpall kampion me 2 fitore dhe 1 barazim. Ekipi kinez, si organizator, u radhit në vendin e dytë me 1 fitore, 1 barazim dhe 1 humbje. Ekipi francez dhe ai norvegjez zunë përkatësisht vendin e 3-të dhe të 4-t. Kjo veprimtari ishte e para ku mori pjesë ekipi i ri shtetëror kinez i futbollit për femra.

22 janari ishte dita me temperaturën më të ulët në këtë dimër në Guangzhou. Megjithatë, mijëra tifozë hynë në Stadiumin Olimpik në periferi të qyetit, për të parë ndeshjen finale midis ekipit kinez dhe atij amerikan të futbollit për femra, që kanë qenë rivalë. Nëse në këtë ndeshje, po ekipi kinez do të barazonte me ekipin amerikan, ai do të shpallej kampion me numër relativisht më të madh golash. Por rezultati fundit nuk realizua sipas dëshirës së tifozëve kinezë, pasi ekipi amerikan, me potencial kompleks më të fuqishëm se ai i ekipit kinez, mundi ekipin kinez me dy gola të kapitenes së ekipit Kristine Rilli.

Pas ndeshjes, trajneri i përgjithshëm i ekipit kinez, Ma Liangxing pohoi disnivelin midis dy ekipeve, por ai shprehu kënaqësi për paraqitjen e vajzave kineze.

"Duhet të them se ndeshja e sotme pasqyroi me të vërtetë disnivelin midis ekipeve kineze dhe amerikane. Ndeshjet e futbollit janë gjithmonë konkurrime komplekse, si të anës shpirtërore, të përvojës, të aftësisë së rezistencës së trupit, të teknikës dhe të taktikave. Sigurisht, kënaqem për këtë ndeshje, sepse shumë anëtare të reja mund të nxjerrin mësim dhe përvojë nëpërmjet ndeshjeve të tilla dhe kjo është më e rëndësishmja."

Pas shpalljes kampion, trajneri i përgjithshëm i ekipit amerikan Greg Rian ishte shumë i gëzuar por ai pohoi gjithashtu edhe paraqitjen e mirë të ekipit kinez në këtë ndeshje. Rian tha:

"Sipas pikëpamjes sime, trajneri Ma e orientoi drejt ekipin kinez. Ky ekip u shfaq mirë në sulm, mbrojtje dhe në e goditjet e dënimit. Në krahasim me të kaluarën, vajzat kineze kanë bërë përparime të mëdha."

Fjalët e Rianit ishin me vend. Përparimet e ekipit kinez të futbollit për femra janë të njohura nga të gjithë. Pas vitit 1999, kur ekipi kinez zuri vendin e dytë në Kupën e Botës, ky ekip nisi të binte nga kulmi. Në Lojërat Olimpike të Athinës në vitin 2004, ekipi pësoi humbje më të rëndë. Pas tërheqjes së një kontingjenti të madh të veteraneve të shquara, dy vjetët e fundit në ekipin kombëtar të Kinës mungonin shumë sportiste të mira.

Fatmirësisht, në ekipet kineze për moshat nën 19 vjeç dhe nën 16 vjeç, u shfaqën shumë futbolliste me talent. Pasi u emërua si trajner kryesor i ekipit shtetëror kinez të futbollit për femra në dhjetor të vitit të kaluar, Ma Liangxing i mori këto të reja në ekipin e tij. Krahas këtyre, ylli kinez i futbollit për femra, 33 vjeçarja veterane Su Wen u kthye në ekipin kombëtar kinez, pas tërheqjes për 3 vjet me radhë. Megjithëse gjendja trupore saj nuk u përmirësua plotësisht, kthimi i saj ishte një ndihmë e madhe për frymëzimin e ekipit dhe shtimin e përvojës së vajzave të reja.

Nëpërmjet këtij turneu të 4 vendeve, mund të shihen disa ndryshime pozitive të ekipit kinez, në strukturën e moshës së anëtareve të tij, në vetëbesimin e ekipit, në teknikë dhe në bashkërendim. Trajneri i përgjithshëm i ekipit të Norvegjisë, Bjarne Berntsen ishte i mendimit se ekipi kinez po ecën në rrugën e rikthimit drejt ekipeve më të mira të botës. Ai tha: "Ekipi kinez më ka lënë përshtypje të thella. Tek ai spikatën teknika dhe lëvizjet e menduara jlojtaret bënë shumë përpjekje në fushë. Kina ka edhe numrin 9, Han Duan, një sulmuese e rangut botëror. Kjo dhe numri 13 i ekipit amerikan, Rilli ishin yjet më të shquara në këtë turne."

Sigurisht, ekipi i ri kinez i futbollit për femra ka ende hapësirë të madhe për përmirësim, si në përcaktimin e mëtejshëm të taktikës, kërkimin dhe përcaktimin e lojtares kryesore, forcimin e aftësisë së përgjithshme mbrojtëse etj. Trajneri i përgjithshëm Ma Liangxing tha se përparimet thelbësore të një ekipi nuk mund të arrihen brenda një kohe të shkurtër. Për pjekurinë duhet kohë. Turneu i 4 vendeve është një pikënisje e mirë për ekipin kinez në vitin 2006. (Wang Lei)