Pu Cunxinit i pëlqen më shumë drama: "Çajtorja", e vënë në skenë në vitin 1999. Kjo dramë është vepra përfaqesuese e shkrimtarit të famshëm kinez Laoshë. Në këtë dramë Pu Cunxin ka luajtur rolin e plakut Çan Sije me temperament të drejtë. Ai tha se gjatë përgatitjes së dramës: "Çajtorja" ai shkëmbente pothuajse çdo ditë mendimet shpirtërore me të ndjerin zot Laoshë.

Ai tha: "Duhet të themi se 'Çajtorja' është vepra kulminante e dramaturgjisë kineze. Me pathosin më të madh unë dhe kolegët e mi ishim shkrirë në këtë dramë. Roli i plakut Çan Sije për mua ishte një rast i mirë i interpretimit, që duhet të mbaja një qëndrim fetar në këtë interpretim, dhe për një artist duhet të ketë disi fryme fetare."

Pu Cunxini tha se i pëlqejnë drama dhe zhvillimi i dialogut shpirtëror me mjeshtrat e mëdhenj artistikë kinezë e të huaj, që të kuptoj mendimet shpirtërore të tyre. Pikërisht nga kjo frymë e punës së tij dhe të kolegëve të tij, vënia e dramës "Çajtorja" në skenë në Pekin arriti sukses të madh dhe gjeti jehonë të madhe. Kjo dramë u shfaq për 60 herë me radhë.

Pu Cunxini e konsideron veten si njeri shumë të arsyeshëm, kur punon me plan. Por ai ka edhe telashe, sepse shfaqjen e mirë në skenë e pengon ky temperament i tij.

Perveç shumë dramave të njohura, që ka luajtur, Pu Cunxini ka luajtur rolet kryesore edhe në filmat artistikë, si "Tingujt e kambanës në tempullin Qinliang", "Tregimet në Ynan", " Banjo" etj., si dhe në filmat televizivë: "Vijnë e shkojnë" etj., që është mirëpritur shumë nga spektatrorët. Perveç këtyre ai merr pjesë aktive edhe në aktivitetet për mirëqieniet shoqërore. Reklama e tij për dhurim vullnetar të gjakut shihet kudo në stacionet e metrosë; ai ka dhënë edhe kontribut për shpenzimet e shkollimit të nxënësve në fshtrat e varfra; ai është "propaganduesi i parë në Kinë për parandalimin e sëmundjes së Sidës". Ai ka dhënë kontribut të madh në këtë drejtim.

Të dashur lexues, lexuat artikullin për aktorin e famshëm dramaturgjik kinez Pu Cunxin. ( Daming )