Pu Cunxin është aktori i famshëm kinez dhe filmat e filmat televizivë të luajtur prej tij janë mirëpritur nga spektatorët me përqindje të lartë të shkimit. Ai del shpesh herë edhe në reklama televizive; ai është vlerësuar si " personi i pasurive të vitit 2000" ; ai është edhe propaganduesi i profilaksisë së sëmundjes së Sidës, i ftuar nga Ministria e Shëndetesisë e Kinës. Mirëpo, ky yll artistik, që ka filluar të hyjë në qarqet artistike nga interpretimi i dramave, është i mendimit se interpretimi i dramës është profesioni i tij më i preferueshëm. Në fillim të prillit të këtij viti Pu Cunxin u emërua nga Theatri i artit të popullit në Pekin si zv-drejtor i këtij Theatri.

48-vjeçari Pu Cunxin konsiderohet nga të tjerët si artist i sukseshëm dhe i talentuar jo në moshën e re. Në vitin 1953 ai ka lindur në një familje të artistëve në Pekin. I ati Su Min është aktor dhe regjisor i njohur i Theatrit të Artit Popullor në Pekin dhe deri më sot aktivizohet ende në skenën e dramaturgjisë së Kinës.

Ndoshta i ndikuar nga familja, Pu Cunxinit i pëlqente në vogëli më shumë gjuha kineze.

Ai tha: "Në shkollë kishim shumë lexime dhe recitime, mësuesja jonë e gjuhës ishte shumë e mirë. Edhe unë isha shumë i shkëlqyer, dija të recitoja përmendësh vjersha e poema, isha edhe anëtar i Korit të shkollës."

Por i erdhi keq Pu Cunxinit se nuk e realizoi ëndrrën e tij për të studiuar në degën e preferueshme në shkollën e lartë, sepse kishte filluar "revolucioni kulturor", kështu Pu Cunxin 16-vjeçar së bashku me moshatarët e tij shkuan në fshatin e Kinës veri-lindore për t'u kalitur. Në fshat ai qëndroi për 7 vjet e gjysmë. Në vitin 1976, kur ishte 24 vjeç, ai u kthye në Pekin dhe hyri në Ansamblin e Drejtorisë Politike të forcave ajrore të Ushtrisë Popullore Çlirimtare Kineze, duke filluar rrugën e tij të artistit. Ai ka punuar 9 vjet në këtë ansambël.

Duke e kujtuar atë periudhë, ai tha: "Në Ansamblin e Drejtorisë Politike të forcave ajrore të ushtrisë kineze dramën e parë e kam luajtur në një rol jo kryesor, nuk e mbajta mend qart. Por mund të them se kam filluar rrugën time profesionale nga rolet jo të rëndësishme nën dritat e forta të skenës. Mund të them se nuk isha një aktor i denjë, interpretoja keq. Por pasi e kalova një rrugë të gjatë, tani nuk mund të them se jam një aktor i keq, dhe spektatorët më konsiderojnë si aktor afër jetës."

Viti 1986 ishte një vit, që meritoi të kujtohej nga Pu Cunxini 33-vjeçar. Atë vit ai hyri në Theatrin e Artit Popullor në Pekin, ku shkon hap pas hapi drejt artit dhe ndriçimit të jetës së tij. Këtu Pu Cunxini ka luajtur rolet kryesore në dramat "Hamleti", "Poeti Li Bai", " Sendet monumentale të lashta" etj., si dhe në shumë filma televizivë.

Të dashur lexues, lexuat pjesën e parë të artikullit për aktorin e famshëm dramaturgjik kinez Pu Cunxin. (Daming )