Ma Juan ishte një gjenerali i njohur i dinastisë së Hanit lindor të Kinës së lashtë. Kur ishte i ri punonte si funksionar i ulët në një distrik. Një herë gjatë udhëtimit për të çuar disa të burgosur, atij i erdhi keq dhe i liroi të gjithë, ndërsa ai vetë u arratis në provincën Gansu, ku jentonte si fshatar dhe blegtor dhe pas disa vjetësh u pasurua. Por Ma Juan ishte i mendimit se ata që rendnin vetëm pas jetës luksoze kishin moral të ulët, prandaj iu shpërndau pasurinë vëllezërve, të afërmeve, fqinjëve dhe miqve, kurse vetë filli përsëri një jetë të thjeshtë dhe modeste.

Në kohën e perandorit Kuan Vu, Ma Juan mori pjesë më se një herë në luftën kundër agresinoit të kombësive të tjera për mbrojtjen e zonave kufitare, dhe kreu shumë heroizma, prandaj perandori Kuan Vu e emëroi "gjenerali Fupo".

Një gjeneral tjetër me emrin Liu Shan u shpartallua në provincën Gujxhou dhe të gjitha trupat e tij u asgjësuan. Kur mësoi këtë lajm Ma Juan kërkoi vetë të hskojë në front, megjithëse ishte 62 vjeç.

Ma Juan thoshte shpesh: "Burrat e shquar duhet të vdesin në fushën e betejës dhe të varrosen me këkurë kali" dhe me të vërtetë ai vdiq në kamp ushtarak. Kur luftonte në provincën Gujxhou, shumë ushtarë u prehën nga epidemi dhe midis tyre u sëmur edhe ky gjenerali i vjetër që mori pjesë në mbi 100 beteja, por nuk deshi të largohet nga trupat dhe qendroi vendosmërisht në një çadër të fronit. Kështu, më në fund ai e realizoi dëshirën e vet: vdiq në fushën e betejës dhe u varros me lëkurë kali.

Kjo u përdor më vonë si një shprehje vendosmërie për ata që janë gati të bien në fushën e betejës për të mbrojtur atdheun.